1 Mose 20:7 - Biblia alo Ŋɔŋlɔ Kɔkɔe La Le Eʋegbe Me 1913

⁷ Azɔ gagbugbɔ nyɔnu la na srɔ̃a, elabena nyagblɔɖila wònye, eye wòaɖe kuku ɖe tawo, be natsi agbe. Ke ne meɖe asi le eŋu o la, ekema nyae bena, mia kple aƒewòmetɔwo katã miaku.

Agbenya La

⁷ Gbugbɔe ɖo ɖe srɔ̃a kaba! Srɔ̃a ado gbe ɖa ɖe tawò, elabena nyagblɔɖilae, ekema ànɔ agbe. Ke ne mèɖoe ɖe srɔ̃a o la, ekema nyae be mi kple aƒewòmetɔwo katã miaku.”

1 Mose 20:7 Mawu Ofanana

1 Mose 12:15

Eye esi Farao ŋumewo kpɔe la, wokafui na Farao, eye wokplɔ nyɔnu la va Farao ƒe me.

1 Mose 12:17

Ke Yehowa ɖe fu geɖe na Farao kple eƒe aƒe katã le Sarai, Abram srɔ̃ ŋuti.

1 Mose 2:17

ke ati, si na wodzea si nyui kple vɔ la, megaɖu eya ƒe tsetsea ɖeke o; gbesigbe naɖu eƒe ɖe, ku ke naku.

1 Mose 20:18

Elabena Yehowa xe nyɔnu, siwo katã le Abimelex ƒe me la ƒe vidzidɔ le Sara, Abraham srɔ̃ la ta.

1 Mose 20:3

Ke le zã me la Mawu va Abimelex gbɔ le ɖrɔ̃eƒe gblɔ nɛ bena: Kpɔ ɖa, àku kokoko le nyɔnu, si nèxɔ la ta, elabena ame srɔ̃e.

1 Mose 20:8

Esi Abimelex fɔ ŋdi la, eya eƒe dɔlawo katã vɛ heto nya siawo katã na wo, eye ŋutsuawo vɔ ŋutɔ.

1 Mose 23:6

Amegã, se mía gbe! Mawu ƒe ame ɖoɖoa nenye le mia dome; ɖi wò ame kuku la ɖe míaƒe ame veviwo ɖiƒe. Mía dometɔa ɖeke magbe bena, megaɖi wò ame kukua ɖe eƒe ameɖiƒe o.

2 Samuel 24:17

Esi Dawid kpɔ mawudɔla, si la ame wum le dukɔa dome la, egblɔ na Yehowa bena: Kpɔ ɖa, nyee wɔ nuvɔ̃, eye meda vo; ke alẽ siawo la, nuka wowɔ? Wò asi neva mia kple fofonye ƒe aƒe dzi boŋ!

1 Fiawo 13:6

Tete fia la xɔ edzi gblɔ na Mawu ƒe ame la bena: Ɖe kuku na Yehowa, wò Mawu la, eye do gbe ɖa ɖe tanye, be nye asi la nagaɖo me nam. Eye Mawu ƒe ame la do gbe ɖa na Yehowa, eye fia la ƒe asi gaɖo me nɛ abe tsã ene.

2 Fiawo 5:11

Tete Naeman bi dzi hedzo gblɔ bena: Kpɔ ɖa, nyea mebu be, ɖe wòle dodo ge ava gbɔnye, eye wòate ɖe ŋunye ayɔ Yehowa, eƒe Mawu ƒe ŋkɔ, eye woatso eƒe asi alili de teƒeawo, eye wòayɔ dɔ anyia hĩ!

1 Kronika 16:22

Migaka asi nye amesiaminawo ŋu o, eye migawɔ vɔ̃a ɖeke nye nyagblɔɖilawo o!

2 Kronika 30:18

Elabena dukɔ la ƒe akpa gãtɔ, siwo ƒe geɖeawo tso Efrayim, Manase, Isaxar kple Zebulon la, mekɔ wo ɖokui ŋu o, eye womeɖu ŋutitotoŋkekenyuie ƒe lã la, abe alesi woŋlɔe ɖi ene o; gake Xizkiya do gbe ɖa ɖe wo ta gblɔ bena: Yehowa, dɔmenyotɔ, atsɔe ake,

Hiob ƒe Agbalẽ 34:19

Eya, amesi medea amegãwo dzi o, eye meɖia kesinɔtɔwo ƒe nya wua ame dahewo tɔ o, elabena wo katã la eƒe asinudɔwɔwɔ wonye.

Hiob ƒe Agbalẽ 42:8

Eyata milé nyitsu adre kple agbo adre, eye miyi nye dɔla Hiob gbɔ, ne wòasa numevɔ na mi, eye nye dɔla Hiob naɖe kuku ɖe mia ta; elabena eya ke ƒe ŋku me makpɔ, hafi nyiemaɖo bometsitsi la teƒe na mi o; elabena mieƒo nu nyuia ɖeke le ŋunye abe nye dɔla Hiob ene o.

Psalmowo 25:14

Yehowa bɔa ha kple amesiwo vɔ̃nɛ la, eye wònana wonyaa eƒe nubabla.

2 Mose 18:17

Tete Mose to gblɔ ne bena: Menyo be, nanɔ wɔwɔm alea o.

2 Mose 4:16

Eya naƒo nu kple dukɔ la ɖe tewòƒe, eye wòanye wò nu; ke wò la nanɔ Mawu teƒe nɛ.

2 Mose 7:1

Yehowa ɖo ŋu na Mose bena: Mana nanye Mawu ɖe Farao nu, eye nɔviwò Aron nanye wò nyanuɖela.

Yeremia 14:11

Eye Yehowa gblɔ nam bena; Megaɖe kuku ɖe dukɔ sia ƒe nyui ta o.

Yeremia 15:1

Tete Yehowa gblɔ nam bena: Ne Mose kple Samuel wotsi tre ɖe ŋkunye me hã la, nye dzi matrɔ ɖe dukɔ sia ŋu o. Nyã wo ɖa le ŋkunye me, ne woadzo.

Yeremia 27:18

Eye nenye nyagblɔɖilawo wonye, eye Yehowa ƒe gbe le wo si la, ekema woaƒo koko na Yehowa Zebaot, ne womagatsɔ nusiwo susɔ ɖe Yehowa ƒe me, ɖe Yuda-fia ƒe me kple ɖe Yerusalem la, ayi Babel o.

Hezekiel 3:18

Ne megblɔ na ame vɔ̃ɖi be: „Ele kuku ge,“ eye mexlɔ̃ nui heƒo nu kplii be, ame vɔ̃ɖi la nakpɔ eɖokui dzi ɖe eƒe mo vɔ̃ɖiwo ŋu, ne woatsi agbe o la, ekema ame vɔ̃ɖi la aku le eƒe vodadawo ta; ke asiwò me mabia eƒe ʋu le.

Hezekiel 33:8

Ne megblɔ na ame vɔ̃ɖi be: „Ame vɔ̃ɖi, èle kuku ge,“ ke meƒo nu hexlɔ̃ nu ame vɔ̃ɖi la le eƒe zɔzɔme ŋuti o la, ekema ame vɔ̃ɖi la aku le eƒe vodada ta, ke mabia eƒe ʋu tso asiwò me.

3 Mose 6:4

Eyome wòaɖe eƒe awuawo ɖi, ado awu bubuwo, eye wòatsɔ afi la aƒu gbe ɖe asaɖa godo le teƒe kɔkɔea ɖe.

3 Mose 6:7

Esia nye nuɖuvɔsa ŋu se: Aron viŋutsuwo natsɔe ava vɔsamlekpui la gbɔ, le Yehowa ƒe ŋku me.

Dɔwɔwɔwo 8:24

Eye Simon ɖo ŋu gblɔ bena: Miawo la miɖe kuku na Aƒetɔ la ɖe tanye, bena nusiwo katã miegblɔ la ƒe ɖeke nagava dzinye o.

1 Korintotɔwo 14:4

Amesi tsɔa gbegbɔgblɔ ƒoa nu la, edoa eɖokui ɖe ŋgɔgbe; ke amesi le nya gblɔm ɖi la, edoa hame la ɖe ŋgɔgbe.

Hebritɔwo 1:1

Esime Mawu ƒo nu na fofoawo le blemaŋɔli to nyagblɔɖilawo dzi zi geɖewo le nya ƒomevi geɖewo me la, eƒo nu kple miawo hã le ŋkeke mamletɔ siawo me le Via me,

Hebritɔwo 13:4

Bubu nanɔ srɔ̃ɖeɖe me le amewo katã dome, eye womagaƒo ɖi srɔ̃ɖeba la o; elabena ahasiwɔlawo kple matrewɔlawo la, Mawu adrɔ̃ ʋɔnu wo.

1 Yohanes 5:16

Ne amea ɖe kpɔ nɔvia wɔ nuvɔ̃, si mahe ame ayi ku me o la, neɖe kuku, eye wòana agbe amesiwo mewɔ nuvɔ̃, si ahe ame ayi ku me o. Nuvɔ̃a ɖe li, si ahe ame ayi ku me; nyemegblɔ be, woaɖe kuku ɖe eya ta o.

1 Samuel 12:19

Eye dukɔ blibo la gblɔ na Samuel bena: Ɖe kuku na Yehowa, wò Mawu la, ɖe wò dɔlawo ta, ne míagaku o! Elabena miewɔ nu vlo hetsɔ ƒu míaƒe nuvowo katã dzi be, miebia fia.

1 Samuel 12:23

Ke nede megbe xaa tso nye hã gbɔnye, be matasi kukuɖeɖe ɖe mia ta, eye magbe mɔ nyui kple mɔ dzɔdzɔe fiafia mi ahawɔ nuvɔ̃ ɖe Yehowa ŋu!

1 Samuel 7:5

Eye Samuel gblɔ bena: Miƒo Israel blibo la nu ƒu va Mizpa, ne maɖe kuku na Yehowa ɖe mia ta!

1 Samuel 7:8

Tete Israel-viwo gblɔ na Samuel bena: Megadzudzɔ kukuɖeɖe na Yehowa, mía Mawu la, ɖe mía ta o, ne wòaɖe mi tso Filistitɔwo si me!