Yaahaya 8:44 - Hapari Zooshapweya

⁴⁴ “Mweeyo mwinaaye papeenu, sheethwani, na mwintakha oretta etile enintuvelaaye. Ye namahusuti waaza omwanzweene wala khanalotteleke haakhi, maana ye khana haakhi. Amana ahataka onlupa mattakhuzi awe, maana namahata, paapa wa ohata.

Yaahaya 8:44 Mawu Ofanana

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Matewuzhu 12:34

Ojama wa nyookha, mweeyo ootakhala rooho, enretteya ottakhula vitthu zooshapweya? Maana milomo enttakhula etile eniiyaaye varoho.

Matewuzhu 13:15

Maana rooho za atthu apa piza okhijili, attiyela mashiilo aya na khuphunya maasho aya, eriwaka khayaari ethiito, aari owahi woona na maasho aya, na osiila na mashiilo aya na oweeleya va rooho vaya khurutela mmakhono mwaka, keetta owaavonisa.’

Matewuzhu 13:38

Nshapa olumwenku, peewu yooshapweya aana a muufwalume. Ntakatakha aana a sheethwani.

Yaahaya 6:70

Aphano Yinsa khujipu yoori: “Khahi miiyo kiwaathawuliyeeyo apale khumi na awiri? Ila mmote wa mweeyo sheethwani.”

Yaahaya 7:17

Amana ntthu ajilakelela oretta matakhelo a Nluku, ontta osophela nkhama osomisa waka onlankha wa Nluku ama kinjilupa kimweenyewe.

Yaahaya 8:38

Miiyo kiniwuuzani epile kooniyeezo wa Paapa, na mweeyo mwinretta epile mwisiiliyeezo wa papeenu.”

Yaahaya 8:41

Mweeyo mwinretta etile papeenu arettiyeeyo.” Yo khujipu yoori: “Fweeyo khahi na aana pure, ninaaye Paapa mmote paasi Nluku.”

Yaahaya 8:55

Mweeyo khamwininjuwa, ila miiyo kininjuwa. Eriwaka keettiye olupa yoori akininjuwa, kaari wiiya namahata nkhama mweeyo, ila miiyo weekhweele kininjuwa na kinshututela nttakhuzi lawe.

Khaazi 13:10

khumuuza yoori: “Mwaana wa sheethwani wamwiitaala ottettekha na zootakhala zooshi, atuwi wa shariya! Khunlikha otapwatela tarikhi za wookowa za Mbwana?

Khaazi 24:9

Mayaahuuti ankhupalela olokova waya opo, alupaka yoori mattakhuzi aya apo aari a khweele.

Khaazi 5:3

Aphano Pheeturu khumuuzela Ananiiya yoori: “Wamwiitaazelani epiliisi nroho mwawo, khuufiyelelisa ohata Rooho Ttakatthiifu mwaasa woovitha nzurukhu wuuzanyisiyeeyo nshapa lawo?

2 Akorintiyu 11:3

Etthu kinweraweraaye, na kinoovaaye ti yoori nkhama etthiipo nyookha na olavilavi aya yanttettekhiyeeyo Haawa, akhili zenu mweeyo wiiya zootapanyiwa khulikha ookhweele na aputu swaafi ya Al-Masiihu.

1 Pheeturu 5:8

Mwiiye oojisiileza na mwijeekesele. Sheethwani, atuwi enu, onzukulela akulumaka nkhama siipa amweekesaka ntthu yoori amwankameze.

2 Pheeturu 2:4

Maana Nluku kheenaneliye malayikha apale akosiyeeyo, ila eeselela motthooni, khufukela nkhilintti wooripamo yoori apwehe mpakha siikhu ya ophukiwa.

1 Yaahaya 1:8

Nkhama ninjilupeza ohiina twampi, nintta ojittettekha na nkatthi mweetthu khayiimo haakhi,

1 Yaahaya 2:21

Miiyo akiniwaatikhelani mwaasa wa woohijuwi haakhi, maana mwinjuwa, na khawiivo hatha ohata mmote onlankhaaye vakatthi wa haakhi.

1 Yaahaya 2:4

Otule anraaye: “Miiyo kininjuwa” ila ahishututelaka oruma wawe namahata, na haakhi khiri vamote na ye.

1 Yaahaya 3:12

Nihiiye nkhama Kayiini, otule aari wa phantte ya ntakhali khumuula ttwiiye. Amuulela niini? Mwaasa wa khaazi zawe zaari zootakhala, ila epi za ttwiiye zaari za shariya.

1 Yaahaya 3:15

Wakhula otule aniiphiiriwaaye ti ttwiiye namahusuti, mweeyo mwinjuwacha yoori khina namahusuti mmote ariina ohaayi wa mileele woolipaneya nkatthi mwawe.

Yuuda 1:6

Mwifikhiri malayikha apale ahithokoreleeni puuro yaya ya ofwalume, ila khwanswi meekhazi aya, Nluku awaapweha nhali wooripamo na khuwaafukana makwinjili a mileele mpakha siikhu ya ophukiwa.

Othoonyeziwa 12:9

Jahanamu khuluyeene khweeseleliwa oje. Ye ti nyookha ya raku eniitthiwaaye Epiliisi ama Sheethwani, namahata wa olumwenku wooshi, khweeseleliwa va tuniya na malayikha awe.

Othoonyeziwa 13:14

Mwaasa wa alama enkhiweeyo ruhusa ya oretta khwa nzina la nyama yawoopisa etile ya mwanzo, ye awaahata apale aniikhalaaye va tuniya. Khuwaaruma yoori aattale ratarato khwa hishima ya nyama yawoopisa etile yaavulalisiweeyo na phanka na khwiiya haayi.

Othoonyeziwa 2:10

Mwihoove etthu enttelaaye wuuhoochani nasaapi eti. Sheethwani oniweeselela akina a mweeyo nkalapooso yoori aweezeni, na mwinteela ohoowa monkoni wa olupatthiwa khwa siikhu khumi. Mwiiye awaamineya mpakha ofwa, na miiyo kintta owinkhani jarata ya ohaayi.

Othoonyeziwa 21:8

Ila ananhiminyali, oohaamini, makookaani, anamahusuti, anakaapa twayifu, ashawi, anamwaaputu sanamu na anamahata ooshi puuro yaya enttela wiiya ontthatta la moottho onkholelanaaye oka. Opu pi ofwa wa phiiri.”

Othoonyeziwa 22:15

Vaje ansalavo anapwa, apale aneettettelaaye oshawi, apale anrettaaye khaapa twayifu, anamahusuti, anamwaaputu sanamu na ooshi apale amphetaaye na aneettettelaaye ohata.

Othoonyeziwa 9:11

Yo aarina mfwalume aya aari owaalokozelaaye, nlayikha la nkhilintti; khwa luuka ya meepereewu nzina lawe yaari oriwa Apatomi, na khwa luuka ya ekereeku, Apoliyoomi.