Yaahaya 7:28 - Hapari Zooshapweya

²⁸ Wakathi aari osomisaaye Nnyupa Woosifwiwamo, Yinsa khuttakhula woosileyavo araka: “Aaa, mweeyo mwakijuwa na mwinjuwa ohali kilankhiyeewo. Miiyo akiri apha khwa matakhelo aka, ila otule akirumiyeeyo ti eeyiye khweele. Otule mweeyo mwihininjuwaaye,

Yaahaya 7:28 Mawu Ofanana

Matewuzhu 11:27

Vitthu zooshi kenkhiwa ti Paapa. Khina aninjuwaaye Mwaana woohiiyi Paapa, na khina aninjuwaawe Paapa woohiiyi Mwaana na otule Mwaana anintakhelaaye onthoonyeza.

Matewuzhu 2:23

Khusala eekhala sitati eniitthiwaaye Nazareeti, yoori erettikhane epile zaalupiweeyo pi manapiyu araka: “Ye onteela wiitthiwa Nnazare.”

Matewuzhu 26:55

Wakathi otthuupule Yinsa khuwoozela atthu apale yoori: “Mwakiteela okikhola na phanka na puutta, nkhama namalokozela wa anazompere? Siikhu zooshi miiyo kaari osomisa Nnyupa Woosifwiwamo, khi mweeyo ohikikholi!

Luuka 10:22

“Zooshi kenkhiwa ti Paapa, na khaavo aninjuwaaye Mwaana woohiiyi Paapa, wala aninjuwaaye Paapa woohiiyi Mwaana, na otule Mwaana anintakhelaaye yoori anjuwe.”

Luuka 2:11

Leelo ethiiti, sitati ya Daawuuda avokoliwa Namuusuru eeyiye Al-Masiihu, Mbwana!

Luuka 2:39

Yuusufu na Mariyamu nawiisha oretta zooshi epile zaari orumaazo kano ya Mbwana, khurutela Kalileya sitati ya Nazareeti owaya.

Luuka 2:4

Yuusufu khulankha Kalileya, sitati ya Nazareeti, khulawa Yudeya sitati ya Belemu, ottuukho aavokoliweewo wa mfwalume Daawuuda. Eetteliye waatikhiwa maana aari wa ojama wa Daawuuda.

Luuka 2:51

Yinsa khurutela nti wa Nazareeti na papaawe na mamaawe khusala awaashututela. Mamaawe aari othokorela vitthu epile zooshi nroho mwawe.

Yaahaya 1:46

Natanayeele khuuzela yoori: “Nazareeti, enlankhawo etthu yooshapweya?” Filiipe khunjipu yoori: “Ote woone!”

Yaahaya 10:36

aphano otule Paapa anttakatthisiyeeyo na khunruma voolumwenku, mwinri: ‘Weeyo onamakufuru,’ mwaasa wa niini kilupaka yoori ‘Ki mwaana wa Nluku?’

Yaahaya 12:49

Akinjilupa miiyo, ila Paapa otu akirumiyeeyo ti akirumiyeeyo etthu yoolupa na olaleya.

Yaahaya 14:10

Weeyo khunkhupali yoori miiyo kiina Paapa na Paapa ona miiyo? Mattakhuzi apa kiniwuuzaanini khahiyo aka paasi. Ila, Paapa aniikhalaaye khwa miiyo, ontta okhola khaazi yawe.

Yaahaya 14:31

nakataalikha yoori atthu a voolumwenku ojuwe yoori miiyo kininpheta Paapa, enikihithajiya oretta etile akirumiyeeyo. Lankhani, nileevo apha.”

Yaahaya 16:3

Yo anttela oretta toowo mwaasa woohinjuwi Paapa wala miiyo.

Yaahaya 17:25

“Paapa wa shariya, atthu a olumwenku khanuujuwa, ila miiyo kinuujuwa; na apa okinkhiyeeyo anjuwa yoori weeyo weetta okiruma.

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

Yaahaya 3:2

Ye khulawa okutthanana Yinsa osikhu na khumuuza yoori: “Rabi, ninjuwa yoori onsomisa khwa phantte ya Nluku, maana khina anwahaaye oretta alama za minjuza nkhama epo, aheetteeni Nluku wiiya vamote na ye.”

Yaahaya 3:33

Otule ankhupalelaaye oshaahiti awe onhakikhi yoori Nluku haakhi.

Yaahaya 5:32

Ila owaapho nkina anlawelaaye oshaahiti monkoni wa miiyo na miiyo kinjuwa yoori oshaahiti aya opo alupiyeeyo monkoni wa miiyo haakhi.

Yaahaya 5:43

Miiyo kata khwa nzina la Paapa, ila khamwikipwekhereleeni. Nkina amana ata khwa nzina lawe mweenyewe, weekhweele mwintta ompwekherela.

Yaahaya 6:42

Khurutela olupa yoori: “Khahi Yinsa otu, mwaana wa Yuusufu? Onoona yoori fweeyo khanninjuwa papaawe na mamaawe? Onlupa toovi yoori: ‘Keeshukha pinkuuni’?”

Yaahaya 7:14

Wakathi lifiiyeevo vakatthi njampo ntthile, Yinsa khweetta Nnyupa Woosifwiwamo khwaaza osomisa.

Yaahaya 8:14

Yinsa khuwaajipu araka: “Hatha nkhama kintta ojilawela oshaahiti, oshaahiti aka pi wa ookhweele, maana kinjuwa ohali kilankhiyeewo na ohali kineettaawo. Ila mweeyo khamwinjuwa ohali kilankhiyeewo wala ohali kineettaawo.

Yaahaya 8:16

Hatha nkhama kintta ophuka, ophuka waka pi wa khweele, maana akiri otthome. Kiina Paapa otule akirumiyeeyo.

Yaahaya 8:19

Aphano khumuuzela yoori: “Papaawo aya ori vayi?” Yinsa khuwaajipu yoori: “Mweeyo khamwinikijuwa miiyo na khamwininjuwa Paapa, eriwaka mwaari okijuwa, mweetta onjuwa Paapa.”

Yaahaya 8:26

Kinaaye vitthu zawaatta zoolupa na ophuka monkoni wa mweeyo. Ila otule akirumiyeeyo ti wa khweele na kinuuza olumwenku epile kinsiliyeeyo paasi.”

Yaahaya 8:42

Yinsa khuwooza yoori: “Eriwaka Nluku aari Papeenu, mweetta okipheta, maana miiyo kalankha wa Nluku tiito kiriiyo apha. Miiyo akijitiiseeni otthome, ila ye ti akirumiyeeyo.

Yaahaya 9:29

Fweeyo ninjuwa yoori Nluku attakhulana Munsa; ila mwinyi oto fweeyo wala khaninjuwa ohali alankhiyeewo.”

Khaazi 17:23

Kazukulela sitati eti yooshi, wakhula vahali khusala kisikana vitthu mwinaaputwaazo hatha kansikana alitaari aatikhiweeyo yoori: nluku woohijuwiwi. Othuuto, mwinimwaaputwaaye mwihinjuwaka, ti othuuto kininlupaaye miiyo kiwuuzakani.

Arooma 1:28

Olikha toowo, moone yoori atarawu ojuwa wa Nluku, ye awaalikhela akhili zaya zoovonyeya, yoori arette vitthu zihinrettiwaazo.

Arooma 3:4

Hatha vattitthiiru! Eeye Nluku weekhweele, na ntthu wooshi woohata. Nkhama yaatikhiweezo: “Yoori wiiye woohakikhiwa khwa mattakhuzi awo na oshintte amana olokoveziwaka.”

2 Akorintiyu 1:18

Wiiya Nluku ti waamineya, hapari zeetthu khwa mweeyo khahiyo “aaa” na “wala”.

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

Tiitu 1:2

amini na ojuwa nchina la nroromelo khwa ohaayi wa mileele, opule Nluku woohihati, ahitiyeeyo khapulathi olumwenku ohinompiwe.

Meepereewu 6:18

na yoori khwa vitthu piiri zihinzukuliseyaaye, khinretteya Nluku ohata khwa vitthu zaya epo, nina yookholelela na olipiseleya khwa nroromelo nwulweene naahitiweeyo vakatthi veetthu.

1 Yaahaya 5:10

Otule aninkhupalaaye Mwaana wa Nluku onaaye oshaahiti aya opo nroho mwawe. Ila otule ahininkhupalaaye Nluku oninretta wiiya namahata, maana khakhupaleeni oshaahiti Nluku enkhiyeeyo monkoni wa Mwanawe.