Yaahaya 17:21 - Hapari Zooshapweya

²¹ yoori ooshi eeye amote, nkhama etthiipo niriizo miiyo na weeyo, na yo ti eeye khwa fweeyo, yoori atthu a voolumwenku akhupali yoori weeyo weetta okiruma.

Yaahaya 17:21 Mawu Ofanana

Maaruku 3:24

Amana ofwalume mmote ojaawanya, khunwahi ojishintta otthuuporu.

Yaahaya 10:16

Kinaaye theenya pwittipwitthi kiina zihimo mmwizizi mphu. Epo enikihithajiya weettela kikusanye na epi ziiye liphanko limote na nshuki mmote na epo zinteela osiila huula yaka.

Yaahaya 10:30

Miiyo na Paapa na amote.”

Yaahaya 10:38

Ila nkhama kinretta, hatha nkhama khamwinkikhupali miiyo, mwikhupalele khaazi ethiito, yoori mwiwahi ojuwa na oweeleyani yoori Paapa ori vamote na miiyo na miiyo kiri wa paapa.”

Yaahaya 11:42

Miiyo kinjuwa yoori weeyo onikisiila wakathi wooshi, ila mwaasa wa khuntti eti ya atthu apa ariivo ti eto, kinlupaaye toowo yoori yo apatthe okhupali yoori weeyo ti okirumiyeeyo.”

Yaahaya 13:32

Nkhama Nluku onsifwiwa khwa ye, na ye Nluku onsifwiwa mwanawe khwa ye mweenyewe, na onteela osifwiwa woohirupazivo.

Yaahaya 13:35

Khwa etthiipo atthu ooshi antta ojuwa yoori mwa anakhiyoni aka, amana mwiphetanaka mmote na nzaawe.”

Yaahaya 17:11

Nasaapi eti akinteela wiikhala voolumwenku ila yo ari voolumwenku, maana miiyo kineetta okho oriiwo weeyo. Paapa woottakatthifu, oweenanele khwa nzina lawo, nzina okinkhiyeeyo, yoori yo eeye vamote nkhama niriizo fweeyo.

Yaahaya 17:18

Nkhama etthiipo weeyo okirumiyeezo miiyo voolumwenku, na miiyo kawaaruma voolumwenku.

Yaahaya 17:20

“Akiniwaavekelela apa ottho paasi, ila na apale anteelaaye okikhupali miiyo khwa nttakhuzi laya yo,

Yaahaya 17:25

“Paapa wa shariya, atthu a olumwenku khanuujuwa, ila miiyo kinuujuwa; na apa okinkhiyeeyo anjuwa yoori weeyo weetta okiruma.

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

Yaahaya 17:8

Maana miiyo kawooza mattakhuzi okinkhiyeeyo yo khupokherela, ajuwa yoori khweele miiyo kalankha mmakhono mwawo na khukhupalela yoori weetta okiruma.

Yaahaya 3:17

Nluku amperekha Mwanawe voolumwenku, khahiyo yoori ahukhumu olumwenku, ila yoori olumwenku wuusurukhe khwa ye.

Yaahaya 5:23

yoori ooshi anshitahi Mwaana nkhama aninshitahaazo Paapa. Otule ahininshitahaaye Mwaana khaninshitahi Paapa otule anrumiyeeyo.

Khaazi 2:46

Yo aazowereliye okusanyeya wakhula siikhu Nnyupa Woosifwiwamo, na oretta njampo la mwiili na taamu vamote nyuupa khwa nyuupa, oja zoojiwa zaya na furaha khuluyeene na rooho ya ekhweele,

Khaazi 4:32

Ooshi aakhupaliyeeyo rooho zaya zaari moote, akhili zaya zaari sawasawa. Khaarivo hatha mmote aari woonaaye etthu yawe wiiya yawe. Eetta waawanya na azaaya zooshi aari wiiyanaazo.

Arooma 12:5

Etthiipo theenya fweeyo niiyiyeeyo awaatta, naretteya wiiya mwiili mmote khwa Al-Masiihu, na wakhula phantte yaluttana na phantte kiina zaya zooshi.

1 Akorintiyu 1:10

Attwiizaku, khwa nzina la Mbwana eetthu Yinsa Al-Masiihu kinuuvekelani mooshi mweeyo yoori mwikhupalelane mmote na nzeenu khwa etile mwinttakhulaaye, yoori ohiiyevo waawanyeya vakatthi venu; mwiiye wookusanyeya khwa wuupuwela mmote na shawuri moote.

1 Akorintiyu 12:12

Apho, nkhama etthiipo mwiili wiiyiyeeyo etthu moote, weeyanaru pure kifunko zawaatta, na kifunko zooshi enretta mwiili mmote paasi, na fweeyo pi etthiipo khwa Al-Masiihu.

1 Akorintiyu 6:17

Ila otule anjikusanyanaaye Mbwana oniiyana rooho moote na Mbwana.

Akaalata 3:28

Khina yaahuuti wala kereeku, ama mwiitthwaana wala woohiiyi mwiitthwaana, wala muukha ama nlume, mooshi mwa amoteru khwa Yinsa Al-Masiihu.

Afiliipu 1:27

Ehuujalini etile enttelaaye orettikhana, mweettettise onyunti enu khwa nanna ensuhaaye hapari zooshapweya za Al-Masiihu. Yoori miiyo amana kitaaka owoonani ama hatha nkhama keetta ohiivo, kisiile khwa mweeyo akinoko aya yoori nalelo mwa woolipalipa khwa rooho moote paasi, na matakhelo mamote paasi, nuumanaka fooshi khwa amini ya hapari zooshapweya.

1 Yaahaya 1:3

Fweeyo nawuuzani epile nooniyeezo na nisiiliyeezo, yoori na mweeyo mwiiyane osiilana na fweeyo, na osiilana weetthu ori khwa Paapa na Mwanawe Yinsa Al-Masiihu.

1 Yaahaya 5:7

Owaapho oshaahiti mittatthu: