Yaahaya 5:37 - Hapari Zooshapweya

³⁷ Paapa otu akiperekhiyeeyo, onlaza oshaahiti monkoni wa miiyo. Mweeyo khamwina siile huula yawe, wala khamwina moone nanna ariizo,

Yaahaya 5:37 Mawu Ofanana

Olaawo 20:19

Khumuuza Munsa yoori: “Weeyo ottakhulane ye, fweeyo nintta osiila. Ila Nluku amana attakhulana fweeyo nintta ofwa.”

Matewuzhu 17:5

Pheeturu eettaka ottakhula nalelo, khupuwa liwiku lawaara khuwaafinikha, nttumpho khupuwamo huula yaari oraaye: “Otu Mwanaka wompheta na wookituvela channu. Mwinsiileze!”

Matewuzhu 3:17

Huula ya olankha pinkuuni khuri: “Otu mwanaka wompheta, na wookituvela channu!”

Maaruku 1:11

Aphano khuta huula pinkuuni elupaka yoori: “Weeyo o Mwanaka wa wuupheta, na wookituvela channu.”

Luuka 24:27

Khusala aweeleza mattakhuzi ooshi aatikhiweeyo nkithaapu aari onlupaaye ye, waaza kithaapu ya napiyu Munsa mpakha za manapiyu akinoko.

Luuka 3:22

Rooho Ttakatthiifu khumwiishukhela nkhama jiwa. Khusiileya huula yoolankha pinkuuni eraka: “Weeyo o mwanaka wa wuupheta, na wookituvela channu.”

Yaahaya 1:18

Khina anamoone Nluku, ila Nluku mmote paasi, othuuto ariiye mpavu wa Paapa, ti anithoonyeziyeeyo.

Yaahaya 14:9

Yinsa khunjipu yoori: “Filiipe, kiikhaliyeezo wakathi mwinkeene na mweeyo; nalelo khunikijuwa? Otule akooniye miiyo amoona Paapa. Khi onlupa toovi yoori: ‘Onithoonyeze Paapa’?

Yaahaya 15:24

Eriwaka akeettiye oretta vitthu vakatthi vaya ahinwahaaye oretta ntthu nkina, yo khaari wiiyana paathuli ya twampi. Ila yo oona epi kirettiyeezo na khusala akhanyarela wiiphiiriwa ti miiyo na Paapa.

Yaahaya 5:32

Ila owaapho nkina anlawelaaye oshaahiti monkoni wa miiyo na miiyo kinjuwa yoori oshaahiti aya opo alupiyeeyo monkoni wa miiyo haakhi.

Yaahaya 6:27

Mwihikhole khaazi khwa etthu yoojiwa enharipweyaaye, ila khwa etthu yoojiwa eninkhaaye ohaayi wa mileele, ethiito Mwaana wa Pinaatamu aniwinkhaanini. Maana, Nluku Paapa, anttheliyeeyo alama yawe ya onhakikhi.”

Yaahaya 8:18

Miiyo kinjilawela oshaahiti na Paapa otule akirumiyeeyo onikilawela oshaahiti.”

1 Timootiyu 1:17

Apho, Mfwalume wa mileele attottopeliwe na asifwiwe siikhu zooshi, Ye ahinifwaaye wala ahinooneyaaye, Nluku mmote othuuto. Amiina!

1 Timootiyu 6:16

Ye otthwe khanfwa na oniikhala nnuuru ehinaattameyaaye, khina anamoone, wala anwahaaye omoona. Ottitthimisiwa wiiye wawe na owahi khwa mileele. Amiina.

1 Yaahaya 4:12

Khaavo amooniyeeyo Nluku. Nkhama nimphetana mmote na nzeetthu, Nluku oniikhala khwa fweeyo, na toowo, opheta wawe oniiya wookhamilikha khwa fweeyo.

1 Yaahaya 4:20

Nkhama ntthu onri onimpheta Nluku khusala eephiiriwa ti ttwiiye, oto namalokova. Maana otule ahimpheteeni ttwiiye, otule animoonaaye, khanwahi ompheta Nluku, otule ahinimoonaaye?

1 Yaahaya 5:9

Fweeyo ninkhupalela oshaahiti wa anaatamu, ila oshaahiti wa Nluku watepa wiiyana fwayita. Opu oshaahiti wa Nluku enkhiyeeyo khwa shitaha ya Mwanawe.