Yaahaya 3:11 - Hapari Zooshapweya

¹¹ Miiyo kiniwuuzani khweele yoori, fweeyo ninlupa etile ninjuwaaye na ninlawela oshaahiti wa etile nooniyeeyo; ila mweeyo khamwinkhupalela oshaahiti etthu.

Yaahaya 3:11 Mawu Ofanana

Matewuzhu 11:27

Vitthu zooshi kenkhiwa ti Paapa. Khina aninjuwaaye Mwaana woohiiyi Paapa, na khina aninjuwaawe Paapa woohiiyi Mwaana na otule Mwaana anintakhelaaye onthoonyeza.

Matewuzhu 23:37

“Yeruzaleemu, Yeruzaleemu, weeyo oniwoola manapiyu na owaavonya apale aperekhiweeyo! Swaafu kavi miiyo kitakhaka owaakusanya aanaawo nkhama mwanakhu aniwaakusanyaazo aanaawe mmapaphelo mwawe, ila weeyo khuhitakhi.

Luuka 10:22

“Zooshi kenkhiwa ti Paapa, na khaavo aninjuwaaye Mwaana woohiiyi Paapa, wala aninjuwaaye Paapa woohiiyi Mwaana, na otule Mwaana anintakhelaaye yoori anjuwe.”

Yaahaya 1:11

Awaateliye apale eeyiyeeyo awe, yo khuhimpwekhereli.

Yaahaya 1:18

Khina anamoone Nluku, ila Nluku mmote paasi, othuuto ariiye mpavu wa Paapa, ti anithoonyeziyeeyo.

Yaahaya 12:49

Akinjilupa miiyo, ila Paapa otu akirumiyeeyo ti akirumiyeeyo etthu yoolupa na olaleya.

Yaahaya 14:24

Otule ahinikiphetaaye khanshututela mattakhuzi aka. Na nttakhuzi mwinsiilaaye khahiyo laka, ila tthi la Paapa otule akirumiyeeyo.

Yaahaya 3:12

Miiyo kawuuzani vitthu za vathi khamwinkhupaleeni khi mwinttela okhupalela toovi amana kiwuuzakani vitthu za pinkuuni?

Yaahaya 3:13

Maana khina anawele pinkuuni woohiiyi otule alankhiyeeyo pinkuuni: Mwaana wa Pinaatamu.

Yaahaya 3:3

Yinsa khujipu yoori: “Miiyo kiniwuuzani khweele yoori, khina antakhaaye woona ofwalume wa Nluku aheetteeni ovokoliwa opheya.”

Yaahaya 3:5

Yinsa khujipu yoori: “Miiyo kiniwuuzani khweele yoori, aheetteeni ovokoliwa na maati na Rooho khina anwahaaye weetta muufwalume wa Nluku.

Yaahaya 5:43

Miiyo kata khwa nzina la Paapa, ila khamwikipwekhereleeni. Nkina amana ata khwa nzina lawe mweenyewe, weekhweele mwintta ompwekherela.

Yaahaya 7:16

Yinsa khuwaajipu yoori: “Osomisa waka khahiyo waka, walankha wa otule akiperekhiyeeyo.

Yaahaya 8:14

Yinsa khuwaajipu araka: “Hatha nkhama kintta ojilawela oshaahiti, oshaahiti aka pi wa ookhweele, maana kinjuwa ohali kilankhiyeewo na ohali kineettaawo. Ila mweeyo khamwinjuwa ohali kilankhiyeewo wala ohali kineettaawo.

Yaahaya 8:26

Kinaaye vitthu zawaatta zoolupa na ophuka monkoni wa mweeyo. Ila otule akirumiyeeyo ti wa khweele na kinuuza olumwenku epile kinsiliyeeyo paasi.”

Yaahaya 8:38

Miiyo kiniwuuzani epile kooniyeezo wa Paapa, na mweeyo mwinretta epile mwisiiliyeezo wa papeenu.”

Khaazi 22:18

Khumoona otule kaari ottakhulanaaye, khukuuza yoori: ‘Waakuve oleewo Yeruzaleemu, maana khanlawa okhupalela oshaahiti awo monkoni wa miiyo.’

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

Othoonyeziwa 1:5

na khwa Yinsa Al-Masiihu, shaahiti wa waamineya, wa omwanzo khwa ananfwa na mfwalume nwulu wa afwalume a voolumwenku. Ye onnipheta na anitaphula twampi zeetthu khwa taamu yawe,

Othoonyeziwa 3:14

“Khwa ojama wa Nluku wa Lawotiseeya waatikhe yoori: Apa mattakhuzi a Amiina, oshaahiti wa waamineya na wakhweele, mfwalume nwulu wa wumpa wa Nluku.