Yaahaya 6:57 - Hapari Zooshapweya

⁵⁷ Nkhama Paapa akiperekhiyeeyo eeyiyeeyo haayi, na miiyo kiniikhala mwaasa wa ye. Khwa etthiipo otule anrafunaaye mwiili aka oniiyana ohaayi mwaasa wa miiyo.

Yaahaya 6:57 Mawu Ofanana

Matewuzhu 16:16

Simawu Pheeturu khujipu yoori: “Weeyo o Al-Masiihu, Mwaana wa Nluku wa ohaayi.”

Yaahaya 14:19

Khwa wakathi vattitthiiru atthu a voolumwenku khanteela okoona theenya, ila mweeyo mwinlawa mwakoone. Mwaasa wa miiyo wiiya haayi, na mweeyo mwinlawa mweeyane ohaayi.

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Yaahaya 17:21

yoori ooshi eeye amote, nkhama etthiipo niriizo miiyo na weeyo, na yo ti eeye khwa fweeyo, yoori atthu a voolumwenku akhupali yoori weeyo weetta okiruma.

Yaahaya 3:17

Nluku amperekha Mwanawe voolumwenku, khahiyo yoori ahukhumu olumwenku, ila yoori olumwenku wuusurukhe khwa ye.

Yaahaya 5:26

Nkhama etthiipo Paapa eeyiyeeyo mweenyewe ohaayi, amwinkha mwanawe wiiya mweenyewe ohaayi,

Yaahaya 6:29

Yinsa khuwaajipu yoori: “Khaazi Nluku antakhaaye tiiti, onkhupali otule anrumiyeeyo.”

Yaahaya 6:38

Maana keeshukha pinkuuni, khahiyo yoori kirette matakhelo aka, ila kirette matakhelo awe otule akirumiyeeyo.

1 Akorintiyu 15:22

Khwa nanna etthiipo fooshi nafwa khwa Adamu, etthiipo theenya khwa Al-Masiihu fooshi ninteela osisimuliwa.

1 Akorintiyu 15:45

Maana Zawaatikhiwa Ttakatthiifu zinlupa yoori: “Adamu, ntthu wamwanzo, ompiwa nkhama yumpe haayi”, ila Adamu wawiishela, Yinsa Al-Masiihu, rooho eninkhaaye ohaayi.

2 Akorintiyu 13:4

Maana wekhweele, aakhomeliwe khwa otteettheya, ila ori haayi khwa owahi wa Nluku. Khwa nanna etthiipo, na woottettheya khwa ye, ila khwa owahi wa Nluku ninteela wiikhalana ye yoori nuurumeyeleni mweeyo.

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.

1 Atizaloonika 1:9

Maana atthaapo anthatela nanna mweeyo mwinipwekhereliyeezo, na nanna mwiruteliyeezo mmakhono wa Nluku, khulikha sanamu yoori mwinrumeyele Nluku wa ohaayi na weekhweele,

Meepereewu 9:14

Nkhama epi pi toono, mwipheleleze aphano yoori yootepa owula theenya ti owahi wa taamu ya Al-Masiihu, khwa vakatthi wa Rooho ya mileele ye ajinkha mweenyeweene khwa Nluku nkhama twaha yoohiina hatha jaraha, ye atwaharesha akhili zeetthu mwaasa wa khaazi ennilokozaaye muufwa yoori ninrumeyele Nluku wa ohaayi.

1 Yaahaya 4:9

Nanna Nluku athoonyeziyeeyo pheta yawe khwa fweeyo pi toono; amperekha Mwanawe mmote paasi voolumwenku, yoori nipatthe ohaayi khwa ye.