Yaahaya 6:54 - Hapari Zooshapweya

⁵⁴ Wakhula otule anrafunaaye mwiili aka na khunywa taamu yaka onaaye ohaayi wa mileele na miiyo kinteela onsisimula siikhu ya mwiisho.

Yaahaya 6:54 Mawu Ofanana

Zaapuura 22:26

Anamahoowa anteela oja mpakha orupala; Aninsifu Nnyizinku apale animweekesaaye! Ti yiiye haayi rooho yenu khwa mileele!

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Yaahaya 6:27

Mwihikhole khaazi khwa etthu yoojiwa enharipweyaaye, ila khwa etthu yoojiwa eninkhaaye ohaayi wa mileele, ethiito Mwaana wa Pinaatamu aniwinkhaanini. Maana, Nluku Paapa, anttheliyeeyo alama yawe ya onhakikhi.”

Yaahaya 6:47

Miiyo kiniwuuzani khweele yoori, otule anikikhupalaaye onaaye ohaayi wa mileele.

Yaahaya 6:55

Maana mwiili aka etthu yoojiwa ya khweele na taamu yaka etthu yoonywiwa ya khweele.

Yaahaya 6:63

Rooho ya Nluku eninkha ohaayi, ila mwiili khuna fwayita. Mattakhuzi apa kiwuuziyeenini pi a rooho na ohaayi.

Akaalata 2:20

Kakhomeliwa vamote na Al-Masiihu. Ohaayi opu kiriina nasaapi eti khayi waka, ila Al-Masiihu ti aniikhalaaye khwa miiyo; na ohaayi onikiikhazaaye nasaapi eti khwa mwiili aka kiniikhala khwa amini ya Mwaana wa Nluku, othuuto akiphetiyeeyo khujinkha mweenyeweene khwa zwaamu yaka miiyo.