1 Mose 48:18 - Biblia alo Ŋɔŋlɔ Kɔkɔe La Le Eʋegbe Me 1913

¹⁸ Eye Yosef gblɔ na fofoa bena: Fofonye, menye nenema o; esia nye ŋgɔgbetɔ, tsɔ wò nuɖusi da ɖe eƒe ta dzi!

Agbenya La

¹⁸ Egblɔ be, “Ao, fofonye, ètsɔ wò nuɖusi da ɖe ame si ƒe ta dzi mele be nàdae ɖo o la! Ame si le afi sia lae nye tsitsitɔ. Da wò nuɖusi ɖe eya boŋ dzi!”

1 Mose 48:18 Mawu Ofanana

1 Mose 19:18

Ke Lot gblɔ bena: O, Aƒetɔ, meganɔ nenema o!

1 Mose 27:15

Emegbe la Rebeka tsɔ via xoxoetɔ Esau ƒe atsyɔɖowu, siwo le egbɔ la, hedo na via ɖevitɔ Yakob.

1 Mose 29:26

Laban ɖo ŋu ne bena: Menye míaƒe kɔ be, woatre ɖevitɔ ɖeɖe na xoxoetɔ o.

1 Mose 43:33

Eye wobɔbɔ nɔ anyi dze ŋgɔe le kplɔ̃a ŋu, eye wòɖo wo tso tsitsitsɔ dzi vaseɖe ɖevitɔ dzi ɖe woƒe tsitsime nu; ke ŋutsuawo ƒe nu ku, eye wode asi wo nɔewo kpɔkpɔ me.

1 Mose 48:17

Esi Yosef kpɔ bena, fofoa da eƒe nuɖusi ɖe Efrayim ƒe ta dzi la, menyo eŋu o; eyata wòlé fofoa ƒe asi, be yeaɖee ɖa le Efrayim ƒe ta dzi ahada ɖe Manase ƒe ta dzi.

1 Mose 48:19

Ke fofoa gbe, eye wògblɔ bena: Menyae, vinye, menyae! Eya hã ava nye dukɔ, eye wòasẽ ŋu. Gake nɔvia ɖevitɔa asẽ ŋu awui, eye eƒe dzidzimeviwo anye dukɔ gã.

1 Mose 49:3

Ruben! wòe nye nye ŋgɔgbevi, nye ŋusẽ kple nye ali me vi gbãtɔ, gbãtɔ le bubu me kple gãtɔ le ŋusẽ me.

2 Mose 10:11

Gbeɖe! Ŋutsuwo ko nayi aɖasubɔ Yehowa, elabena alea míeɖi! Eye wonyã wo dzo le Farao gbɔe.

Mateo 25:9

Ke aɖaŋudzelawo xɔ edzi gblɔ bena: O, ɖewohĩ made mía kpli miawo nu o, miyi amesiwo le edzram la gbɔ boŋ, ne miadzee na mia ɖokui.

Dɔwɔwɔwo 10:14

Ke Petro gblɔ bena: Kpao, Aƒetɔ, elabena nyemeɖu nusianu, si nye nu dzodzro kple nu makɔmakɔ kpɔ o.

Dɔwɔwɔwo 11:8

Ke megblɔ bena: Kpao, Aƒetɔ, elabena nu dzodzro alo nu makɔmakɔa ɖeke mede nye nu me kpɔ o.