1 Kronika 21:18 - Biblia alo Ŋɔŋlɔ Kɔkɔe La Le Eʋegbe Me 1913

¹⁸ Eye Yehowa ƒe dɔla gblɔ na Gad be, wòaɖagblɔ na Dawid bena, neyi ɖaɖi vɔsamlekpui na Yehowa ɖe Yebusitɔ Ornan ƒe lugbɔƒe.

Agbenya La

¹⁸ Yehowa ƒe dɔla gblɔ na Gad be wòagblɔ na David be wòatu vɔsamlekpui na Yehowa ɖe Arauna, Yebusitɔ la ƒe lugbɔƒe.

1 Kronika 21:18 Mawu Ofanana

2 Kronika 3:1

Eye Salomo dze Yehowa ƒe xɔ la tutu gɔme le Yerusalem; ɖe Moriya-to, si dzi wòɖe eɖokui fia fofoa Dawid le la dzi, ɖe teƒe, si Dawid dzra ɖo ɖe Yebusitɔ Ornan ƒe lugbɔƒe.

2 Samuel 24:18

Eye Gad va Dawid gbɔ gbemagbe gblɔ ne bena: Yi nadaɖi vɔsamlekpui na Yehowa ɖe Yebusitɔ Arawna ƒe lugbɔƒe!

1 Kronika 21:15

Eye Mawu dɔ dɔlaa ɖe ɖo ɖe Yerusalem, be wòaɖagblẽe. Ke esi wòde asi nugbegblẽ me la, Yehowa kpoe, eye vɔ̃ la vee, eye wògblɔ na dɔla, si le nu gblẽm la bena: Esɔ gbɔ azɔ, ɖiɖi wò asi ɖe anyi! Yehowa ƒe dɔla la tsi tre ɖe Yebusitɔ Ornan ƒe lugbɔ ƒe gbɔ.

1 Kronika 21:11

Tete Gad va Dawid gbɔ gblɔ nɛ bena: Ale Yehowa gblɔ esi: Kpɔ wo dome, natsɔ:

1 Kronika 21:19

Tete Dawid yi le Gad ƒe nya, si wògblɔ le Yehowa ƒe ŋkɔ dzi la nu.

1 Kronika 22:1

Eye Dawid gblɔ be: Esia nye Yehowa Mawu ƒe aƒe, eye esia nye vɔsamlekpui ɖe Israel ƒe numevɔsa ŋu.