Yaahaya 3:16 - Hapari Zooshapweya

¹⁶ “Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Yaahaya 3:16 Mawu Ofanana

Mwanzo 22:12

Khumuuza yoori: “Ohimwaavulele eesu shaapu oto, na ohinrettele hatha etthu. Aphano kinjuwa yoori onimoova Nluku, mwaasa woohikikhattazi mwanawo mmote othuuto oriina.”

Mwanzo 22:2

Nluku khumuuza araka: “Onthuule mwanawo Esiyaakha, othuuto mmote oriinaaye onimphetachaaye, olawe mpakha nti wa Moriya, vamwaako oriiye ottuukho kinttelaaye wuuthoonyeza, onrette twaha yoolukuziwa.”

Matewuzhu 9:13

Mwilawe mwanozeliwe maana a nttakhuzi linlupaaye yoori: ‘Kintakha tthakaraka, khahiyo twaha.’ Maana miiyo akawaateeliye anashariya, kawaateeliye anatwampi.”

Maaruku 12:6

Aari osala mmote paasi yoori amperekhe, mwanawe wompheta wawe. Mwiisho waya khumperekha na khuri: ‘Otu mwanaka antta onshitahi.’

Luuka 2:14

“Asifwiwe Nluku otulu, na vathi apha heeri yiiye vamote na atthu ooshi awaatakheliyeeyo osaana.”

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Yaahaya 1:18

Khina anamoone Nluku, ila Nluku mmote paasi, othuuto ariiye mpavu wa Paapa, ti anithoonyeziyeeyo.

Yaahaya 1:29

Mmeesho mwaya Yaahaya khumoona Yinsa eettaka ota khuri: “Mwimoone! Oto antaaye apho, pwittipwitthi ya Nluku enlazaaye twampi voolumwenku!

Yaahaya 10:28

Miiyo kininkha ohaayi wa mileele; wala khazimpwetheya na khaavo anttelaaye olazamo mmakhono mwaka.

Yaahaya 3:15

yoori wakhula otule aninkhupalaaye eeyane ohaayi wa mileele.

Yaahaya 3:18

Wakhula otule aninkhupalaaye khamphukiwa, ila otule ahininkhupalaaye aphukiwa, mwaasa wa ohikhupali nzina la Mwaana mmote paasi wa Nluku.

Yaahaya 3:36

Otule aninkhupalaaye Mwaana onaaye ohaayi wa mileele, ila otule aninkatthalaaye Mwaana khanlawa woona ohaayi na theenya katapu ya Nluku empharelela khwa ye.

Yaahaya 6:40

Maana matakhelo a Paapa pi yoori wooshi otule animoonaaye Mwaana na khunkhupali eeyane ohaayi wa mileele na miiyo kintta onsisimula siikhu ya mwiisho.”

Arooma 5:10

Maana wakathi naari maatuwi a Nluku nawahi osiilana na ye khwa ofwa wa mwanawe, khutepa nasaapi eti nisiilananiyeevo ye, ninteela wuusurukha mwaasa wa ohaayi awe.

Arooma 5:8

Ila Nluku onthoonyeza pheta yawe khwa fweeyo, Al-Masiihu anifwela fweeyo nalelo niri anatwampi.

Arooma 8:32

Othuuto ahimwiinaneleeni Mwanawe, anvahiyeeyo khwa fooshi fweeyo, khi enttela orettikhana toovi ohininkhi vamote naye vitthu zooshi?

Ayeefezu 2:4

Ila mwaasa wa Nluku wiiya thaajiri wa tthakaraka na mwaasa wa pheta khuluyeene ariinaaye na-fweeyo,

2 Atizaloonika 2:16

Yoori Mbwana Yinsa Al-Masiihu mweenyewe, na Nluku papeetthu, aniphetiyeeyo na khuninkha ominyala wa mileele na nroromelo wooshapweya khwa rehema,

Tiitu 3:4

Ila paata ya ojithoonyeza emaani ya Nluku Namuusuru eetthu na pheta yawe khwa anaatamu ooshi,

Meepereewu 2:9

Namoona, otule arettiweeyo wiiya nttitthiiru zayita malayikha, Yinsa, enkhiwa jarata ya hishima na ya siifwa mwaasa wa ohoowa na ofwa, yoori khwa rehema ya Nluku, khwa zwaamu ya atthu ooshi, ootele ofwa.

1 Yaahaya 3:1

Moone nanna ewuliyeezo pheta Paapa aninkhiyeeyo, yawiitthiwa aana a Nluku, khweele na aana a Nluku. Tiito olumwenku ohinnijuwaaye, maana olumwenku khuninjuwa Nluku.

1 Yaahaya 4:19

Fweeyo ninimpheta Nluku maana ye anipheta omwanzo.

Othoonyeziwa 1:5

na khwa Yinsa Al-Masiihu, shaahiti wa waamineya, wa omwanzo khwa ananfwa na mfwalume nwulu wa afwalume a voolumwenku. Ye onnipheta na anitaphula twampi zeetthu khwa taamu yawe,