Yuuda 1:20 - Hapari Zooshapweya

²⁰ Mwikhomaale, ajiraani zaka, khwa amini ttakatthiifu etile mwiriina, mwilompaka khwa Rooho Ttakatthiifu.

Yuuda 1:20 Mawu Ofanana

Khaazi 15:9

Ye khanivirikaniseeni fweeyo na yo, maana atwaharesha rooho zaya khwa amini.

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

Khaazi 6:7

Etthiipile nttakhuzi la Nluku khusala limwazeyela Yeruzaleemu, Thamani ya anakhiyoni khusala yeekezeleya; na anamalokozela a tiini enkeene aari oshututela amini.

Khaazi 9:31

Siikhu zaya epo ojama wa Nluku waari wa heeri nti wooshi wa Yudeya, Kalileya na Samariiya, waari wookhomaala na wiikhala woomoova Mbwana alipiseliwaka ti Rooho Ttakatthiifu, atthu khusala eekezeleya.

Arooma 15:2

Wakhula mmote wa fweeyo ona ya ontuvelisa nzaawe khwa saana yawe, yoori ankhomaaze.

Arooma 8:15

Maana mweeyo khamwipokhereeni Rooho yawuurettani oviitthwaana yoori mwirutele woova theenya, ila mwapokhera Rooho yuurettiyeenini wiiya aana khwa wuukaphulani, ethiito ninkhuwelaaye yoori “Aba, Paapa.”

1 Akorintiyu 1:8

Ye onuukholelelani mpakha mwiisho, woohiina paathuli mpakha siikhu ya ota wa Mbwana eetthu Yinsa Al-Masiihu.

1 Akorintiyu 10:23

“Kinaaye ruhusa khwa vitthu zooshi,” ila zooshi khahiyo zoofwayi. “Kinaaye ruhusa khwa vitthu zooshi, ila khahi zooshi zinjekaaye.”

1 Akorintiyu 14:15

Aphano kirette niini? Kinteela olompa na rooho, ila theenya kinteela olompa na weeleyiwa; kiniipa na rooho, ila theenya kinteela wiipa na weeleyiwa.

1 Akorintiyu 14:26

Nakataalikha, niri je attwiizaku? Amana mweeyo mwikusanyeya, wakhula mmote wa mweeyo eeyane liipo la zaapuura moote, ama nttakhuzi la onozela, othoonyeziwa, ama nttakhuzi la luuka pheeya ama otaphulela. Zooshi zirettikhane khwa ojeka ojama wa Nluku.

Akaalata 4:6

Na mwaasa wa mweeyo wiiya aana a Nluku, ye aperekha varoho venu Rooho ya Mwanawe, enkhuwaaye eraka: “Aba, enraaye Paapa!”

Ayeefezu 4:12

awaattalelelaka attakatthiifu khaazi ya Mbwana, yoori mwiili wa Al-Masiihu ojekeye.

Ayeefezu 4:16

Ye ti arettisiyeeyo yoori mwiili wiiye wookusanyeya saaneene, na phantte zooshi zipharaane khwa okusanyiwa vamote. Na khwa etthiipo, wakhula phantte ekholaka khaazi yooshapweya, na mwiili wooshi onwula na onjitaphula nkatthi wa pheta.

Ayeefezu 4:29

Nkhanyo mweenu lihilankhemo hatha nttakhuzi limote lootakhala, ila alankhemo mattakhuzi ooshapweya anwahaaye owaajeka azeenu khwa nanna enihithajiyaaye, yoori litane rehema vakatthi wa atthu apale ansiilaaye.

Ayeefezu 6:18

Wakhula wakathi mwisala mwilompa khwa Rooho Ttakatthiifu na ojeekesela woohilikheleli na mwiwaalompelaka attakatthiifu ooshi.

Akoloosu 2:7

wookheyiwa na woojekiwa khwa ye, ookhomaala khwa amini nkhama mwisomisiweezo, mwenkezaka onshukhurwela Nluku.

1 Atizaloonika 5:11

Tiito, mwitumerelane na mwaawunane mmote na nzeenu, nkhama etthiipo mwinrettaazo.

1 Timootiyu 1:4

Owoozaka theenya yoori alikhe olottela hantisi na waalaka mazina a marehemu. Epo zaya zintiisa onyakulisana na enlikhisa mwentto wa Nluku onlottaniwaaye amini.

2 Timootiyu 1:5

Kinfwahamu amini yawo ya ekhweele, ethiito piipi awo Looyiti na Ewuniisi mamaawo aarinaaye, kinkhupalela yoori ti ethiito eriiye khwa weeyo.

Tiitu 1:1

Miiyo Paawulu, karumeya wa Nluku na aswihaapa wa Yinsa Al-Masiihu khwa oweettana ananthawuliwa a Nluku nkatthi wa amini yoori ajuwe haakhi eniwettanaaye muukemaani;

Tiyaaku 2:22

Weeyo ona ya woona yoori amini na khaazi yawe zaari okhola vamote. Na amini yathoonyezeya khwa khaazi yawe.

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

1 Yaahaya 5:4

Maana ooshi apale avokoliweeyo ti Nluku ashintta olumwenku. Na opu pi oshintta olumwenku: amini yeetthu.

Yuuda 1:3

Aphetani aka, keeyaru pure wooshukulikhela owaatikhelani monkoni wa nusura niphakanyiyeeyo, koona yoori yaari ohithajiya owaatikhelani khwa wuutumerelani yoori muumane nkatthi wa amini swaafu moote khwa zooshi apweheliweeyo attakatthiifu.

Othoonyeziwa 13:10

Nkhama ntthu onttela ofukeliwa, ofukeliwa onlawa, nkhama ntthu onulaaniwa phanka, na phanka onulaaniwa. Nthiti na waamineya wa attakatthiifu ori apha.