Yaahaya 4:6 - Hapari Zooshapweya

⁶ Ottuukhule waariwo nlipu wa Yaakhumpa. Yinsa ari wooshokhera nkatthi wa safwari, khulawa khwiikhala nshini wa nlipu. Zaarettikhaniye payina ya saasiitha.

Yaahaya 4:6 Mawu Ofanana

Matewuzhu 27:45

Yaapuwiye yiiza nti wooshi, waaza saasiitha mpakha saakhentta.

Matewuzhu 4:2

Paata ya ofuka siikhu arupayiini nthana na osikhu, khunkhola jala.

Matewuzhu 8:24

Nasaapiru, pheevo yawoopisa khusala evuma mpahari, mwaatiya khusala ozamisiwa ti mawipi, Yinsa eettaka olala.

Luuka 2:7

Khumpattha mwaana wa omwanzo awe, khumputaputela va kuwo, khunttattikhela nkashothi zaari ojaamo nyama, mwaasa yoori khaarina puuro yoomaka.

Luuka 9:58

Yinsa khunjipu araka: “Ananthala anaaye maphotto aya, anyannyi anaaye vijaaro zaya, ila Mwaana wa Pinaatamu khana vahali woovumulisavo eeshwa yawe.”

Yaahaya 11:9

Yinsa khujipu araka: “Nthana khuna wakathi khumi na miwiri? Ntthu amana eettetta nthana khankwakwattuwa, maana onoona nuuru ya olumwenku otthuupu.

Yaahaya 4:12

Talili weeyo onwulweene zayita papeetthu Yaakhumpa? Ye aninkha nlipu otthuupo aari onywakaavo na aana awe na mompe zawe.”

Yaahaya 4:5

Ye khufiya sitati moote ya Samariiya yaari wiitthiwaaye Sikaari yaattamananiyeeyo nshapa la Yaakhumpa amwinkhiyeeyo mwanawe Yuusufu.

Yaahaya 4:7

Wakathi otthuupule khuta muukha wa Samariiya ottekha maati. Yinsa khumuuza yoori: “Kimeele maati vattitthiiru kinywe.”

2 Akorintiyu 8:9

Maana mweeyo mwinjuwa rehema ya Mbwana eetthu Yinsa Al-Masiihu, ari thaajiri, ila khujiretta wiiya masikhini mwaasa wa pheta yenu, yoori vakatthi wa osikhini aya, mweeyo mwiretteye wiiya mathaajiri.

Meepereewu 2:17

Khwa etthiipo yaari ohithajiya ye wiiya woolattanana attwiize khwa zooshi, yoori eeye haakhimu nwulu wa tiini wa tthakaraka na wa waamineya khwa khaazi ya Nluku, yoori aswamiheliwe twampi za atthu.

Meepereewu 4:15

Tiito khanina haakhimu nwulu wa tiini ahinwahaaye omweeleya otteettheya weetthu, ila apho ninaaye haakhimu nwulu wa tiini wa wiiya nkhama fweeyo, azayiniweeyo nanna zene nkhama fweeyo, ila ye khakoseeni.