1 Samuel 10:5 - Biblia alo Ŋɔŋlɔ Kɔkɔe La Le Eʋegbe Me 1913

⁵ Emegbe ava Mawu ƒe Gibea, afisi Filistitɔwo ɖo dzɔlawoe. Eye avɔ me be, ne èɖo dua me afima la, akpe nyagblɔɖilawo ƒe haa ɖe, siwo tso to dzi, eye saŋku, axatsɛ, dze kple kasaŋku le ɖiɖim le wo ŋgɔ, ke woawo ŋutɔwo le nya gblɔm ɖi.

Agbenya La

⁵ “Le esia megbe la, àva ɖo Mawu ƒe Gibea, afi si Filistitɔwo ƒe dzɔlawo le. Ne èɖo ta dua me la, àdo go Nyagblɔɖilawo ƒe ha siwo ɖiɖi tso kɔkɔƒe la gbɔna eye kasaŋkuwo, asiʋuiwo, kpẽwo kple gakasaŋkuwo anɔ ɖiɖim le wo ŋgɔ eye wole nya gblɔm ɖi.

1 Samuel 10:5 Mawu Ofanana

1 Fiawo 18:29

Eye esi ɣetrɔ ɖo la, wode asi nugbenugbee wɔwɔ me vaseɖe ɣeyiɣi, si wosaa nuɖuvɔ; ke gbea ɖeke meɖi o, amea ɖeke metɔ o, eye amea ɖeke meɖo to o.

2 Fiawo 2:15

Esi nyagblɔɖilawo ƒe nusrɔ̃vi, siwo le Yerixo, kpoe le adzɔge la, wogblɔ be: Eliya ƒe gbɔgbɔ le Elisa dzi. Eye woyi ɖakpee hede ta agu nɛ.

2 Fiawo 2:3

Tete nyagblɔɖilawo ƒe nusrɔ̃vi, siwo le Betel la, va Elisa gbɔ gblɔ nɛ bena: Enyae be, Yehowa le wò aƒetɔ kɔ ge agbɔ tawo ayii egbea? Eɖo ŋu bena: Nye hã menyae, mizi ɖoɖoe.

2 Fiawo 2:5

Tete nyagblɔɖilawo ƒe nusrɔ̃vi, siwo le Yerixo la, te ɖe Elisa ŋu gblɔ nɛ bena: Enyae be. Yehowa le wò aƒetɔ kɔ ge agbɔ tawò ayii egbea? Eɖo ŋu bena Nye hã menyae, mizi ɖoɖoe.

2 Fiawo 2:7

Eye nyagblɔɖilawo ƒe nusrɔ̃viwo dome ame blaatɔ̃ yi ɖatsi tre ɖe wo kasa le adzɔge; ke wo kple eve la wovi Yordan nu.

2 Fiawo 3:15

Azɔ miyɔ kasaŋkuƒolaa ɖe ɖem! Esime kasaŋkuƒola le saŋkua ƒom la, tete Yehowa ƒe asi va edzi,

2 Fiawo 4:38

Emegbe Elisa gbugbɔ va Gilgal. Eye dɔ to le anyigba dzi, eye nyagblɔɖilawo ƒe nusrɔ̃viwo bɔbɔ nɔ eŋku me. Tete wògblɔ na eƒe ɖekakpui bena: Ɖo ze gã dzoe, ne naɖa nu na nyagblɔɖilawo ƒe nusrɔ̃viawo.

2 Fiawo 6:1

Eye nyagblɔɖilawo ƒe nusrɔ̃viwo gblɔ na Elisa bena: Kpɔ ɖa, teƒe, si míele le gbɔwò la, xaxa na mí akpa.

1 Kronika 11:16

Dawid le mɔ̃ la me ɣemaɣi, eye Filistitɔwo ɖe aʋakɔ ɖo Betlexem ɣemaɣi.

1 Kronika 13:8

Tete Dawid kple Israel blibo la le ɣe ɖum le Mawu ŋku me kple ŋusẽ katã ɖe hadzidzi, saŋku kple kasaŋku, asiʋui kple gakogoe kpakple kpẽwo ŋu.

1 Kronika 16:42

Wotsɔ kpẽwo, gakogoewo kple Mawu ƒe hadzinuawo na wo hena kpẽkulawo. Eye Yedutun viwo nye agbonudzɔlawo.

1 Kronika 16:5

kple woƒe hadzinuwo, siwo nye saŋkuwo kple kasaŋkuwo; woawo nye Asaf, si nye tatɔ, eyometɔ nye Zaxarya, Yeiel, Semiramot Yexiel, Matitya, Eliab, Benaya, Obed-Edom kple Yeiel. Asaf ƒoa gakogoe sesĩe,

Psalmowo 49:4

Nye nu agblɔ nunya, eye gɔmesese enye nye dzimesusuwo.

Psalmowo 92:3

woade gbe ƒã wò amenuveve le ŋdi kple wò nuteƒewɔwɔ le zãwo me,

1 Korintotɔwo 14:1

Miti lɔlɔ̃ yome; ke midi gbɔgbɔ me nuwo vevie: vevietɔ bena miagblɔ nya ɖi.

1 Samuel 10:10

Esi wòva ɖo Gibea la, kpɔ ɖa, nyagblɔɖilawo ƒe haa ɖe va do goe, eye Mawu ƒe gbɔgbɔ dze edzi wògblɔ nya ɖi le wo dome.

1 Samuel 10:4

Woana ɖoaƒe wò, eye ne wotsɔ abolo eve na wò la, naxɔe!

1 Samuel 13:2

Saul tia ame akpe etɔ̃ tso Israel. Ame akpe eve le Saul ŋu le Mixmas kple Betel-to dzi, eye ame akpe ɖeka le Yonatan ŋu le Gibea-Benyamin; ke eɖe asi le dukɔ la ƒe ame mamleawo ŋu, amesiame yi eƒe agbadɔ me.

1 Samuel 13:3

Eye Yonatan si Filistitɔwo ƒe dzɔla, siwo le Geba, eye Filistitɔwo see. Tete Saul na woku kpẽ le anyigba blibo la katã dzi, bena Hebritɔwo nasee.

1 Samuel 19:20

Enumake Saul dɔ amewo ɖo ɖa, be woaɖakplɔ Dawid va; ke esi wokpɔ nyagblɔɖilawo ƒe ha le nya gblɔm ɖi, eye Samuel nye tatɔ le wo nu la, Mawu ƒe gbɔgbɔ va Saul ƒe dɔlawo dzi, ale be woawo hã gblɔ nya ɖi.

1 Samuel 9:12

Woɖo ŋu na wo bena. Ẽ, ele afisia, afɔ netsɔ na mi, eva dua me egbea, elabena dukɔ la le vɔ sa ge le to dzi egbea.