1 Samuel 18:27 - Biblia alo Ŋɔŋlɔ Kɔkɔe La Le Eʋegbe Me 1913

²⁷ Dawid kple eƒe amewo ho yi ɖawu ame alafa eve le Filistitɔwo dome, eye wotsɔ woƒe aʋanuyiwo vɛ na fia la wòde pɛpɛpɛ, bena ne woazu fia ƒe to. Tete Saul tsɔ vianyɔnu Mixal nɛ wòɖe.

Agbenya La

²⁷ David kple eƒe amewo yi ɖawu Filistitɔ alafa eve (200) eye wòtsɔ woƒe aʋanuyiwo yi na Fia Saul. Ale Fia Saul tsɔ via nyɔnuvi, Mixal, na David wòɖe.

1 Samuel 18:27 Mawu Ofanana

2 Samuel 3:13

Eɖo ŋu bena: Enyo, mabia nu kpli wò: ke nu ɖeka dim mele tso asiwò; makpɔ nye ŋku me o, negbe ɖeko nakplɔ Saul vinyɔnu Mixal vɛ, hafi ava kpɔ nye ŋku me!

2 Samuel 3:14

Tete Dawid dɔ amewo ɖo ɖe Saul vi Is-Boset, ne woagblɔ nɛ be: Kplɔ srɔ̃nye Mixal, si metsɔ Filistitɔwo ƒe aʋanuyi alafa ɖeka ɖe la, vɛ nam!

Ɖelawo 14:19

Eye Yehowa ƒe gbɔgbɔ dze edzi wòyi Askalon ɖawu ŋutsu blaetɔ̃ heɖe wo ŋu nuwo, eye wòtsɔ atsyɔ̃ɖowu blaetɔ̃ na amesiwo ɖe adzo la gɔme. Tete dzi kui wògbugbɔ yi fofoa ƒe me.

1 Samuel 14:49

Saul viŋutsuwo nye: Yonatan, Yiswi kple Malkisua, eye vianyɔnu eveawo ƒe ŋkɔwo nye; xoxoetɔ ŋkɔ nye Merab, eye ɖevitɔ ŋkɔ nye Mixal.

1 Samuel 18:13

Eye Saul ɖee ɖa le eɖokui ŋu hetsɔ ɖo amegã ɖe ame akpe nu, eye wòdona dzea dukɔ la ŋgɔ gagbɔna kpli wo.

1 Samuel 18:17

Eye Saul gblɔ na Dawid bena: Kpɔ ɖa, matsɔ vinyenyɔnu xoxoetɔ Merab na wò naɖe; nye kalẽtɔ nam ko, eye wɔ Yehowa ƒe aʋa wo! Ke Saul gblɔ be: Matsi ye si me o, boŋ netsi Filistitɔwo si me!

1 Samuel 18:28

Esi Saul kpɔ dze sii be, Yehowa li kple Dawid, eye Saul vinyɔnu Mixal lɔ̃a eƒe nya la,

1 Samuel 25:44

Ke Saul tsɔ vianyɔnu Mixal, si nye Dawid srɔ̃ la, na Lais vi Palti, tso Galim.