1 Mose 36:9 - Biblia alo Ŋɔŋlɔ Kɔkɔe La Le Eʋegbe Me 1913

⁹ Esia enye Esau, Edomtɔ, siwo le Seir-to dzi la, fofo ƒe dzidzimeviwo ŋutinya.

Agbenya La

⁹ Esau ƒe dzidzimeviwo, Edomtɔwo, ame siwo wodzi nɛ le Seir to dzi la ƒe ŋkɔwo yi ale:

1 Mose 36:9 Mawu Ofanana

1 Mose 19:37

Eye tsitsiwo dzi ŋutsuvi, eye wòtsɔ ŋkɔ nɛ bena Moab; eya nye egbegbe Moabitɔwo tɔgbui.

1 Mose 32:3

Eye esi Yakob kpɔ wo la, egblɔ be Mawu ƒe asaɖa enye esia! Eyata wòyɔ teƒe ma be Maxanaim.

1 Mose 32:4

Eye Yakob dɔ dɔlawo ɖo ɖe eŋgɔ ɖe nɔvia Esau gbɔ le Seir-nyigba dzi le Edom gbedzi.

1 Mose 36:10

Esiawo nye Esau viŋutsuwo ƒe ŋkɔwo Esau srɔ̃ Ada viŋutsu enye Elifaz, eye Esau srɔ̃ Basmat viŋutsu enye Reguel.

1 Mose 36:43

amegã Magdiel kple amegã Iram. Esiawo nye Edom-megãwo le woƒe nɔƒewo kple woawo ŋutɔwo ƒe anyigbawonu. Eya nye Esau, amesi nye Edomtɔwo ƒe fofo.

1 Mose 36:8

Eye Esau nɔ Seir-to la dzi. Esau enye Edom.

1 Kronika 4:42

Eye Simeon-viwo dome ame alafa atɔ̃ ho yi Seir-to dzi; woƒe tatɔwo nye Yisei viwo: Pelatya, Nearya, Refaya kple Uziel.

Obadia 1:1

Obadya ƒe ŋutega. Ale Aƒetɔ Yehowa gblɔ ɖe Edom ŋu enye si: Míese nya tso Yehowa gbɔ, eye woɖo du ɖe dukɔwo dome be: Mitso, ne míaho aʋa ɖe wo ŋu!

5 Mose 2:5

ne miagawɔ aʋa kpli wo o, elabena nyemele woƒe anyigba ƒe afɔ ɖeka hã na ge mi o, elabena ɖe metsɔ Seir-to la na Esau, be wòanye etɔ.

Yosua 24:4

Metsɔ Yakob kple Esau na Isak, eye metsɔ Seir-to na Esau, be wòanye etɔ, ke Yakob kple viawo ya ʋu yi Egipte.