Yaahaya 6:39 - Hapari Zooshapweya

³⁹ Matakhelo a otule akirumiyeeyo pi apa: ahikaashikhe hatha mmote wa otule akinkhiyeeyo, ila miiyo kinsisimule siikhu ya mwiisho.

Yaahaya 6:39 Mawu Ofanana

Matewuzhu 10:15

Miiyo kiniwuuzani khweele yoori, siikhu ya ophukiwa enttela wiiyavo tthakaraka khwa Sotooma na Komoora zayita sitati ya eto.

Matewuzhu 18:14

Khwa nanna etthiipo theenya Papeenu ariiye pinkuuni khanintakhela hatha nsimaana mmote waashikha.

Luuka 12:32

Yinsa khulupa theenya araka: “Mwihoove mweeyo mwiiyiye nkhama khuntti ttiitthiiru ya pwittipwitthi, maana Papeenu ti ye atakhiye owinkhani ofwalume awe.

Yaahaya 12:48

Owaapho namaphuka wa otule anikikatthalaaye na ahinkhupalelaaye mattakhuzi aka; nttakhuzi laka nttinttho kilupiyeeyo ti linttelaaye omphuka siikhu ya mwiisho.

Yaahaya 17:12

Wakathi kaari vamote na yo voolumwenku, miiyo kaaweenaneliye na khuwaathokorela khwa owahi wa nzina lawo, nzina nttinttho okinkhiyeeyo. Kaaweenaneliye na khuhiivo mmote aashikhiyeeyo, woohiiyi otule atthomeliweeyo waashikha yoori epile zilupiyeezo Zawaatikhiwa Ttakatthiifu zirettikhane.

Yaahaya 17:2

Maana wamwinkha ofwalume khwa anaatamu ooshi, yoori awenkhe ohaayi wa mileele ooshi apale omwinkhiyeeyo.

Yaahaya 17:24

“Paapa, niiya yaka ti yoori attaapho kiriivo miiyo na yo eeye attaapho ooshi apale okinkhiyeeyo, yoori oone siifwa okinkhiyeeyo, maana wakipheta khapulathi olumwenku ohinompiwe.

Yaahaya 17:6

“Kawaathoonyeza nzina lawo apale okinkhiyeeyo voolumwenku. Apo aya aari awo, weeyo khukinkha miiyo, yo anshututela nttakhuzi lawo.

Yaahaya 17:9

Miiyo kiniwaavekelela yo. Akiniwaavekelela atthu ooshi a voolumwenku, ila apale okinkhiyeeyo maana pi awo.

Yaahaya 18:9

Yinsa aalupiye toowo yoori eretteye etile aalupiyeeyo rakuzeene yoori: “Paapa, ooshi apale okinkhiyeeyo khakaashikheeni hatha mmote.”

Yaahaya 5:28

“Mwihiiye wooshankela epo zaya, maana ontta ofiya wakathi wa ooshi apale ari nkhapuri anttelaaye osiila huula yawe

Yaahaya 6:37

Wakhula otule Paapa anikinkhaaye, onikiteela miiyo, na otule anikiteelaaye miiyo akinteela onthanya.

Yaahaya 6:40

Maana matakhelo a Paapa pi yoori wooshi otule animoonaaye Mwaana na khunkhupali eeyane ohaayi wa mileele na miiyo kintta onsisimula siikhu ya mwiisho.”

Yaahaya 6:44

Khaavo ankiteelaaye miiyo woohiiyi otiisiwa ti Paapa, otule akiperekhiyeeyo na miiyo kininsisimula siikhu ya mwiisho.

Yaahaya 6:54

Wakhula otule anrafunaaye mwiili aka na khunywa taamu yaka onaaye ohaayi wa mileele na miiyo kinteela onsisimula siikhu ya mwiisho.

Arooma 8:11

Nkhama Rooho ya otule ansisimuliyeeyo Yinsa eri vamote na mweeyo, othuuto ansisimuliyeeyo Al-Masiihu nkhapuri theenya onteela osisimula mwiili enu woofwa, khwa Rooho yawe eniikhalaaye khwa mweeyo.

1 Akorintiyu 6:14

Khwa owahi wawe, Nluku ansisimula Mbwana na theenya onteela onisisimula fweeyo.

2 Timootiyu 2:19

Ila nchina ankheyaaye Nluku khalinsakhinyeya liniiya loopharisiwa na mattakhuzi anraaye: “Mbwana oniwaajuwa apale eeyiye awe, wakhula otule anlottelaaye nzina la Al-Masiihu ona ya ophakuwanana vitthu zootakhala.”

Tiyaaku 5:15

Lompa yoorettaniwa amini enimuusuru nlwele, na Mbwana oninlansa, nkhama aarettiye twampi oniiya wooswamihiwa.

1 Pheeturu 1:5

khwa amini mwakholeleliwa ti owahi wa Nluku mpakha ota nusura entakhaaye othoonyeziwa wakathi wa mwiisho.

Yuuda 1:1

Yuuda, mwiitthwaana wa Yinsa Al-Masiihu, ttwiiye Tiyaaku, apale akhuweliweeyo, oophetiwa ti Nluku Paapa na athokoreliweeyo ti Yinsa Al-Masiihu: