Yaahaya 4:10 - Hapari Zooshapweya

¹⁰ Yinsa khunjipu yoori: “Weeyo eriwaka waari ojuwa tthuvo ya Nluku na paani anuuvekelaaye maati, weeyo weetta onvekela na ye eetta owinkha maati ohaayi.”

Yaahaya 4:10 Mawu Ofanana

Olaawo 17:6

Miiyo kinttela wiiya ottuukho vatulu wa liwe la Horeepe. Weeyo opiye liwe, nttinttho lintta olaza maati yoori atthu apo anywe.” Munsa khuretta etthiipile, attunkhulu a meezirayiilu eettaka omoona.

Luuka 11:13

Nkhama mweeyo, mweeya ru pure ootakhala rooho, mwinjuwa owenkha aaneenu vitthu zooshapweya, sapiseni Paapa wa pinkuuni khanziti owenkha Rooho Ttakatthiifu apale aninvekelaaye?”

Yaahaya 16:3

Yo anttela oretta toowo mwaasa woohinjuwi Paapa wala miiyo.

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Yaahaya 6:35

Aphano Yinsa khulupa yoori: “Miiyo ki phaawu ya ohaayi. Otule anikiteelaaye miiyo khinteela onkhola theenya jala na otule anikikhupalaaye miiyo khalinteela onkhola theenya nnyottha.

Yaahaya 6:51

Miiyo ki phaawu ya ohaayi yiishukhiyeeyo pinkuuni. Ntthu amana aja phaawu yaya eto, ontta wiiyana ohaayi wa mileele na phaawu kininkhaaye olumwenku yoori wiiyane ohaayi, mwiili aka.”

Khaazi 9:11

Mbwana khumuuza yoori: “Olawe owawe Yuuda, aniikhalaaye tarikhi eniitthiwaaye Yoolotteya, wamuuzelele ntthu mmote wa Taarusu aniitthiwaaye Sawulu. Maana ye eetta olompa;

Arooma 8:32

Othuuto ahimwiinaneleeni Mwanawe, anvahiyeeyo khwa fooshi fweeyo, khi enttela orettikhana toovi ohininkhi vamote naye vitthu zooshi?

1 Akorintiyu 1:30

Tiito, khwa yaazo yawe mweeyo mwiiyiyeeyo khwa Yinsa Al-Masiihu, othuuto ajirettiye wiiya akhili ya Nluku khwa fweeyo, eeyiye shariya, ottakatthifu na nusura,

1 Akorintiyu 10:4

na anywiiye vamote etthu yoonywiwa ya nroho. Aari onywa va liwe la nroho laari owaalokozaaye, liwe laya nttho aari Al-Masiihu.

2 Akorintiyu 9:15

Nininshukhurwela Nluku, khwa tthuvo yawe yootafikhana aninkhiyeeyo.

Ayeefezu 2:8

Khwa rehema moosurukha vakatthi wa amini, epo zaya khinlankha khwa mweeyo, tthuvo ya Nluku,

Meepereewu 6:4

Moone khinwaheya, khwa apale swaafu moote amwasikheliweeyo na khootela tthuvo ya pinkuuni, khupwekhera Rooho Ttakatthiifu,

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

Othoonyeziwa 21:6

Khukuuza theenya yoori: “Zarettikhana. Miiyo ki Aalufwa na Oomeka, wa Waaza na wa Wiishela. Otule ariina nnyottha, kinimwinkha maati oonywa mahala khwa naattuuttu wa maati a ohaayi.

Othoonyeziwa 22:17

Rooho na namaposiwa anri: “Ote!” Na wooshi otule anttelaaye osiila alupe yoori: “Ote:” Otule ariina nnyottha, ate; na otule antakhaaye, anywe maati a mahala a ohaayi.

Othoonyeziwa 7:17

maana Pwittipwitthi eriye vakatthi wa khukulu enttela wiiya nshuki wa apo aya, ye enttela owaalokoza va anaattuuttu a maati a ohaayi. Na Nluku onttela opakusa mishozi za mmaasho mwaya.”