1 Mose 27:4 - Biblia alo Ŋɔŋlɔ Kɔkɔe La Le Eʋegbe Me 1913

⁴ Emegbe naɖa nu nyuia ɖe nam, abe alesi nyoa ŋunye ene, eye natsɔe vɛ nam, ne maɖu, be mayra wò hafi aku!

Agbenya La

⁴ Ne ègbɔ la, nàɖa nu nyui si tɔgbi melɔ̃a ɖuɖu la nam. Tsɔe vɛ nam maɖu, be mayra wò, vinye ŋutsuvi gbãtɔ hafi maku.”

1 Mose 27:4 Mawu Ofanana

1 Mose 14:19

Eye wòyrae gblɔ bena Mawu dziƒoʋitɔ, si wɔ dziƒo kple anyigba, nayra Abram!

1 Mose 24:60

Eye woyra Rebeka gblɔ nɛ bena: Wò, mía nɔvinyɔnu, nadzi ame akpe nanewo, eye viwòwo natsɔ woƒe futɔwo ƒe duwo anyi domee!

1 Mose 27:14

Tete wòyi ɖalée vɛ na dadaa, eye dadaa ɖa nu nyuia ɖe, abe alesi nyoa fofoa ŋu ene.

1 Mose 27:17

Eye wòtsɔ nuɖuɖu la kple abolo, si wòƒo la, ɖe asi na via Yakob.

1 Mose 27:19

Yakob gblɔ na fofoa bena: Nye enye Esau, wò ŋgɔgbevi, mewɔ abe alesi nègblɔ nam ene. Fɔ ɖe ali nu, ne naɖu nye adelã la, eye nayram.

1 Mose 27:23

Ale medze sii o, elabena eƒe asiwò to fu kedzekedze abe nɔvia Esau ƒe asi ene, eye wòyrae.

1 Mose 27:25

Eye wògblɔ bena: Tsɔe vɛ nam, ne maɖu vinye ƒe adelã la, eye mayra wò! Tete wòtsɔe ve nɛ woɖu, emegbe wotsɔ wein vɛ nɛ wònɔ.

1 Mose 27:27

Esi wote ɖe eŋu ɖuɖɔ nu nɛ la, eʋẽ eƒe awu me se; eye wòyrae gblɔ bena: Ehɛ̃, vinye le ʋeʋẽm abe alesi gbe, si Yehowa yra, ʋẽnae ene.

1 Mose 27:31

Eye eya hã ɖa du nyuia ɖe tsɔ vɛ na fofoa, eye wògblɔ na fofoa bena: Fofonye, fɔ ɖe ali nu, eye naɖu viwò ƒe adelã la, bena nayram!

1 Mose 27:5

Eye Rebeka se nya, siwo Isak gblɔ na via Esau la. Ke esi Esau yi gbe me, be woawu lã atsɔ va aƒee la,

1 Mose 27:7

Di adelã, eye naɖa nu nyuia ɖe vɛ nam, ne maɖu, eye mayra wò le Yehowa ƒe ŋku me hafi aku.

1 Mose 27:9

Yi lãhawo gbɔ, eye nalé gbɔ̃vi nyui eve vɛ nam, bena maɖa nu nyuia ɖe na fofowò, abe alesi nyoa eŋu ene.

1 Mose 28:3

Mawu ŋusẽkatãtɔ nayra wo, eye wòana nadzi asɔ gbɔ ɖe dzi, bena natrɔ azu dukɔ geɖe.

1 Mose 48:9

Yosef ɖo ŋu na fofoa bena: Woawo nye vi, siwo Mawu nam le afisia! Eye wògblɔ bena: Kplɔ wo va gbɔnyee, ne mayra wo.

1 Mose 49:28

Esiawo nye Israel ƒe to wuieveawo; eye esiawo nye nya, siwo wo fofo gblɔ na wo. Eyra wo dometɔ ɖesiaɖe wo tɔ wo tɔe.

Luka 2:34

Eye Simeon yra wo, eye wògblɔ na dadaa Mana bena: Kpɔ ɖa, woɖo amesia anyi na ame geɖewo ƒe anyidzedze kple tsitretsitsi le Israel, kple dzesi, si woagblɔ nya ɖe eŋuti;

Luka 24:51

Eye wòva ve me, esime wòle wo yram la, wotee ɖa le wo gbɔ, eye wokɔe yi dziƒo.

Hebritɔwo 11:20

Le xɔse me Isak yra Yakob kple Esau le nusiwo le vava ge la ŋuti.

Yosua 14:13

Tete Yosua yrae, eye wòtsɔ Xebron na Kaleb, Yefune vi la, ne wòanye eƒe domenyinu.

Yosua 22:6

Tete Yosua yra wo heɖe asi le wo ŋu, eye wodze mo yi woƒe agbadɔwo me.