Yaahaya 17:11 - Hapari Zooshapweya

¹¹ Nasaapi eti akinteela wiikhala voolumwenku ila yo ari voolumwenku, maana miiyo kineetta okho oriiwo weeyo. Paapa woottakatthifu, oweenanele khwa nzina lawo, nzina okinkhiyeeyo, yoori yo eeye vamote nkhama niriizo fweeyo.

Yaahaya 17:11 Mawu Ofanana

Matewuzhu 10:16

“Miiyo kinuurumani mweeyo nkhama pwittipwitthi vakatthi wa miiji, nakataalikha mwiiye alavilavi nkhama nyookha na oohiina zootakhala nkhama jiwa.

Matewuzhu 5:48

Nakataalikha mwiiye atthu khaamili, nkhama etthiipo eeyiyeeyo khaamili Papeenu wa pinkuuni.

Matewuzhu 6:9

Nakataalikha, mweeyo amana mwilompaka mwisala mwiri toono: “ ‘Papeetthu oriiye pinkuuni, littitthimisiwe nzina lawo loottakatthifu,

Yaahaya 13:1

Esaleelaka ofiya siikhu ya Paashikowa, Yinsa aajuwiye yoori wafiya wakathi wa ye olikha olumwenku opu eette wa Paapa, khuwaapheta apale awe aari voolumwenku, awaaphetiye mpakha mwiisho.

Yaahaya 13:3

Yinsa aajuwiye yoori Paapa vitthu zooshi attha mmakhono mwawe, na alankhiye wa Nluku na aari orutela wa Nluku,

Yaahaya 14:20

Siikhu ethiito enteela oweeleyani yoori kiri khwa Paapa, mweeyo mwiri khwa miiyo na miiyo kiri khwa mweeyo.

Yaahaya 16:28

Kalankha wa Paapa khuta voolumwenku; nakataalikha, kinlaavo voolumwenku kirutele wa Paapa.”

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Yaahaya 17:23

Miiyo khwa yo na weeyo khwa miiyo. Khwa nanna ethiito osiilana waya onttela wiiya khaamili, yoori atthu a voolumwenku ajuwe yoori weeyo ti okirumiyeeyo, na yoori oniwaapheta nkhama etthiipo onikiphetaazo miiyo.

Yaahaya 17:25

“Paapa wa shariya, atthu a olumwenku khanuujuwa, ila miiyo kinuujuwa; na apa okinkhiyeeyo anjuwa yoori weeyo weetta okiruma.

Yaahaya 17:6

“Kawaathoonyeza nzina lawo apale okinkhiyeeyo voolumwenku. Apo aya aari awo, weeyo khukinkha miiyo, yo anshututela nttakhuzi lawo.

Yaahaya 7:33

Yinsa khuwooza yoori: “Kiri vamote na mweeyo wakathi vattitthiiru nawiisha kinlawa wa otule akirumiyeeyo.

Khaazi 3:21

Yinsa ona ya wiiya pinkuuni mpakha ofiya wakathi enttelaavo ozukulisiwa vitthu zooshi nkhama aalaleyiyeezo Nluku raku khwa manapiyu awe.

Arooma 12:5

Etthiipo theenya fweeyo niiyiyeeyo awaatta, naretteya wiiya mwiili mmote khwa Al-Masiihu, na wakhula phantte yaluttana na phantte kiina zaya zooshi.

Arooma 9:17

Maana Zawaatikhiwa Ttakatthiifu zamuuza Firawuuna yoori: “Miiyo koolansa haaswahaaswa khwa matakhelo yoori kuuthoonyeze weeyo owahi kiriinaaye, na yoori nzina laka lilaleyiwe olumwenku wooshi.”

1 Akorintiyu 1:10

Attwiizaku, khwa nzina la Mbwana eetthu Yinsa Al-Masiihu kinuuvekelani mooshi mweeyo yoori mwikhupalelane mmote na nzeenu khwa etile mwinttakhulaaye, yoori ohiiyevo waawanyeya vakatthi venu; mwiiye wookusanyeya khwa wuupuwela mmote na shawuri moote.

Akaalata 3:28

Khina yaahuuti wala kereeku, ama mwiitthwaana wala woohiiyi mwiitthwaana, wala muukha ama nlume, mooshi mwa amoteru khwa Yinsa Al-Masiihu.

Ayeefezu 4:4

Mwiili mmote paasi na Rooho Ttakatthiifu eri moote paasi, nkhama etthiipo mwikhuweliweeyo khwa nroromelo mmote.

Afiliipu 2:9

Tiito Nluku anwulisiyeeyo Yinsa khwa puuro khuluyeene na khumwinkha nzina liriiye vatulu wa mazina ooshi,

Meepereewu 1:3

Na ti mwaana othuuto eeyiye waara wa nuuru ya Nluku na nthoonyezo wa ratarato yawe khaamili na akholelelaka vitthu zooshi khwa nttakhuzi lawe la owahi. Paata ya oswafi twampi za anaatamu eetta wiikhala nkhono nlume wa Nluku wa owahi zooshi.

Meepereewu 9:24

Maana Al-Masiihu khavireeni omwimpari waattaliwa pi makhono a atthu wiiyiye weezela wa mwimpari opule wookhweele; ye alawa pinkuuni, ojithoonyeza nasaapi mmakhono wa Nluku khwa zwaamu yeetthu.

Tiyaaku 4:4

Atthu oohaamineyi, khamwinjuwa yoori oshirikha na olumwenku oniiya wuumani khwa Nluku? Otule antakhaaye wiiya swaahipu na olumwenku onjiretta wiiya atuwi wa Nluku.

1 Pheeturu 1:5

khwa amini mwakholeleliwa ti owahi wa Nluku mpakha ota nusura entakhaaye othoonyeziwa wakathi wa mwiisho.

1 Yaahaya 3:12

Nihiiye nkhama Kayiini, otule aari wa phantte ya ntakhali khumuula ttwiiye. Amuulela niini? Mwaasa wa khaazi zawe zaari zootakhala, ila epi za ttwiiye zaari za shariya.

1 Yaahaya 5:19

Fweeyo ninjuwa yoori niri wa Nluku na olumwenku onlokozeliwa pi owahi wa ntakhali.

Yuuda 1:1

Yuuda, mwiitthwaana wa Yinsa Al-Masiihu, ttwiiye Tiyaaku, apale akhuweliweeyo, oophetiwa ti Nluku Paapa na athokoreliweeyo ti Yinsa Al-Masiihu:

Yuuda 1:24

Khwa otule eeyiyeeyo wa owahi yoori ookattazeni muukwakwanttuwa na yoori oothonyezeni nsiifwa mwawe woohiina hatha nlepa na furaha khuluyeene,

Othoonyeziwa 15:4

Paani ahinttelaaye owoova, oo Mbwana? Paani ahinttelaaye ottitthimisa nzina lawo? Maana weeyo paasi ti wiiyiyeeyo ttakatthiifu. Khapila zooshi zinttela ota omaasho wawo na ziwaaputu, maana zooretta zawo za shariya zathoonyezeya.”

Othoonyeziwa 19:12

Maasho awe ari nkhama eviriviri ya moottho, veeshwa vawe zirivo jarata za waatta na nzina limote ahinjuwaaye hatha ntthu, woohiiyi ye mweenyewe.

Othoonyeziwa 4:8

Wakhula moote yaarina mapaphelo sitha na zaari za wiitaala maasho, nkerekhere mpakha mmapaphelo. Woohilikheleli osikhu na nthana wiipa yoori: “Ttakatthiifu, ttakatthiifu, ttakatthiifu, ti Mbwana Nluku, Nwahi zooshi, aariivo, ariivo, na anttelaaye ota.”