1 Mose 30:9 - Biblia alo Ŋɔŋlɔ Kɔkɔe La Le Eʋegbe Me 1913

⁹ Ke esi Lea kpɔ bena, yemegale vi dzim o la, etsɔ eƒe kosi Silpa na Yakob wòɖe.

Agbenya La

⁹ Azɔ esi Lea kpɔ be yemegale fu fɔm o la, etsɔ eƒe subɔla Zilpa na Yakob wòɖe.

1 Mose 30:9 Mawu Ofanana

1 Mose 16:3

Le Abram ƒe Kanaan-nyigba dzi nɔnɔ ƒe ewo megbe la, Sarai, Abram srɔ̃, tsɔ eƒe kosi, Egipte-nyɔnu Hagar, na srɔ̃a Abram wòɖe.

1 Mose 29:24

Eye Laban tsɔ eƒe kosi Silpa na via Lea, bena woasubɔe.

1 Mose 29:35

Eye wògafɔ fu dzi ŋutsuvi, eye wògblɔ bena: Azɔ la makafu Yehowa! Eyata wòna ŋkɔe bena Yuda. Emegbe la edzudzɔ vidzidzi.

1 Mose 30:10

Eye Silpa, Lea ƒe kosi la, dzi ŋutsuvi na Yakob.

1 Mose 30:17

Eye Mawu ɖo to Lea, eye wòfɔ fu dzi ŋutsuvi atɔ̃lia na Yakob.

1 Mose 30:4

Eye wòtsɔ eƒe kosi Bilha ne wòde, eye Yakob dɔ kplii.

1 Mose 30:8

Eye Raxel gblɔ bena: Meʋli heƒo koko na Mawu le nɔvinye ta, meɖu dzi Eyata wòna ŋkɔe bena Naftali.

1 Mose 46:18

Esiawo nye Silpa, amesi Laban tsɔ na vianyɔnu Lea la ƒe viŋutsu, siwo wòdzi na Yakob; wo katã le ame wuiade.