1 Samuel 2:7 - Biblia alo Ŋɔŋlɔ Kɔkɔe La Le Eʋegbe Me 1913

⁷ Yehowa wɔa ahetɔ kple kesinɔtɔ, eyae ƒua ame anyi, eye wògafɔa ame ɖe dzii.

Agbenya La

⁷ Yehowa ɖoa ahedada ɖa eye eya kee gaɖoa hokpɔkpɔ ɖa; eyae bɔbɔa ame ɖe anyi eye eya kee gadoa ame ɖe dzi.

1 Samuel 2:7 Mawu Ofanana

2 Fiawo 9:6

Tete wòtsi tre heyi xɔa me, eye wòka ami la ɖe eƒe ta me gblɔ nɛ bena: Ale Yehowa, Israel ƒe Mawu la, gblɔ esi: Mesi ami na wò heɖo fia wò ɖe Yehowa ƒe aƒe Israel dzi.

1 Kronika 29:12

Kesinɔnu kple bubu tso gbɔwò, eye nèɖu fia ɖe nusianu dzi; gãnyenye kple ŋusẽ le asiwò me, eye gbɔwò wòtsona be, amea ɖe nazu gã, eye woakpe ŋusẽ.

2 Kronika 32:27

Kesinɔnu kple bubu geɖe ŋutɔ su Xizkiya si, eye wòwɔ nudzraɖoƒewo ɖe klosalo kple sika, kpe xɔasiwo kple atike ʋeʋẽewo, akpoxɔnuwo kple nu xɔasi vovovowo ŋu.

2 Kronika 32:29

Etso duwo na eɖokui, eye alẽha kple nyiha gãwo le esi, elabena Mawu na kesinɔnu geɖe ŋutɔe.

Hiob ƒe Agbalẽ 1:21

gblɔ bena: Amama mele tso ɖanye ƒe ɖɔ me, eye ama ma manɔ agayi Yehowae na, Yehowae gaxɔe, woakafu Yehowa ŋkɔ!

Hiob ƒe Agbalẽ 40:12

Lé ŋku ɖe dadalawo katã dzi, te wo ɖe anyi, eye naho ame vɔ̃ɖiwo ɖa le wo teƒe!

Hiob ƒe Agbalẽ 5:11

Edoa ame bɔbɔɖokuiwo de dzi, eye wòkplɔa dzɔgbenyuie ƒua nuxalawo.

Psalmowo 102:10

Elabena mele dzowɔ ɖum abe abolo ene, eye nye nunono tɔtɔ kple aɖatsi

Psalmowo 75:7

Elabena menye ɣedzeƒe alo ɣetoɖoƒe alo gbedzie dodoɖedzi tsona o,

Psalmowo 75:8

ke boŋ Mawue nye ʋɔnudrɔ̃la; eyae bɔbɔa amesi ɖe anyi, eye wòdoa ame keme ɖe dzi.

Lododowo 22:2

Kesinɔtɔ kple ame dahe wodoa go wo nɔewo; wo katã wɔla enye Yehowa.

Yesaya 2:12

Elabena ŋkeke li na Yehowa Zebaot ɖe dadalawo katã kple ame kɔkɔwo, ɖe nusiwo katã kɔa ta dzi la ŋu, ne woabɔbɔ ɖe anyi;

Yeremia 49:15

Elabena mewɔ wò sue le dukɔwo dome, eye medo vlo wò le amegbetɔwo dome.

Hezekiel 17:24

Eye gbemetiwo katã adze sii be, nye Yehowa ye bɔbɔ ati kɔkɔ la ɖe anyi, eye mekɔ ati tehee la ɖe dzi; nyee na ati mumu la ku, eye ati kuku la dze, nye Yehowa ye ƒo nu, eye mewɔe hã.

Yakobo 4:10

Mibɔbɔ mia ɖokui ɖe anyi le Aƒetɔ la ŋku me, eye wòakɔ mi ɖe dzi.