Yuunusa 1:3 - Hapari Zooshapweya

³ Ila Yuunusa asiiliyeevo toole, khuwaza otthirela tuniya yoolepelana Neniive, antthiraka Nnyizinku. Khulawa mpakha sitati ya Yoope khusikana pankaya vapatari, yaari weettaaye Taarisi. Khuripha pasaji yawe, khweetta mpankaya yoori atthirele Taarisi, antthiraka Nnyizinku.

Yuunusa 1:3 Mawu Ofanana

Mwanzo 3:8

Noosiila shintto ya Nnyizinku Nluku eettettaka nwoorotha mphule, wakathi wa pheevo za matulayi njuwa looveva, pinaatamu na muukhaawe khujivitha na miitthi nwoorotha nttumphule eezelelaka ojivitha khwa omaasho wa Nnyizinku Nluku.

Mwanzo 4:16

Aphano Kayiini khumwazeyana na Nnyizinku khulawa khwiikhala nti wa Nooti, okhu lintthamuwaawo njuwa phantte ya Eeteni.

Yuunusa 1:10

Elottelanaka Yuunusa khuwooza yoori aari ontthira Nnyizinku. Wakathi ajuwiyeevo etthu yaari onrettikhanelaaye, yo khwiiya ootepa woova, na khumuuzela Yuunusa: “Apho niini orettiyeeyo!”

Yuunusa 4:2

Ye khusala amuuza Nnyizinku araka: “Oo Nnyizinku, khahiyo eti khaalupiye nalelo kiri onti? Tithiito yaakipatthisiyeeyo otthira keettaka Taarisi. Miiyo kaajuwiye yoori weeyo o Nluku wa tthakaraka na wa huruma, woovilela na woopheta channu, onaahitaaye ohukhumu ila khulevelela amana wiiyavo othupwiya.

Luuka 9:62

Yinsa khunjipu yoori: “Otule anraaye alimaka khusala eekesa nyuma khaneezela muufwalume wa Nluku.”

Khaazi 15:38

Ila Paawulu khuhooni wiiya yooshapweya onthuula Yaahaya, maana wakathi aari ooshi nti wa Panfiiliya, ye ettiye otthira khuwaalikhela khaazi.

Khaazi 26:19

“Khwa etthiipo mfwalume Akiriipa, miiyo akikhijileleeni othoonyeziwa wa pinkuuni.

Khaazi 9:36

Yoope aariwo nakhiyoni wankha aari wiitthiwaaye Tabita, khwa luuka ya ekereeku enriwa Dooroka. Ye aari oretta vitthu zooshapweya na winkha zimola.

Khaazi 9:38

Liida yaattamananiye sitati ya Yoope. Wakathi asiiliyeevo anakhiyoni yoori Pheeturu ori nti wa Liida, khuwaaruma atthu awiri olawa omuuza yoori: “Ohirupaze ota okhuno niriiwo.”

Khaazi 9:42

Vitthu epile khwiiya zoojuwiwa sitati yooshi ya Yoope, atthu a waatta khunkhupali Mbwana.

Khaazi 9:43

Pheeturu eekhaliye nti wa Yoope siikhu zawaatta, owawe mwinyi mmote aari wiitthiwaaye Simawu aari owalakaaye shapala ya nyama.

1 Akorintiyu 9:16

Khwa zooshi, amana kitafusiraka hapari zooshapweya, akinwahi ojishashawula, maana kenkhiwa shuruti ya otafusiri. Wootakhaliwa ti miiyo amana kihitafusiri hapari zooshapweya!

2 Atizaloonika 1:9

Yo anttela ohoowa apatthe hukhumu khwa otapanyeya wa mileele, ophakuliwa omaasho wa Mbwana na siifwa ya owahi wawe.