1 Mose 1:3 - Biblia alo Ŋɔŋlɔ Kɔkɔe La Le Eʋegbe Me 1913

³ Eye Mawu gblɔ be: Kekeli nedo! Eye kekeli do.

Agbenya La

³ Mawu gblɔ be, “Kekeli nedo.” Eye kekeli do.

1 Mose 1:3 Mawu Ofanana

1 Mose 2:4

Esia nye dziƒo kple anyigba ƒe dzɔdzɔmenyawo le wo wɔwɔ me le ɣeyiɣi, si me Yehowa Mawu wo anyigba kple dziƒo.

Hiob ƒe Agbalẽ 36:30

Kpɔ ɖa, ekeke kekeli ɖe eɖokui dzi, eye wòtsɔ afu, si ɖo tso atsiaƒu me la, tsyɔ eɖokui dzi.

Hiob ƒe Agbalẽ 38:19

Kekeli gbɔ mɔ ɖe, eye afika nye viviti ƒe nɔƒe,

Psalmowo 104:2

Etsyɔa kekeli abe avɔ ene, eye wòkekea dziƒo abe agbadɔvɔ ene.

Psalmowo 118:27

Yehowa enye Mawu, eye wòklẽ na mí. Mibla ŋkekenyuie vɔsalãwo kple ka de vɔsamlekpui la ƒe dzowo ŋu!

Psalmowo 148:5

Woakafu Yehowa ƒe ŋkɔ, elabena ede se, eye wodzɔ,

Psalmowo 33:6

Yehowa ƒe nye wotsɔ wɔ dziƒowoe, eye eƒe nu me gbɔgbɔ wotsɔ wɔ wo ŋu nuwo katàe.

Psalmowo 33:9

Elabena eƒo nu, eye wòva me; ede se, eye wòɖo di.

Psalmowo 97:11

Kekeli dona na ame dzɔdzɔewo kple dzidzɔ na amesiwo ƒe dzi toa mɔ ɖeka la.

Yesaya 45:7

nye amesi ɖo kekeli, eye mewɔ viviti, nye amesi wɔ dzɔgbenyuie, eye mehe dzɔgbevɔ̃e vɛ. Nye Yehowa ye wɔ nusiawo katã!

Yesaya 60:19

Ɣe maganye kekeli na wò le ŋkeke me azɔ o, eye dzinu magaɖi na wò, be xexeme nakɔ o; ke boŋ Yehowa anye wò kekeli tegbee, eye wò Mawu anye wò atsyɔ̃ɖoɖo.

Mateo 8:3

Tete Yesu do abɔ da, eye wòde asi eŋu gblɔ bena: Meli, ŋutiwò nekɔ! Eye enumake eƒe anyi la kɔ ɖa.

Yohanes 1:5

Eye kekeli la klẽna le viviti me, eye viviti la mexɔe o.

Yohanes 1:9

Kekeli vavã, si klẽna ɖe amesiame me la, li gbɔna ɖe xexea me.

Yohanes 11:43

Eye esi wògblɔ esia la, edo ɣli kple gbe, sesẽ bena: Lazaro lee, do go!

Yohanes 3:19

Ke esiae nye ʋɔnudɔdrɔ̃ la bena, kekeli va xexeame, eye amewo lɔ̃a viviti la wu kekeli la: elabena woƒe dɔwɔwɔwo vɔ̃ɖi.

2 Korintotɔwo 4:6

elabena Mawu, si gblɔ be: Kekeli nado tso viviti me la, enye amesi klẽ ɖe míaƒe dziwo me, bene Mawu ƒe ŋutikɔkɔe sidzedze ƒe kekeli naklẽ le Yesu Kristo ƒe ŋku me.

Efesotɔwo 5:14

Eyaŋuti la wogblɔ be: Nyɔ, wò amesi le alɔ̃ dɔm la, ne natsi tre tso ame kukuwo dome, eye Kristo ahlẽ ɖe dziwò!

Efesotɔwo 5:8

elabena tsã la mienye viviti, ke azɔ la míezu kekeli le Aƒetɔ la me.

1 Timoteo 6:16

amesi ko si makumakunyenye le, amesi nɔa anyi le kekeli, si ŋu womate ŋu ate ɖo o la me, amesi amea ɖeke mekpɔ kpɔ o, eye mate ŋu akpɔe hã o, amesi tɔ lanye bubu kple ŋusẽ mavɔmavɔ! Amen.

1 Yohanes 1:5

Eye gbedasi, si miese tso egbɔ, eye míeɖea gbe ƒã na mi la, enye esi bena, Mawu enye kekeli, eye vivitía ɖeke mele eme o.

1 Yohanes 2:8

Se yeye magaŋlɔ aɖo ɖe mi, esi nye nyateƒe le eya me kple miawo hã mia me; elabena viviti le dzodzom, eye kekeli vavã le keklẽm xoxo.