Yaahaya 21:15 - Hapari Zooshapweya

¹⁵ Paata ya wiisha oja Yinsa khumuuzela Simawu yoori: “Simawu, mwaana wa Yaahaya, onikipheta zayita apa?” Ye khuri: “Aaa Mbwana, hatha na weeyo onjuwa yoori miiyo kinuupheta.” Yinsa khumuuza yoori: “Ojise pwittipwitthi zaka.”

Yaahaya 21:15 Mawu Ofanana

Mwanzo 33:13

Ila Yaakhumpa khuri: “Mbwanaaka, ojuwe yoori aana apa nalelo asimaana na kinaaye pwittipwitthi na mompe zinaamwisaaye. Amana kikhanyarela weettettisa channu zooshi zintta ofwa siikhu moote.

Matewuzhu 10:37

Otule animphetaaye mamaawe ama papaawe zayita miiyo khansuhi wiiya namalottela aka; otule animphetaaye mwanawe zayita miiyo, khansuhi wiiya namalottela aka.

Matewuzhu 16:17

Yinsa khujipu yoori: “Wooshapweyiwa ti weeyo, Simawu mwaana wa Yoona! Maana vitthu zaya epi khuthoonyeziweeni ti pinaatamu, ila ti Paapa ariiye pinkuuni.

Matewuzhu 18:10

“Phoole, mwihintarawu hatha mmote wa asimaana apa! Miiyo kiniwuuzani khweele yoori malayikha aya anoona wuuso wa Paapa wa pinkuuni wakhula wakathi.

Matewuzhu 26:33

Pheeturu khujipu yoori: “Hatha nkhama ooshi eetta wuutthira, miiyo akinteela wuutthira.”

Matewuzhu 26:35

Pheeturu khujipu theenya yoori: “Hatha nkhama ofwa vamote na weeyo, akinteela wuukhana!” Anakhiyoni ooshi khulupa etthiipo.

Maaruku 14:29

Aphano Pheeturu khutukhuru araka: “Hatha nkhama ooshi eetta wuutthira, miiyo akinuutthira.”

Luuka 12:32

Yinsa khulupa theenya araka: “Mwihoove mweeyo mwiiyiye nkhama khuntti ttiitthiiru ya pwittipwitthi, maana Papeenu ti ye atakhiye owinkhani ofwalume awe.

Luuka 22:32

Ila miiyo koolompela yoori amini yawo ehizime. Amana orutela wiiya vamote na miiyo, owaalipisele azaawo.”

Yaahaya 1:42

Antere khunthuula ttwiiye khunlawana wa Yinsa. Yinsa khumweekesa Simawu khuri: “Weeyo o Simawu, mwaana wa Yaahaya, ila waaza nasaapi nzina lawo eriwaka Seefwa.” Seefwa enlupa yoori Pheeturu.

Yaahaya 13:37

Aphano Simawu khuri: “Mbwana, mwaasa wa niini kihuulottaka nasaapi? Miiyo kinleva ohaayi aka mwaasa wa weeyo!”

Yaahaya 16:27

maana Paapa mweenyeweene onuuphetani, mweeyo mwinikipheta na mwinkhupalela yoori miiyo kalankha wa Nluku.

Yaahaya 21:12

Yinsa khuwooza yoori: “Mwite mwije!” Khuhiivo hatha nakhiyoni awe mmote aminyaliyeeyo khumuuzela yoori: “Weeyo aya o paani?” Maana aajuwiye yoori otu ti Mbwana.

Yaahaya 21:7

Nakhiyoni wa Yinsa woophetacha khumuuza Pheeturu yoori: “Oto aya ti Mbwana!” Wakathi Simawu Pheeturu asiiliyeevo elupiwaka yoori aari Mbwana, khuwala juupa, maana eettiye ovula na khujeeselela mmaati.

Yaahaya 8:42

Yinsa khuwooza yoori: “Eriwaka Nluku aari Papeenu, mweetta okipheta, maana miiyo kalankha wa Nluku tiito kiriiyo apha. Miiyo akijitiiseeni otthome, ila ye ti akirumiyeeyo.

Khaazi 20:28

Mweettette saana na mwitthantte khuntti etile Rooho Ttakatthiifu awinkhiyeenini otthantta, yoori mwiiye attunkhulu awulu a ojama wa Nluku, otthuupo ye oozanyiyeeyo na taamu yawe.

Khaazi 20:29

Kinjuwa yoori paata ya miiyo olawa enlawa zapuwe miiji za ntthuttu zite vakatthi venu yoori evulaze khuntti.

Arooma 14:1

Mwinkhupalele otule eeyiyeeyo woottettheya nkatthi wa amini, woohinyakulisanani.

Arooma 15:1

Fweeyo nikhomaaliyeeyo, nina ya ovilela otteettheya wa apale oohikhomaali, nihisala nijituvelisa neenyeweru.

1 Akorintiyu 8:11

Etthiipo, ttwi oto woottettheya, otule Al-Masiihu anfweliyeeyo, ontta otapanyeya mwaasa wa ojuwa opule weeyo oriina.

Akaalata 5:6

Maana khwa Yinsa Al-Masiihu, wala okhiriya, wala ohikhiriyi khuna hatha fwayita moote, ila amini paasi enkholaaye khaazi vakatthi wa pheta.

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.

Ayeefezu 6:24

Rehema yiiye vamote na ooshi apale animphetaaye Mbwana eetthu Yinsa Al-Masiihu na pheta khaamili.

Meepereewu 13:20

Nluku wa heeri, otule ansisimuliyeeyo Mbwana eetthu Yinsa Nshuki nwulu wa pwittipwitthi, vakatthi wa ananfwa, khwa taamu ya osiilana wa mileele,

Meepereewu 4:13

Khina hatha etthu moote khwa zooshi zumpiweeyo, ziiyiyeeyo zoovitheya omaasho wa Nluku, zooshi pi za wooneya na zatthiiwa omaasho wa otule anttelaaye oniretta hisapu.

1 Pheeturu 1:8

Hatha nkhama mweetta ohimooni, mweeyo mwinimpheta, na hatha nkhama mwintta ohimooni nasaapi eti, mwankhupali mwintthapa na furaha ehinlupeyaaye ya ottitthima,

1 Pheeturu 2:2

Nkhama aana atteetthe, mwihithajiye leethi swaafi ttakatthiifu la nroho, yoori khwa nttinttho mwiwulele nusura,

1 Pheeturu 2:25

Maana mweeyo mwaari nkhama pwittipwitthi zoothowelela, ila aphano mwarutela wa Nshuki enu na Nttunkhulu nwulu wa nafusi zenu.

1 Yaahaya 4:19

Fweeyo ninimpheta Nluku maana ye anipheta omwanzo.

1 Yaahaya 5:1

Ooshi apale ankhupalaaye yoori Yinsa ti Al-Masiihu oto avokoliwa ti Nluku, na ooshi apale animphetaaye Nluku onimpheta otule anvokoliyeeyo.

Othoonyeziwa 2:23

Kiniwoola apale aninlottaaye muukha oto. Khwa toowo ojama wa Nluku wooshi ontta ojuwa yoori ki otule anootootaaye akhili na rooho, na kinteela omwinkha wakhula ntthu khwa khiima ya zooretta zawe.