Yaahaya 19:17 - Hapari Zooshapweya

¹⁷ Yinsa khusaruwa attikhiwe nsalapa awe, khusala alawaniwa puuro yaari wiitthiwaaye Kalavaariyu, khwa luuka ya meepereewu yaari wiitthiwa Kolokoota,

Yaahaya 19:17 Mawu Ofanana

Mwanzo 22:6

Eburahiima khuthuula khuuni epile aari weettelaaye orettela twaha yoolukuziwa, khunttikha Esiyaakha mmafuzi mwawe. Ye khuthuula eesu na moottho khusala alawa.

Matewuzhu 10:38

Otule ahinvikelaaye nsalapa awe akilotta, khansuhi wiiya namalottela aka.

Matewuzhu 16:24

Aphano Yinsa khuwooza anakhiyoni awe yoori: “Nkhama ntthu ontakha okilotta, ajikatthale mweenyewe, athuule nsalapa awe akilotte.

Matewuzhu 27:37

Vatulu wa eeswa yawe khutthiiwavo lipawu laatikhiweeyo khwa olokoveziwa wawe yoori: “otu ti yinsa, mfwalume wa mayaahuuti”

Maaruku 10:21

Yinsa khumweekesa na khumpheta. Khumuuza yoori: “Enuusaleela etthu moote. Olawe woozanyise vitthu zawo zooshi, nzurukhu aya owenkhe asikhini na weeyo ontta wiiyana njuju pinkuuni; nawiisha ote okilotte.”

Maaruku 15:26

Pi etthiipo yaatikhiweeyo khwa olokoveziwa wawe yoori: Mfwalume wa Mayaahuuti.

Maaruku 15:32

Wiishukhe vansalapa apho O Al-Masiihu, mfwalume wa Ezirayiilu, wiishukhe yoori niwoone na nuukhupali.” Apale aakhomeliweeyo, na yo eetta onttukhana theenya.

Maaruku 8:34

Aphano khuwaakhuwela atthu na anakhiyoni awe khuwooza yoori: “Nkhama ntthu ontakha okilotta, ajikatthale mweenyewe, athuule nsalapa awe akilotte.

Luuka 14:27

Na otule ahinthuulaaye nsalapa awe akilotta khaniiya nakhiyoni aka.

Luuka 23:26

Yinsa khuthuuliwa olawaniwa, eettaka olawaniwa etthiipile, khusikaniwa mwinyi mmote wa Sireene aari wiitthiwaaye Simawu, aari olankhaaye omashapa. Khukholiwa khuthuulisiwa nsalapa opule yoori anlottisele Yinsa.

Luuka 23:33

Noofiya puuro eniitthiwaaye Kalavaariyu, Yinsa khukhomeliwa na anazompere apale awiri, mmote nkhono nlume nkina nkhono nkha.

Luuka 23:38

Vansalapa attaaphale aakhomeliweevo, khutthiiwavo lipawu laatikhiweeyo yoori: “Otu Mfwalume wa Mayaahuuti.”

Luuka 9:23

Khuvira awoozaka atthu ooshi yoori: “Nkhama ntthu atakha okilotta miiyo, ona yoojikatthala mweenyewe, khuvikela nsalapa awe wakhula siikhu khusala akilotta.

Yaahaya 19:13

Pilaatu noosiila toowo, khunsarulela Yinsa vaje, khwiikhala va khukulu ya namaphuka puuro yaari wiitthiwaaye Eshotthelo ya Mawe, khwa luuka ya meepereewu enriwa Kabata.

Yaahaya 5:2

Ewaakho Yeruzaleemu, kharipu ya Vanlako wa Pwittipwitthi, kulaathayini khwa luuka ya meepereewu eniitthiwa Betezita, eriina milako mithaanu.

Khaazi 7:58

Khumweselela othetekele wa sitati khusala anvonya, oshaahiti aya khulikheliwa kuwo zawe shaapu mmote aari wiitthiwaaye Sawulu.