1 Kronika 11:3 - Biblia alo Ŋɔŋlɔ Kɔkɔe La Le Eʋegbe Me 1913

³ Tete Israel-ame tsitsiwo va fia la gbɔ le Xebron, eye Dawid bla nu kpli wo le Yehowa ŋku me le Xebron, eye wòsi ami na Dawid heɖo fiae de Israel dzi le Yehowa ƒe nya, si wògblɔ to Samuel dzi la nu.

Agbenya La

³ Esi Israel ƒe dumegãwo va kpe ta le Fia David gbɔ le Hebron la, ebla nu kpli wo le Yehowa ƒe ŋkume eye wosi ami na David heɖoe fiae ɖe Israel dzi abe ale si Yehowa gblɔ na Samuel ene.

1 Kronika 11:3 Mawu Ofanana

2 Samuel 2:4

Tete Yuda-ŋutsuwo va, eye wosi ami na Dawid le afima, ne woaɖu fia ɖe Yuda ƒe aƒe la dzi. Eye wova gblɔ na Dawid bena: Yabes-Gileadtɔwoe nye amesiwo ɖi Saul.

2 Samuel 5:3

Ale Israel-amegãwo katã va fia la gbɔ le Xebron, eye fia Dawid bla nu kpli wo le Xebron le Yehowa ŋku me, eye wosi ami na Dawid, ne woaɖu fia ɖe Israel dzi.

2 Samuel 5:5

Eɖu fia ɖe Yuda dzi le Xebron ƒe adre kple dzinu ade, eye wòɖu fia ɖe Israel blibo la kple Yuda dzi le Yerusalem ƒe blaetɔ̃ va etɔ̃.

2 Fiawo 11:17

Eye Yehoyada ɖo nubabla Yehowa, fia la kple dukɔ la kpakple fia la kple dukɔ la dome, be woanye Yehowa ƒe dukɔ.

2 Fiawo 23:30

Esime woku la, eƒe dɔlawo tsɔe tso Megido va Yerusalem, eye woɖii ɖe eƒe yɔdo me. Eye dukɔ hahoo la si ami na via Yoaxaz heɖo fia ɖe fofoa teƒe.

1 Kronika 11:10

Dawid ƒe kalẽtɔwo ƒe tatɔwo nye esi; woawo kple Israel blibo la ku ɖe eŋu tsehee le eƒe fiaɖuɖu la me, eye wotsɔe ɖo fiae le Yehowa ƒe nya, si wògblɔ ɖe Israel ŋu la nu.

2 Kronika 23:3

Eye ameha blibo la bla nu kple fia la le mawuƒe me; eye wògblɔ na wo bena: Kpɔ ɖa, fiavie aɖu fia, abe alesi Yehowa gblɔ ɖe Dawid viwo ŋu ene.

Ɖelawo 11:11

Tete Yefta yi kple Gilead-ame tsitsiawo, eye Yefta gblɔ nya siawo katã le Yehowa ŋku me le Mizpa.

1 Samuel 11:15

Ale dukɔ blibo la yi Gilgal, woɖo fia Saul le afima le Yehowa ŋku me le Gilgal, eye wosa akpedavɔ le afima le Yehowa ŋku me. Eye Saul kple Israel-ŋutsuwo katã kpɔ dzidzɔ ŋutɔ le afima.

1 Samuel 15:28

Tete Samuel gblɔ nɛ bena: Yehowa dze Israel-fiaɖuƒe la le asiwò egbe, eye wòtsɔe na hawòvi, si nyo wu wò.

1 Samuel 16:1

Eye Yehowa gblɔ na Samuel bena: Ŋkeke nenie nanɔ konyi fam le Saul, amesi megbe be, megaɖu fia ɖe Israel dzi o la ŋu? De ami wò lãdzo la me, eye nayi; kpo ɖa, mele dɔwòm ɖe Isai gbɔ le Betlexem, elabena mekpɔ fia ɖi na ɖokuinye le viawo dome.

1 Samuel 16:3

Kpe Isai va vɔsa la gbɔ, eye mana nanya nusi nawɔ asi ami na amesi magblɔ na wò la nam!

1 Samuel 23:18

Eye woa kple eve la wobla nu le Yehowa ŋku me; Dawid tsi ave la me, ke Yonatan yi aƒe.

1 Samuel 28:17

Yehowa wɔ, abe alesi wògblɔ to dzinye ene, eye Yehowa xɔ fiaɖuƒe la le asiwò hetsɔ na hawòvi Dawid.