1 Samuel 1:2 - Biblia alo Ŋɔŋlɔ Kɔkɔe La Le Eʋegbe Me 1913

² Eɖe srɔ̃ eve, ɖeka ŋkɔ nye Xana, eye evelia ŋkɔ nye Penina; Penina dzi vi, ke Xana medzi via ɖeke o.

Agbenya La

² Srɔ̃ eve nɔ Elkana si, ame siwo nye Hana kple Penina. Viwo nɔ Penina si ke Hana ya medzi vi o.

1 Samuel 1:2 Mawu Ofanana

1 Mose 11:30

Ke Sarai tsi ko, vi mele esi o.

1 Mose 25:21

Ke Isak, ƒo koko na Yehowa le srɔ̃a ta, elabena etsi ko. Eye Yehowa ɖo to eƒe kokoƒoƒo la, eye srɔ̃a Rebeka fɔ fu.

1 Mose 29:31

Ke esi Yehowa kpɔ bena, womelɔ̃a Lea ƒe nya o la, enu eƒe vidzidɔ, eye wòxe Raxel tɔ.

1 Mose 4:19

Ke Lamex ɖe srɔ̃ eve; ɖeka ŋkɔ enye Ada, eye evelia ŋkɔ enye Zila.

1 Mose 4:23

Eye Lamex gblɔ na srɔ̃wo bena: Ada kple Zila, miɖo to nye gbe; mi Lamex srɔ̃wo, mise ye nyawo! Vavã, mewu ŋutsu ɖe nye abi teƒe kple ɖekakpui ɖe nye dodro teƒe.

Mateo 19:8

Egblɔ na wo bena: Le miaƒe dzimesesẽ ŋutie Mose na mɔ mi bena, miaɖe asi le mia srɔ̃wo ŋuti ɖo; gake tso gɔmedzedzea me ke la mele nenema o.

Luka 1:7

Ke vi mele wo si o, elabena Elisabet tsi ko, eye woa kple eve la siaa woxɔ ƒe geɖe.

Luka 2:36

Eye Hana, nyɔnu nyagblɔɖilaa ɖe li, enye Fanuel ƒe nyɔnuvi tso Aser-ƒome me, si xɔ ƒe geɖe ŋutɔ, eye wònɔ anyi kple srɔ̃a ƒe adre tso eƒe ɖetugbi me;

Ɖelawo 13:2

Ɣemaɣi ŋutsua ɖe tso Zora le Dan-ƒome la me, amesi ŋkɔe nye Manoax, eye srɔ̃ tsi ko, medzi vi o.

Ɖelawo 8:30

Ŋutsuvi blaadre le Gideon si, siwo nye eya ŋutɔ ƒe ali me viwo, elabena eɖe srɔ̃ geɖe.