1 Samuel 15:8 - Biblia alo Ŋɔŋlɔ Kɔkɔe La Le Eʋegbe Me 1913

⁸ Ele Amalekitɔwo ƒe fia Agag agbagbe, eye wòtsɔ yi tsrɔ̃ dukɔ blibo la gbidigbidi.

Agbenya La

⁸ Elé Agag, Amalekitɔwo ƒe fia eye wòwu ame mamlɛawo katã.

1 Samuel 15:8 Mawu Ofanana

2 Samuel 8:12

Exɔ wo le Aramtɔwo, Moabitɔwo, Amon-viwo, Filistitɔwo kple Amalekitɔwo si hekpe ɖe nusiwo woha le Zoba-fia Hadadezer, Rexob vi si la ŋuti.

1 Fiawo 20:30

Ke esi ame mlɔeawo si yi Afek-dua me la, gli mũ dze ame akpe blave vɔ adre, siwo kpɔtɔ la dzi; eye Ben-Hadad si yi dua me tso xɔ me yi xɔ me.

1 Kronika 4:43

Eye wowu Amalekitɔ, siwo tsi anyi la ƒe susɔeawo henɔ afima vaseɖe egbe.

Ester 3:1

Le nya siawo megbe la fia Axasweros do gã Haman, Hamedata vi, si nye Agagitɔ la, gãe edoe ɖe dzi, eye wotsɔ eƒe zikpui ɖo amegã, siwo katã le eŋu la tɔwo ŋgɔ.

3 Mose 27:29

Ne wodo busu amea ɖe la, womaxɔe kple ga o, boŋ woawui.

4 Mose 24:7

Tsi gbagba eƒe tɔkpowo, eye wòƒã nu ɖe tɔ geɖewo to. Eƒe fia xɔ ŋkɔ wu Agag, eye eƒe fiaɖuƒe keke ɖe nu.

Yosua 10:39

eye woɖu eya hã kple eme fia kpakple eƒe duwo katã dzi, eye wowu wo kple yi hetsrɔ̃ amesiwo katã le eme lã gbidigbidi, eye mena amea ɖeke si o, alesi wowɔ Xebron la, nenema wowɔ Debir kple eme fia hãe, abe alesi wowɔ Libna kple eme fia ene.

Yosua 11:12

Ale Yosua ɖu fia siawo ƒe duwo kple woƒe fiawo katã dzi, eye wòwu wo kple yi; etsrɔ̃ wo gbidigbidi, abe alesi Yehowa ƒe dɔla Mose de se ene.

Yosua 8:23

Eye wòlé Ai-fia agbagbe kplɔ va Yosua gbɔ.

1 Samuel 15:20

Saul ɖo ŋu na Samuel bena: Meɖo to Yehowa ƒe gbe tso, eye mede nusi gbe Yehowa dɔm ɖo la, nakplɔ Amalek-fia Agag ve, ke metsrɔ̃ Amalekitɔwo gbidigbidi.

1 Samuel 15:3

Eyata yi, nasi Amalek, eye natsrɔ̃ eƒe nuwo katã gbidigbidi, megave enu o; ke boŋ wu ŋutsuwo kple nyɔnuwo, ɖeviwo kple vidzĩewo, nyiwo kple alẽwo, kposɔwo kple tedziwo siaa!

1 Samuel 22:19

Etsɔ yi tsrɔ̃ Nob, si nye nunɔlawo ƒe du la, eye wotsɔ yi wu ŋutsuwo kple nyɔnuwo, ɖeviwo kple vidzĩewo, nyiwo kple tedziwo kpakple alẽwo.

1 Samuel 30:1

Esi Dawid kple eƒe amewo gbɔ va Ziklag le ŋkeke etɔ̃agbe la, kpɔ ɖa, Amalekitɔwo va dze dziehenyigba kple Ziklag dzi, eye wòsi Ziklag hetɔ dzoe.