1 Kronika 9:1 - Biblia alo Ŋɔŋlɔ Kɔkɔe La Le Eʋegbe Me 1913

¹ Israel blibo la na woŋlɔ woƒe ŋkɔwo ɖi; kpɔ ɖa, woŋlɔ wo ɖe Israel-fiawo ƒe agbalẽ me. Ke wokplɔ Yuda yi Babel le woƒe nuteƒe mawɔmawɔ ta.

Agbenya La

¹ Wode Israelvi ɖe sia ɖe ƒe ƒome Israel fiawo ƒe agbalẽ me pɛpɛpɛ. Woɖe aboyo Yudatɔwo yi Babilonia le woƒe nuteƒemawɔmawɔ ta.

1 Kronika 9:1 Mawu Ofanana

Nehemia 7:64

Amesiawo di woƒe dzidzimegbalẽ, gake womekpɔe o, eyata woɖe nunɔlanyenye la le wo dzi.

Nehemia 7:5

Tete nye Mawu dee dzi me nam be, maƒo bubumewo, amegãwo kple dukɔ la nu ƒu, ne maŋlɔ woƒe ŋkɔwo le woƒe ƒomeawo nu. Eye mekpɔ amesiwo gbɔ zi gbãtɔ la ƒe dzidzimegbalẽ, eye ale woŋlɔ ɖe eme enye si.

Ezra ƒe Agbalẽ 2:59

Amesiwo tso Tel-Melax, Tel-Xarsa kple Kerub-Adan-Imer va, eye womete ŋu fia woƒe aƒekɔwo alo woƒe dzɔdzɔme be, Israel yewotso o la, wonye;

Daniel 1:2

Eye Aƒetɔ la tsɔ Yuda-fia Yoyakim kple Mawu ƒe aƒe me nua ɖewo de asi nɛ; ekplɔ woyi eƒe mawu ƒe nɔƒe le Sinear-nyigba dzi, eye wòtsɔ nuawo de eƒe mawu ƒe nudzraɖoƒe.

Yeremia 39:9

Eye fia ŋu srafowo ƒe amegã Nebuzaradan de aboyo dukɔa ƒe ame susɔea, si kpɔtɔ ɖe dua me, kpakple amesiwo de edzi la, yi Babel.

2 Kronika 33:11

Eyata Yehowa na Asur-fia; ƒe aʋafiawo va ƒo ɖe wo dzi: wode ga Manase heɖe aboyoe, eye woɖe kɔsɔkɔsɔe hekplɔe yi Babel.

1 Kronika 8:40

Ulam viwo nye ŋutsu kalẽtɔwo kple aŋutrɔdalawo, eye ŋutsuvi geɖe kple tɔgbuiyɔviwo nɔ wo si; wole ame alafa ɖeka kple blaatɔ̃. Amesiawo katã tso Benyamin viwo dome.

1 Fiawo 14:19

Yerobeam ŋutinya susɔea, aʋa, siwo wòwɔ kple alesi woɖu fiae la, kpɔ ɖa, woŋlɔ wo ɖe Israel-fiawo ƒe ŋutinyagbalẽ me.

2 Fiawo 24:14

Eɖe aboyo Yerusalem blibo la kple amegãwo katã kpakple aʋawɔlawo katã, atikpalawo katã kple nutulawo. Aboyomeawo le ame akpe ewo, amea ɖeke mekpɔtɔ o, negbe dukɔ hahoo la ƒe ame dahewo ko.

2 Fiawo 24:15

Èkplɔ Yoyaxin yi Babel, eye wòkplɔ fia dada, fia srɔ̃wo kple eƒe aƒemenu dzikpɔlawo kpakple anyigba dzi bubumewo tso Yerusalem yi aboyo me le Babel.

2 Fiawo 24:16

Ŋutsu aʋawɔlawo katã le ame akpe adre, eye atikpalawo kple nutulawo le ame akpe ɖeka; wo katã nye aʋawɔla veviwo, eye Babel-fia ɖe aboyo wo yi Babel.

Ezra ƒe Agbalẽ 2:1

Anyigbadzitɔ, siwo gbɔ tso aboyo me, amesiwo Babel-fia Nebukadnezar de aboyoe yi Babel, eye wogbɔ va Yerusalem kple Yuda, eye amesiame yi eƒe du me la, wonye esi;

Nehemia 11:1

Dukɔ la ƒe amegãwo nɔ Yerusalem; ke dukɔ susɔea dzidze nu be, ame ɖekaɖeka natso ame ewoewo dome ava nɔ du kɔkɔe Yerusalem me, ke ame asieke asieke bubuawo nanɔ duwo me

Yesaya 3:2

kalẽtɔwo kple aʋawɔlawo, ʋɔnudrɔ̃lawo kple nyagblɔɖilawo, afakalawo kple ame tsitsiwo,

Yeremia 13:19

Wotu dziehe-duwo ƒe agbowo, eye amea ɖeke meʋu wo o; woɖe aboyo Yuda katã, woɖe aboyo wo petepete.