Yaahaya 5:30 - Hapari Zooshapweya

³⁰ Otthome akinwahi oretta hatha etthu. Miiyo kimphuka khwa nanna Paapa akuuziyeeyo, na ophuka waka pi wa shariya maana akineekesa ojituvelisa, ila matakhelo a otule akirumiyeeyo.

Yaahaya 5:30 Mawu Ofanana

Mwanzo 18:25

Ohiiye weeyo wooretta etthu nkhama eto, yoowuuleela vamote anashariya na makaafiri. Onteela onhukhumu nashariya mwaasa wa vitthu zoorettiwa ti makaafiri. Weeyo o namaphuka woolumwenku wooshi, khunteela ophuka na shariya?”

Matewuzhu 26:39

Khususa vattitthiiru, khukokhora khufiisa ajihi yawe vathi, khusala alompa araka: “Paapa, nkhama enwaheya, okaattuwanise jiikira eti ya ohoowa; ila ehirettikhane nkhama kintakhaazo, ila nkhama ontakhaazo.”

Yaahaya 14:10

Weeyo khunkhupali yoori miiyo kiina Paapa na Paapa ona miiyo? Mattakhuzi apa kiniwuuzaanini khahiyo aka paasi. Ila, Paapa aniikhalaaye khwa miiyo, ontta okhola khaazi yawe.

Yaahaya 17:4

Miiyo koosifu vathi, kimariselaka khaazi okinkhiyeeyo oretta.

Yaahaya 18:11

Ila Yinsa khumuuza Pheeturu yoori: “Opwehe phanka yawo! Akaari oteela onywela jiikira akinkhiyeeyo Paapa?”

Yaahaya 4:34

Yinsa khuri: “Etthu yoojiwa yaka oretta matakhelo a otule akirumiyeeyo okhola khaazi zawe.

Yaahaya 5:19

Aphano Yinsa khuwooza yoori: “Miiyo kiniwuuzani khweele yoori, Mwaana khanretta etthu yawe, ila onretta etile animoonaaye Paapa arettaka. Maana zooshi epile anrettaaye Paapa, Mwaana onretta etthiipo.

Yaahaya 6:38

Maana keeshukha pinkuuni, khahiyo yoori kirette matakhelo aka, ila kirette matakhelo awe otule akirumiyeeyo.

Yaahaya 8:28

Aphano Yinsa khuri: “Amana mweeyo mwinsifu Mwaana wa Pinaatamu, mwintta ojuwa yoori Miiyo Ti Miiyo na akinretta hatha etthu ya matakhelo aka, ila kinlupa etile Paapa akisomisiyeeyo.

Yaahaya 8:42

Yinsa khuwooza yoori: “Eriwaka Nluku aari Papeenu, mweetta okipheta, maana miiyo kalankha wa Nluku tiito kiriiyo apha. Miiyo akijitiiseeni otthome, ila ye ti akirumiyeeyo.

Yaahaya 8:50

Miiyo akineekesa ojisifu, ila owaapho anekesaaye khwa miiyo na namaphuka.

Arooma 15:3

Maana theenya Al-Masiihu khajituveliseeni mweenyeweru, ila nkhama yaatikhiweezo yoori: “Mattukhano a apale anuuttukhanaaye akikwela miiyo.”

Arooma 2:2

Fweeyo ninjuwa yoori ophuka wa Nluku pi wa haakhi khwa apale anrettaaye vitthu zaya etthiipo.

Arooma 2:5

Ila mwaasa wa ohilikhiseyi na olipa rooho yawo, oneekezela katapu khwa weeyo enttelaaye osaruwa siikhu ya katapu ya Nluku, wakathi onttelaaye ojithoonyeza ophuka wawe wa shariya.