1 Mose 27:19 - Biblia alo Ŋɔŋlɔ Kɔkɔe La Le Eʋegbe Me 1913

¹⁹ Yakob gblɔ na fofoa bena: Nye enye Esau, wò ŋgɔgbevi, mewɔ abe alesi nègblɔ nam ene. Fɔ ɖe ali nu, ne naɖu nye adelã la, eye nayram.

Agbenya La

¹⁹ Yakob ɖo eŋu be, “Nye Esau, viwò tsitsitɔe. Mewɔ nu si nèɖo nam be mawɔ la. Nuɖuɖu nyui si nèdi lae nye esi. Fɔ nàɖui eye nàyram.”

1 Mose 27:19 Mawu Ofanana

1 Mose 25:25

Esi gbãtɔ do la, eŋuti bia hẽ, eye fu le eŋu kedzekedze, eyata woyɔ eƒe ŋkɔ bena Esau.

1 Mose 25:28

Eye Isak lɔ̃a Esau, elabena adelã vivia enu; ke Rebeka ya lɔ̃a Yakob.

1 Mose 27:18

Tete wòyi ɖe fofoa gbɔ gblɔ bena: Fofonye! Eɖo ŋu bena: Nye enye si! Vinye, wò amekae?

1 Mose 27:21

Isak gblɔ na Yakob bena: Te ɖe ŋunye, vinye, ne mali asi ŋuwò akpɔ, be vinye Esau nènye loo, alo menye eyae o!

1 Mose 27:31

Eye eya hã ɖa du nyuia ɖe tsɔ vɛ na fofoa, eye wògblɔ na fofoa bena: Fofonye, fɔ ɖe ali nu, eye naɖu viwò ƒe adelã la, bena nayram!

1 Mose 27:35

Ke egblɔ bena: Nɔviwò to aye meva xɔwo yayra la xoxo.

1 Mose 27:4

Emegbe naɖa nu nyuia ɖe nam, abe alesi nyoa ŋunye ene, eye natsɔe vɛ nam, ne maɖu, be mayra wò hafi aku!

1 Mose 27:45

vaseɖe esime dzi nadzudzɔ ekuku ɖe ŋuwò, eye wòaŋlɔ nusi nèwɔ ɖe eŋu la be! Ekema mado woakplɔ wò tso afima vɛ. Nukaŋuti mi ame eve miabu ɖem gbe ɖeka?

1 Fiawo 13:18

Eɖo ŋu nɛ bena: Nye hã nyagblɔɖila menye abe wò ke ene, eye mawudɔla ƒo nu kplim le Yehowa ƒe nya nu gblɔ bena: Yi ɖagbugbɔe, eye mia kplii miayi aƒewò me, ne wòaɖu abolo, eye wòano tsi! Ke alakpae wòda nɛ.

1 Fiawo 14:2

Tete Yerobeam gblɔ na srɔ̃a bena: Tso, naɖɔ li wò avɔwo, ne amea ɖeke maganyae be, Yerobeam srɔ̃ nènye o, eye nayi Silo; kpɔ ɖa, nyagblɔɖila Axiya, amesi gblɔ nam be, maɖu fia ɖe dukɔ sia dzi la, le afima.

Yesaya 28:15

Elabena miegblɔ be: Míebla nu kple ku, eye mie ɖu dzo kple tsieƒe. Atam, si le nyènyem le yiyim la, mava mía gbɔ o, elabena míetsɔ aʋatso wɔ míaƒe sitsoƒee, eye míebe de alakpa gbɔ.