43 Mwaasa wa ye khupuwa waawanyeya khwa atthu apale.
Miiyo kata yoori oomane mwaana na papaawe, mwaana wankha na mamaawe, namaraliwa na nkhwewe.
Mweeyo mwinaakanyera yoori miiyo katiisa heeri voolumwenku? Wala! Kiniwuuzani khweele yoori, miiyo katiisa ohisiilani.
Mwaasa wa mattakhuzi atthaapo, mayaahuuti khurutela waawanyeya theenya.
Vakatthi wa atthu apale waarivo waapa monkoni wa ye, akina aari olupa toono: “Mwinyi wooshapweya rooho.” Akina araka: “Wala, oniwaattettekha atthu.”
Mafwarizeewu akina khulupa yoori: “Mwinyi oto khahiyo wa Nluku, maana khanshitahi Saapatu.” Akina aya khusala oozela yoori: “Natwampi onretta nanna ni alama nkhama epo zootikinisa?” Attaaphale khupuwavo ohisiilani.
Atthu a mmuti mphule khwaawanyeya, akina khwiiya phantte ya mayaahuuti akina khwiiya phantte ya maaswihaapa.
