Yaahaya 16:25 - Hapari Zooshapweya

²⁵ “Miiyo kiniwuuzani vitthu epo khwa nlikaniso. Onteela ofiya wakathi kihinttelaaye orumeyela mattakhuzi nkhama apo, ila kinteelaaye owuuzani saaneene monkoni wa Paapa.

Yaahaya 16:25 Mawu Ofanana

Maaruku 4:13

Aphano Yinsa khuwoozela yoori: “Mweeyo khuniweeleyani nlikaniso opu, nanna-ni enteelaaye oweeleyani epi mikina?

Maaruku 4:34

Khaari owooza hatha etthu ahirumeyeleeni nlikaniso, ila amana eeya na anakhiyoni awe paasi, eetta owoozaka zooshi.

Maaruku 8:32

Ye khulupa woosileyavo monkoni aya opo. Aphano Pheeturu khunkhuwelela othetekele khusala anshowera.

Yaahaya 10:24

Aphano mayaahuuti khunzukulela khusala amuuzela yoori: “Onnilikhela mishikili mpakha lini? Onuuze saana nkhama weeyo o Al-Masiihu?”

Yaahaya 10:6

Yinsa awooziye nlikaniso opo, ila yo khuhiweeleyi maana a epile aari owoozaaye.

Yaahaya 16:12

“Kinaaye nalelo vitthu zawaatta za owuuzani, ila nasaapi eti mweeyo khamwinteela ovilela.

Yaahaya 16:2

Mweeyo mwinteela wiikariwa nsinakooka; weekhweele, onlawa wafiye wakathi anraaye ntthu amana awuulaani khoona nkhama ankholaaye khaazi ya Nluku.

Yaahaya 16:32

Wakathi waattama, weekhweele wafiya, mweeyo mwinttelaaye omwazeya wakhula ntthu alawe owawe, mwikilikhe otthome. Ila akiri otthome, maana Paapa ona miiyo.

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.