Yaahaya 20:19 - Hapari Zooshapweya

¹⁹ Jumwa phiili njuwa looveva, anakhiyoni akusanyeyiye milako ziri zoofukiwa, mwaasa wa owoova mayaahuuti, Yinsa khuvira khweemela vakatthi vaya khuri: “Heeri yiiye vamote na mweeyo!”

Yaahaya 20:19 Mawu Ofanana

Matewuzhu 10:13

Nkhama atthu a nyuupa etile eeya oosuhi, heeri yenu mweeyo yiiye vamote na yo; amana ahisuhi, heeri yenu ti yuuruteleni.

Matewuzhu 18:20

Maana vahali ankusanyeyaavo atthu awiri ama attatthu khwa nzina laka, na miiyo kiniiya attaapho.”

Maaruku 16:14

Wiishela waya Yinsa khuwaapuwelela apale khumi na mmote, wakathi aariiyo vameeza, na khuwaashowera mwaasa woohikhupali na wuuma rooho zaya, maana khawaasileziye apale aamoniyeeyo wakathi asisimuwiyeevo.

Yaahaya 14:27

Kinuulikhelani heeri, heeri yaka kiniwinkhani, ila akiniwinkhani nkhama oninkhaazo olumwenku. Mwihihankayikhise rooho zenu, wala mwihoove.

Yaahaya 16:22

Zinrettikhana etthiipo khwa mweeyo: opu wakathi wa huzuni khwa mweeyo. Ila miiyo kinteela owoonani swaafu kiina theenya, na mwinteela ofurahi, na furaha eto khaavo anttelaaye wuulazani.

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Yaahaya 20:21

Yinsa khulupa theenya yoori: “Heeri yiiye vamote na mweeyo! Nkhama etthiipo Paapa akirumiyeeyo, na miiyo kinuurumani mweeyo.”

Yaahaya 20:26

Paata ya ovira siikhu naane anakhiyoni awe khurutela okusanyeya nttumphule theenya na Tome aarivo. Milako ziri zoofukiwa, Yinsa khuta khweemela vakatthi vaya khuri: “Heeri yiiye vamote na mweeyo!”

Yaahaya 21:1

Paata ya toowo Yinsa khuwaapuwelela anakhiyoni awe opheya nshini wa ntthatta liniitthiwaaye Tiperiyaati. Ti nanna ye aajithonyeziyeeyo:

Yaahaya 21:14

Eto yaari swaafu ya ttaatthu Yinsa ajithoonyezaka vakatthi wa anakhiyoni awe, paata ya osisimuwa muufwa.

Yaahaya 7:13

Ila khaavo aari ottakhulaaye payana mwaasa wa owoova mayaahuuti.

Khaazi 1:3

Paata ya ohoowa na ofwa, Yinsa aajithoonyeziye wiiya haayi khwa maaswihaapa awe nanna nannazene zoohikheeteyi yoori ori haayi. Khuwaapuwelela khwa siikhu arupayiini awoozaka monkoni wa ofwalume wa Nluku.

Arooma 15:33

Nluku wa heeri eeye vamote na mweeyo mooshi. Amiina.

1 Akorintiyu 15:5

Khumpuwelela Pheeturu na theenya apale khumi na awiri.

Ayeefezu 2:14

Maana ye ti heeri yeetthu, othuuto akusanyiyeeyo vitthu piiri khwiiya moote na khupwecha mwiinano waajekiyeeyo wuumani.

Ayeefezu 6:23

Heeri yiiye vamote na attwi ooshi, na pheta na amini yoolankha wa Nluku Paapa na wa Yinsa Al-Masiihu.

Afiliipu 1:2

Rehema na heeri ya phantte ya Nluku Papeetthu na ya Mbwana Yinsa Al-Masiihu yiiye vamote na mweeyo.

2 Atizaloonika 3:16

Yoori Mbwana mweenyewe heeri, awinkheni heeri mweeyo khwa wakathi wooshi na wakhula nanna. Mbwana eeye vamote na mooshi mweeyo.

Meepereewu 7:2

Othuuto theenya Eburahiima amwinkhiyeeyo lifunku la khuumi la zooshi. Yamwanzo nzina lawe lina maana a “mfwalume wa shariya” ya phiiri “mfwalume wa Salemu,” enlupaaye yoori “mfwalume wa heeri.”

3 Yaahaya 1:14

Kinaakhipwela oteela owoona nasaapi, na ninteela ottakhula wuuso khwa wuuso.

Othoonyeziwa 1:4

Miiyo Yaahaya kaatikhela warakha eti ojama sapa wa Nluku oriiye Aaziya: Khwa mweeyo, rehema na heeri yoolankha khwa phantte ya otule ariivo, aariivo na otule anttelaaye ota, khwa rooho sapa ziriiye omaasho wa khukulu ya Nluku,