1 Mose 43:9 - Biblia alo Ŋɔŋlɔ Kɔkɔe La Le Eʋegbe Me 1913

⁹ Manɔ enu, eye nabiae atso asinye. Ne nyemegakplɔe va ɖo ŋkuwò me o la, ekema nabum vodalae le nye agbe me ŋkekewo katã me.

Agbenya La

⁹ Makpɔ eƒe dedinɔnɔ gbɔ. Ne nyemekplɔe gbɔe na wò o la, ekema na fɔɖiɖi la nanɔ dzinye tegbee.

1 Mose 43:9 Mawu Ofanana

1 Mose 31:39

Esiwo nu lé la, nyemetsɔa wo vanɛ na wò o, ke boŋ meɖoa eteƒe na wò, elabena èbianɛ tso asinye, eɖanye wofii le ŋɖɔ alo zã o.

1 Mose 42:37

Ruben gblɔ na fofoa bena. Ne nyemegakplɔe vɛ na wò o la, ekema nawu nye ŋutsuvi eveawo! Tsɔe de asi nam ko, eye magakplɔe vɛ na wò!

1 Mose 43:10

Ɖe menye hehem míele ɖe megbe o la, anye ne miede zi eve gbɔ xoxo.

1 Mose 9:5

Ke mia ŋutɔwo miaƒe ʋu la, mabiae le lãwo kple amewo siaa si, mabia amesiame ƒe agbe le nɔvia si.

2 Samuel 14:9

Eye Tekoa-nyɔnu la gblɔ na fia la bena: Nye aƒetɔ fia, mía kple fofonye ƒe aƒe dzi vodada la le, ke fia kple eƒe fiazikpui meɖi faa ɖeke o.

1 Fiawo 1:21

Elabena ava me be, ne nye aƒetɔ fia mia fofoawo gbɔ la, ekema woakpɔ mia kple vinye Salomo abe nuvɔ̃wɔlawo ene.

Hiob ƒe Agbalẽ 17:3

Wò ŋutɔ xɔ nya ɖe nunye le gbɔwò! Ameka gɔ̃e gali ana asim?

Psalmowo 119:122

Xɔ nya ɖe wò dɔla nu hena eƒe nyui, ne dadalawo nagatem ɖe anyi o.

Hezekiel 3:18

Ne megblɔ na ame vɔ̃ɖi be: „Ele kuku ge,“ eye mexlɔ̃ nui heƒo nu kplii be, ame vɔ̃ɖi la nakpɔ eɖokui dzi ɖe eƒe mo vɔ̃ɖiwo ŋu, ne woatsi agbe o la, ekema ame vɔ̃ɖi la aku le eƒe vodadawo ta; ke asiwò me mabia eƒe ʋu le.

Hezekiel 3:20

Ne ame dzɔdzɔe ɖe asi le eƒe nu dzɔdzɔe wɔwɔ ŋu hewɔ nu vɔ̃ɖi la, ekema maɖo nu nɛ, wòakli aku. Elabena esi mèxlɔ̃ nui o la, eyata woku le eƒe nuvɔ̃wo ta ɖo, eye womagaɖo ŋu eƒe nu dzɔdzɔe, siwo wòwɔ la o; ke asiwò me mabia eƒe ʋu le.

Hezekiel 33:6

Ne gbetakpɔla kpɔ yi gbɔna, ke meku kpẽ o, eye mexlɔ̃ nu dukɔ la o, eye yi va heɖe ame ɖeka ɖa le wo dome la, ame ma ƒe vodada tae woɖee ɖa ɖo, ke mabia eƒe ʋu tso gbetakpɔla la si me.

Hezekiel 33:8

Ne megblɔ na ame vɔ̃ɖi be: „Ame vɔ̃ɖi, èle kuku ge,“ ke meƒo nu hexlɔ̃ nu ame vɔ̃ɖi la le eƒe zɔzɔme ŋuti o la, ekema ame vɔ̃ɖi la aku le eƒe vodada ta, ke mabia eƒe ʋu tso asiwò me.

Luka 11:50

bena woabia nyagblɔɖila, siwo katã ƒe ʋu woda, ahe tso xexeme ƒe gɔmedzedze ta, atso dzidime sia si me

Hebritɔwo 7:22

nenema ke hã Yesu zu nubabla, si nyo wu sã la ƒe asiƒuakɔla