Yaahaya 5:46 - Hapari Zooshapweya

⁴⁶ Eriwaka mwaari okhupalela epile Munsa alupiyeeyo, mweetta okikhupalela na miiyo, maana ye aatikha vitthu monkoni wa miiyo.

Yaahaya 5:46 Mawu Ofanana

Mwanzo 12:3

Kiniwaaparikhiya apale anuuparikhiyaaye, na kininlaani otule anuulaanaaye. Khwa weeyo enteela wiiya zooparikhiyiwa khapila zooshi za voolumwenku.”

Mwanzo 18:18

Eburahiima onteela wiiya paapa woomathi nwulweene wa owahi; khwa ye, kinteela oparikhiya khapila zooshi za voolumwenku.

Mwanzo 22:18

Atthu ooshi a voolumwenku anteela oparikhiyiwa, mwaasa wa ojama awo, maana weeyo wakishututela.”

Mwanzo 28:14

Ojama awo onteela wiiya yawaatta nkhama mishaka za vathi, onteela omwazeyela okhu lintupweelaawo njuwa, lintthamuwaawo njuwa, kashikhazini na kusini. Khwa weeyo na ojama awo khapila zooshi za voolumwenku enteela oparikhiyiwa.

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Mwanzo 49:10

Khweele Yuuda khanteela onyakanyiwa ofwalume awe, wala pakhora yoofwalume eriiye mmwinyoka mwawe, mpakha ate mweenyewe ofwalume, otu anttelaaye oshututeliwa pi atthu ooshi.

Luuka 24:27

Khusala aweeleza mattakhuzi ooshi aatikhiweeyo nkithaapu aari onlupaaye ye, waaza kithaapu ya napiyu Munsa mpakha za manapiyu akinoko.

Yaahaya 1:45

Filiipe khunsikana Natanayeele khumuuza yoori: “Nansikana otule Munsa aatikhiyeeyo nkithaapu ya kano monkoni wa ye na manapiyu. Yinsa wa Nazareeti, mwaana wa Yuusufu!”

Yaahaya 5:47

Ila amana mwihikhupalaka etile aatikhiyeeyo, nanna ni mwinttelaaye okhupalela etile miiyo kinlupaaye?”

Khaazi 26:22

Ila kinaaye awuni ya Nluku mpakha siikhu eti ya leelo, na kiri apha mwaasa wa etthiipo kilazaka oshaahiti vakatthi wa atthu pure na apale ooshitahiwa. Akinlupa hatha etthu yohiiyi etile aalupiyeeyo manapiyu na Munsa yoori enteela orettikhana.

Arooma 10:4

Maana mwiisho wa kano ti Al-Masiihu, yoori ahakikhiwe wooshi otule aninkhupalaaye.

Akaalata 2:19

Maana miiyo akiniikhala khwa kano, ila kafwa vakatthi wa kano, yoori kiiyane meekhazi khwa Nluku.

Akaalata 3:10

Maana ooshi apale antakhaaye ohakikhiwa khwa khaazi za kano apo ari nkatthi Woolanikha; maana yaatikhiwa yoori: “Alaanikha wooshi otule ahinlottiselaaye vitthu zooshi epile zaatikhiweeyo nkithaapu ya kano khusala alottela.”

Akaalata 3:13

Yaatikhiwa yoori: “Woolanikha ti otule wooshi athomeyiweeyo vansalapa.” Tiito Al-Masiihu khujiretta wiiya namalaanikha khwa zwaamu yeetthu fweeyo, na arettiyeevo toowo Ye anilaza nkatthi wa laana za kano.

Akaalata 3:24

Khwa etthiipo kano ti yaari oneettettisaaye mpakha Al-Masiihu ota, yoori nihakikhiwe ti Nluku khwa amini.