Yaahaya 21:22 - Hapari Zooshapweya

²² Khunjipu Yinsa yoori: “Hatha nkhama miiyo katakha yoori ye eeye haayi mpakha miiyo oruti, weeyo enuujali niini? Ila weeyo okilotte miiyo.”

Yaahaya 21:22 Mawu Ofanana

Matewuzhu 16:24

Aphano Yinsa khuwooza anakhiyoni awe yoori: “Nkhama ntthu ontakha okilotta, ajikatthale mweenyewe, athuule nsalapa awe akilotte.

Matewuzhu 24:27

Maana, nkhama etthiipo taari enlankhaaye khipula, na ojithoonyeza okhu lintupweelaawo njuwa, etthiipo onttela wiiya ota wa Mwaana wa Pinaatamu.

Matewuzhu 24:3

Wakathi Yinsa eekhaliyeevo va Mwaako Oluveera, anakhiyoni khulawa khwiitthaalana othetekele na khunvekela yoori: “Nkanuuze, zinttela orettikhana lini vitthu zaya epo, wala amana otaaka, alama ni enttelaaye wiiyavo na alama ni ya mwiisho wa olumwenku?”

Matewuzhu 24:44

Tiito, mweeyo theenya mwiiye woojilikanisa, maana wakathi antaavo Mwaana wa Pinaatamu pi opule mwihinaakhipwelaaye.

Matewuzhu 25:31

“Amana Mwaana wa Pinaatamu ata nsiifwa mwawe na malayikha ooshi, onttela wiikhala vakhukulu vawe ya nuuru ya pinkuuni.

Matewuzhu 8:22

Yinsa khujipu araka: “Okilotte, owaalikhe ananfwa azikhane atthaaporu.”

Maaruku 9:1

Khusala alupa theenya yoori: “Kiniwuuzani khweele yoori, khwa apa ariiye apha, akina khanfwa ahooneeni Ofwalume wa Nluku otaaka na owahi.”

Yaahaya 21:19

Yinsa aalupiye toowo yoori athoonyeze nanna ya ofwa Pheeturu aari weettelaaye onsifwana Nluku. Nawiisha, khumuuza yoori: “Okilotte!”

Yaahaya 21:21

Wakathi Pheeturu amooniyeevo khuri: “Mbwana, khi otu?”

1 Akorintiyu 11:26

Maana, wakhula swaafu mwinrafunaavo phaawu eti na khunywela jiikira eti, mwinlaleya ofwa wa Mbwana mpakha ota wawe.

1 Akorintiyu 4:5

Nakataalikha, mwihiphuke hatha etthu ohinafiye wakathi khwaamili; mwiwejele mpakha Mbwana ate. Ye onsarulela nnuuru epile zoovithiwa n'yiiza na onthoonyeza shawuri za nroho. Wakathi opo, wakhula ntthu onlawa apwekherele okhupaliwa wawe wa Nluku.

1 Atizaloonika 2:19

Nakataalikha nroromelo eetthu niini, furaha ama jarata ninjisifwanaaye omaasho wa Mbwana eetthu Yinsa khwa ota wawe? Khahiyo mweeyo?

Tiyaaku 5:7

Nakataalikha attwiizaku, mwiiye oovilela, mpakha ota wa Mbwana eetthu. Mwaasa yoori namalima oneekesela na ovilela wuurula mishumo aazaliyeezo, mpakha ofiya wakathi wa vuula ya mwanzo na yawiishela.

Tiyaaku 5:8

Mweeyo naye mwiiye atthu oovilela na mwikhomaaze rooho zenu, maana ota wa Mbwana eetthu wasaleela ofiya.

Othoonyeziwa 1:7

Moone! Ye onta mmawiku, maasho ooshi anteela omoona, hatha apale anshomiyeeyo na nkokhi; atthu ooshi a voolumwenku anteela ojiliza mwaasa wa ye. Enttela orettikhana etthiipo! Amiina.

Othoonyeziwa 2:25

ila paasi mwikholele woolipaneyavo epo mwiriinaazo mpakha miiyo ota.

Othoonyeziwa 22:20

Otule anlazaaye oshaahiti wa vitthu zaya epi alupa: “Aaa, kinta woohirupazi!” Amiina! Ote, Mbwana Yinsa!

Othoonyeziwa 22:7

“Moone! Miiyo kinta woohirupazi! Wooparikhiyiwa ti otule ampwehaaye mattakhuzi a ohupiri a kithaapu eti.”

Othoonyeziwa 3:11

Kinta woohirupazi. Mwithokorele etile mwiriina, yoori ahiiyevo hatha ntthu woothuula jarata yenu.