1 Mose 7:5 - Biblia alo Ŋɔŋlɔ Kɔkɔe La Le Eʋegbe Me 1913

⁵ Eye Noa wɔe, abe alesi Mawu de se nɛ ene.

Agbenya La

⁵ Ale Noa wɔ nu sia nu si Yehowa di tso esi be wòawɔ la.

1 Mose 7:5 Mawu Ofanana

1 Mose 6:22

Eye Noa wɔe; alesi Mawu de se nɛ la, nenema pɛ wòwɔ.

1 Mose 7:16

Eye lã, siwo yi ɖe egbɔ la, wonye atsu kple asi; lã vovovowo yi ɖe egbɔ, abe alesi Mawu ɖe se nɛ ene. Eye Yehowa do ʋɔ ɖe enu.

Psalmowo 119:6

Ekema ŋu makpem o, nenye be, meɖe ŋku ɖe wò seawo katã.

2 Mose 39:32

Ble wowu nɔƒe, si enye Mawu ƒe agbadɔ la, ŋu dɔwo katã nu, eye Israel-viwo wɔe pɛpɛpɛ, abe alesi Yehowa de se na Mose be, woawɔe ene.

2 Mose 40:16

Eye Mose wɔe pɛpɛpɛ. Alesi Yehowa de se ne la, nenema wòwɔ.

2 Mose 7:6

Alesi Yehowa ɖe se na Mose kple Aron la, nenema wowɔ.

Mateo 3:15

Ke Yesu ɖo eŋu gblɔ nɛ bena: Na mɔ azɔ, elabena nenema koe dze mí bena, míawu nu dzɔdzɔewo katã nu. Tete wòɖe mo nɛ.

Luka 8:21

Eye wòɖo eŋu na wo bena: Danye kple nɔvinyewo nye esiawo, amesiwo le mawunya la Sem, eye wole edzi wɔm.

Yohanes 13:17

Ne mienyã nusiawo, eye miewɔ wo la, Woayra mi.

Yohanes 2:5

Dadaa gblɔ na subɔlawo bena: Nusi ke wòagblɔ na mi la, miwɔe.

Filipitɔwo 2:8

Ebɔbɔ eɖokui ɖe anyi, eye wòɖo to yiɖase ku me, yiɖase atitsoga ŋuti ku la me ke.

Hebritɔwo 5:8

eye wònye Vi wònye hafi, gake wòsrɔ̃ toɖoɖo le fu, siwo wokpe la me;