1 Samuel 20:5 - Biblia alo Ŋɔŋlɔ Kɔkɔe La Le Eʋegbe Me 1913

⁵ Dawid gblɔ na Yonatan bena: Kpɔ da, etsɔ enye dzinu yeye, eye wòle nam be, mayi nuɖuƒe kple fia hafi; eyata na mayi ɖaɣla ɖokuinye de gbe me vaseɖe ŋkeke etɔ̃lia ƒe fiẽ!

Agbenya La

⁵ Ale David gblɔ be, “Kpɔ ɖa, etsɔe nye dzinu yeye ƒe ŋkekenyui eye ele nam be maɖu nu kple fia la, gake na mayi aɖaɣla ɖokuinye ɖe gbe me va se ɖe etsɔ mele eme o ƒe fiẽ.

1 Samuel 20:5 Mawu Ofanana

2 Fiawo 4:23

Eye wògblɔ bena: Nukata nèbe, yeayi ɖo, egbe mehenye dzinu yeye alo dzudzɔgbe oa? Eɖo ŋu bena: Enyo!

Psalmowo 55:12

Gbegblẽ le eme, eye ŋutasesẽ kple amebaba mete ɖa le eƒe abla me o.

Psalmowo 81:3

Mixe ha, mina axatsɛwo, gakasaŋku kple saŋku viviwo naɖi!

Lododowo 22:3

Nunyala kpɔa dzɔgbevɔ̃e, eye wòɣlaa eɖokui; ke ame bebewu dea ta eme, eye akpɔ etɔnua.

Amos 8:5

mi amesiwo le gbɔgblɔm be: Gbekagbe gɔ̃ dzinu yeye nu le yiyi ge, ne míadzra bli, eye dzudzɔgbe nu le yiyi ge, ne míaʋu avawo nu ahakpa nudotree sue, míadzi asi ɖe edzi, eye míaŋe nudanu ɖe eme aha amee;

4 Mose 10:10

Gbesigbe miele dzidzɔ kpɔm, alo miele ŋkekenyuie ɖum, alo ɣleti yeye dze dzi, eye miesa numevɔ kple akpedavɔ la, ekema miaku kpẽ, eye wòana mia Mawu naɖo ŋku mia dzi. Nyee nye Yehowa, mia Mawu!

4 Mose 28:11

Gbesigbe ɣleti dze dzi la, miatsɔ nyitsuvi eve, agbo ɖeka kple alẽvi adre, siwo sɔ blibo, eye woxɔ ƒe ɖekaɖeka la, asa numevɔ na Yehowa.

Yohanes 8:59

Tete wofa kpewo, be yewoaƒui; ke Yesu ɣla eɖokui, eye wòdo go le mawuƒe la me.

Dɔwɔwɔwo 17:14

Tete nɔviawo dɔ Paulo ɖe ƒu gome enumake, eye Sila kple Timoteo tsi afima.

Kolosetɔwo 2:16

Eyata migana amea ɖeke nadrɔ̃ ʋɔnu mi le nuɖuɖu alo nunono ŋuti alo le ŋkekenyuie alo ɣletidzedzi alo Sabat la gome o.

1 Samuel 19:2

Eye Yonatan va gblɔe na Dawid bena: Fofonye Saul le didim be, yeawu wo; eyata kpɔ ɖokuiwò dzi nyuie etsɔ, eye nahe ɖe ɣaɣlaƒe!

1 Samuel 20:18

Eye Yonatan gblɔ nɛ bena: Etsɔe nye dzinu yeye, eye wole tawo bia ge, elabena wò nɔƒe aɖi gbɔlo.

1 Samuel 20:19

Eye nyitsɔ la nade abla ayi afisi nèɣla ɖokuiwò do le gbedzrogbe, eye nabɔbɔ nɔ Asel-kpe la gbɔ!

1 Samuel 20:24

Eye Dawid ɣla eɖokui ɖe gbea me. Esi dzinu yeye do la, fia la bɔbɔ nɔ kplɔ̃ ŋu, be yeaɖu nu.

1 Samuel 20:27

Esi Dawid nɔƒe ɖi gbɔlo le dzinu yeye ƒe ŋkeke evelia dzi la, Saul bia via Yonatan bena: Nukaŋuti Isai vi la meva nuɖuƒe etsɔ kple egbe oa?

1 Samuel 20:4

Tete Yonatan gblɔ na Dawid bena: Gblɔ nusi mawɔ na wò!

1 Samuel 20:6

Ne fofowò bia tanye la, ekema gblɔ be: Dawid bia gbem be, yeade abla ayi yewo de Betlexem, elabena ƒome blibo la le ƒevɔ sa ge le afima.