1 Mose 4:21 - Biblia alo Ŋɔŋlɔ Kɔkɔe La Le Eʋegbe Me 1913

²¹ Enɔvia ŋkɔ nye Yubal, amesi nye saŋkuƒolawo kple dzekulawo fofo.

Agbenya La

²¹ Nɔvia ŋutsu ŋkɔe nye Yubal, eye wònye ame gbãtɔ si wɔ kasaŋku kple dze.

1 Mose 4:21 Mawu Ofanana

1 Mose 31:27

Nukaŋuti nèsi le adza me, eye nèblem, eye mèklãm, be maɖo wò ɖa kple aseyetsotso, hadzidzi, ʋuƒoƒo kple saŋkuƒoƒo o,

1 Mose 4:20

Eye Ada dzi Yabal, amesi nye agbadɔ me nɔlawo kple lãnyilawo fofo.

1 Mose 4:22

Eye Zila hã dzi Tubalkain, amesi nye akɔbli- kple gaŋudowolawo fofo; eye Tubalkain nɔvinyɔnu ŋkɔ nye Naama.

Hiob ƒe Agbalẽ 21:12

Wonɔa ha dzim ɖe gakogoe kple gakasaŋku ŋu, eye wonɔa dzidzɔ kpɔm ɖe dze ƒe ɖiɖi ŋu.

Psalmowo 150:4

Mitsɔ asiʋui kple ɣeɖuɖu kafui, mikafui kple kasaŋkuƒoƒo kpakple dze!

Yesaya 5:12

Kasaŋkuwo, saŋkuwo, asiʋuiwo kple dzewo kpakple wein kpena ɖe woƒe aglotutu la ŋu; ke womeɖea ŋku ɖe Yehowa ƒe dɔwɔwɔ o, eye womekpɔa eƒe asinudɔwɔwɔ o.

Amos 6:5

mi amesiwo nɔa saŋku ƒom kɔ kple avu, eye mienɔa hã kpam abe Dawid ene;