1 Mose 16:3 - Biblia alo Ŋɔŋlɔ Kɔkɔe La Le Eʋegbe Me 1913

³ Le Abram ƒe Kanaan-nyigba dzi nɔnɔ ƒe ewo megbe la, Sarai, Abram srɔ̃, tsɔ eƒe kosi, Egipte-nyɔnu Hagar, na srɔ̃a Abram wòɖe.

Agbenya La

³ Ale esi Abram nɔ Kanaan ƒe ewo megbe la, srɔ̃a, Sarai, tsɔ eƒe Egipte kosi, Hagar na srɔ̃ŋutsua be wòanye srɔ̃a.

1 Mose 16:3 Mawu Ofanana

1 Mose 16:16

Abram xɔ ƒe blanyi vɔ ade, esime Hagar dzi Ismael nɛ.

1 Mose 16:4

Eye wòdɔ kple Hagar, eye wòtɔ fu. Ke esi wòkpɔ bena, yefɔ fu la, eva eƒe aƒenɔ kpɔ ge ɖe ƒomevii.

1 Mose 16:5

Eye Sarai gblɔ na Abram bena: Nu manyomanyo, si teƒe kpɔm mele la, etso gbɔwò. Nye ŋutɔ metsɔ nye kosi na wò; ke azɔ esi wòkpɔ bena, yefɔ fu ko la, eva kpɔ ye ge ɖe ƒomevii. Yehowa nadrɔ̃ ʋɔnu le mía kpli wò dome!

1 Mose 21:21

Eye wònɔ Paran-gbe dzi, eye dada ɖe srɔ̃ nɛ tso Egipte-nyigba dzi.

1 Mose 25:6

Ke Abraham na nu srɔ̃ bubuawo ƒe viwo heɖe wo ɖa le Isak ŋu, eye wòɖo wo ɖe ɣedzeƒenyigba dzi le eya ŋutɔ ƒe agbenɔɣi me.

1 Mose 28:9

Eyata Esau yi ɖe Ismael gbɔ, eye wòɖe Mahalat, Abraham vi Ismael ƒe vinyɔnu, si enye Nebayot nɔvinyɔnu, hekpe ɖe srɔ̃ bubuawo ŋu.

1 Mose 30:4

Eye wòtsɔ eƒe kosi Bilha ne wòde, eye Yakob dɔ kplii.

1 Mose 30:9

Ke esi Lea kpɔ bena, yemegale vi dzim o la, etsɔ eƒe kosi Silpa na Yakob wòɖe.

1 Mose 32:22

Ale nunanawo dze ŋgɔ, ke eya ŋutɔ tsi asaɖa me dɔ le zã ma me.

1 Mose 35:22

Ke esi Israel le nuto sia me la, Ruben de asi fofoa ƒe kosi Bilha ŋu, eye Israel see.

2 Samuel 5:13

Esi Dawid tso Xebron va la, egadze ahiãwo, eye wòɖe srɔ̃wo le Yerusalem, eye wogadzi ŋutsuviwo kple nyɔnuviwo na Dawid.

1 Fiawo 11:3

Esrɔ̃a, siwo nye fiasrɔ̃wo, le alafa adre, eye eƒe ahiãwo le alafa etɔ̃; eye srɔ̃awo trɔ eƒe dzi.

Galatiatɔwo 4:25

elabena Hagar enye Sinai-to la le Arabia, ke esɔ kple egbegbe Yerusalem; elabena eya kple viawo le kluvinyenye me.