1 Samuel 25:11 - Biblia alo Ŋɔŋlɔ Kɔkɔe La Le Eʋegbe Me 1913

¹¹ Ɖe matsɔ nye nuɖuɖu kple nye nunono kpakple lã, si mewu na nye fukolawo la, na amesiwo nyemenya afisi wotso oa?

Agbenya La

¹¹ Ɖe matsɔ nye abolo kple nye tsi kple lã si mewu na nye fukolawo la ana ameha aɖe si tso afi si nyemenya oa?”

1 Samuel 25:11 Mawu Ofanana

Hiob ƒe Agbalẽ 31:17

Ɖe nye ɖeɖe meɖu nu, eye nyemena tsyɔ̃evi ɖul kplim oa?

2 Korintotɔwo 6:9

abe amesiwo womenya o ene, gake amesiwo wodze si kɔte la woe; abe amesiwo le kukum ene, gake kpɔ ɖa, míele agbe; abe amesiwo woƒo ene, gake womewu wo o;

Galatiatɔwo 6:10

Eyaŋuti esi asinukpɔkpɔ le mía si la, mina míawɔ nu nyui na amesiame, ke vevietɔ na haxɔsetɔwo.

5 Mose 8:17

Eye megabu le ɖokuiwò me be: Nye ŋutɔ nye ŋusẽ kple nye asi sesẽe metsɔ kpɔ kesinɔnu siawoe o;

1 Petro 4:9

Milɔ̃ amedzrowɔwɔ na mia nɔewo, eye liʋiliʋilili naganɔ me o.

Ɖelawo 8:15

Eye esi wòva Sukottɔwo gbɔ la, egblɔ bena: Zebax kple Zalmuna enye si, amesiwo mietsɔ ɖu fewu le ŋunye gblɔ bena: Ɖe wò asi tu Zebax kple Zalmuna, hafi miana abolo wò ame, siwo ŋu ɖeɖi te belibeli la mahã?

Ɖelawo 8:6

Sukot-amegãwo ɖo ŋu bena: Ɖe wò asi tu Zebax kple Zalmuna, hafi miatso abolo na wò aʋakɔ la?

Ɖelawo 8:8

Eye woho tso afima yi Penuel, eye wògblɔ na woawo hã alea ke, ke Penueltɔwo ɖo ŋu nɛ abe Sukottɔwo ke ene.

1 Samuel 24:13

Yehowa nadrɔ̃ ʋɔnu le mía kpli wò dome, eye Yehowa nabia hlɔ̃ wò nam, ke nye asi made ŋuwò o!

1 Samuel 25:12

Eye Dawid ƒe ɖekakpuiawo gbugbɔ lé woƒe mɔ heva gblɔ nyawo katã nɛ.

1 Samuel 25:3

Ŋutsu la ŋkɔ nye Nabal, eye srɔ̃ ŋkɔ nye Abigail: nyɔnu la ƒe tagbɔ ka, eye wòdze tugbe, ke ŋutsua enye ŋlɔmitɔ, evɔ̃ɖi, eye wòtso Kaleb-ƒome me.

1 Samuel 25:7

Mese be, èva fu ko ge na alẽwo; wò lãkplɔlawo nɔ mia gbɔ, gake míede fu na wo o, eye woƒe naneke mebu le ŋkeke, siwo katã me wole Karmel o.