Yaahaya 21:25 - Hapari Zooshapweya

²⁵ Yinsa aretta vitthu kiina theenya zawaatta. Eriwaka wakhula moote yeettiye waatikhiwa, kinoona yoori hatha voolumwenku wooshi khayaari wiiyavo puuro zootthiiwavo kithaapu zaari weettelaaye waatikhiwa.

Yaahaya 21:25 Mawu Ofanana

Matewuzhu 11:5

Ananhooni anoona, anamarakala aneettetta, anamaaharaja antta otwahareshiwa, ananhisiili ansiila, ananfwa ansisimuwa, na hapari zooshapweya antafusireliwa asikhini.

Matewuzhu 19:24

Na kiniwuuzani theenya yoori, ti yookhweya enkamiiya ovira valiphotto la sikano zayita thaajiri weetta muufwalume wa Nluku.”

Maaruku 5:16

Apale ooniyeeyo khuwooza atthu zooshi epile zanrettikhaneliyeeyo mwinyi otule aariina masheethwani, na theenya khulupa monkoni wa kuluwe.

Khaazi 10:38

mweeyo mwinjuwa khwa nanna Nluku anthawaziyeeyo Yinsa wa Nazareeti khwa Rooho Ttakatthiifu na owahi, ethiito yanlawaniye phantte zinkizene arettaka vitthu zooshapweya na owaavonisa atthu ooshi apale aari ohoochiwaaye ti sheethwani, maana Nluku aari vamote na ye.

Khaazi 20:35

Zooshi kirettiyeezo, miiyo koosomisani yoori khwa khaazi zoolipa nina ya owaawuni apale oothowiwa, nifikhirelaka mattakhuzi apale alupiyeeyo Mbwana Yinsa yoori: ‘Wooparikhiyiwa ti otule aninkhaaye zayita otule aninkhiwaaye.’ ”

Meepereewu 11:32

Kilupe niini theenya? Akina wakathi wa waatta ya owaalupa monkoni wa Zitiooni, Parakhi, Sansoni, Yafeeti, Daawuuda, Samuweele na manapiyu,