1 Mose 10:6 - Biblia alo Ŋɔŋlɔ Kɔkɔe La Le Eʋegbe Me 1913

⁶ Xam viŋutsuwo nye: Kus, Mizrayim, Put kple Kanaan.

Agbenya La

⁶ Ham ƒe viŋutsuwoe nye: Kus, Egipte, Put kple Kanaan.

1 Mose 10:6 Mawu Ofanana

1 Mose 10:5

Amesiawo me dukɔ, siwo nɔa ƒukpowo dzi la, dzɔ tso. Esiawo nye Yafet viŋutsuwo le woƒe anyigbawo, woƒe gbe vovovowo, woƒe ƒomewo kple woƒe dukɔwo nu.

1 Mose 2:13

Tɔsisi evelia ŋkɔ nye Gixon; eƒo xlã Kus-nyigba blibo la katã.

1 Mose 5:32

Esi Noa xɔ ƒe alafa atɔ̃ la, edzi Sem, Xam kple Yafet.

1 Mose 9:18

Noa ƒe viŋutsu, siwo do go le aɖakaʋua me la, woawo nye: Sem, Xam kple Yafet; Xam sia enye Kanaan fofo.

1 Mose 9:22

Eye Xam, Kanaan fofo, kpɔ fofoa ƒe ama, eye wòɖagblɔe na nɔvia eveawo le xexe.

1 Kronika 4:40

Eye wokpɔ lãnyiƒe dama nyuia ɖe; anyigba la keke le goawo katã me, eye eŋu fa bɔkɔɔ; elabena Xam-viwo nɔ afima tsã.

Psalmowo 105:23

Eye Israel va Egipte, eye Yakob nye amedzro le Xam-nyigba dzi.

Psalmowo 105:27

Ewɔ eƒe dzesiwo le wo dome kple nukunuwo le Xam-nyigba dzi.

Psalmowo 106:22

amesi wɔ nukunuwo le Xam-nyigba dzi kple nu dziŋɔwo le Avaƒu la nu.

Psalmowo 78:51

Eye wòwu woƒe ŋgɔgbeviwo katã le Egipte, woƒe ŋuse ƒe ŋgɔgbeawo le Xam ƒe agbadɔwo me.

Yesaya 11:11

Eye woava me le ɣemaɣi be, Aƒetɔ la ado eƒe asi ɖa zi evelia, ne wòaxɔ eƒe dukɔ mamlea, si kpɔtɔ ɖi la, aƒle tso Asur, Egipte, Patros, Kus, Elam, Sinear, Xamat kple atsiaƒu me ƒukpowo dzi.

Yeremia 46:9

Mi sɔwo, miɖe ta eme, mi tasiaɖamwo, minyẽ zi ɖe eme! Kalẽtɔwo neho, Kusi-viwo kple Put-viwo, amesiwo si me akpoxɔnu le, kpakple Libiatɔwo, amesiwo nye aŋutrɔdala, siwo hea da me!

Hezekiel 27:10

Amewo tso Persia, Lud kple Put nye aʋawɔlawo nɔ wò aʋakɔwo dome; wotsɔ akpoxɔnu kple gakuku ku nu ɖe mewò, woawoe ɖo atsyɔ na wò.

Hezekiel 38:5

Persia, Kus kple Put kpe ɖe wo ŋu, akpoxɔnu kple gakuku le wo katã si,