Yaahaya 16:20 - Hapari Zooshapweya

²⁰ Miiyo kiniwuuzani khweele yoori, mwinteela olila na ojikhupanyisa, ila atthu a olumwenku afurahiye. Mweeyo mwiri oohuzunikha, ila huzuni ya ethiito ezukuluwe yiiye furaha.

Yaahaya 16:20 Mawu Ofanana

Matewuzhu 21:38

Ila anamalima amoniyeevo mwaana otule, khulupa yoori: ‘Otu namarithi. Mwite, nimuule nithuule erathi yawe.’

Matewuzhu 5:4

Ooparikhiyiwa pi apale anlilaaye, maana anteela ozurwiwa.

Maaruku 14:72

Nasaapiru likukhuwi khwiikha swaafu ya phiiri. Pheeturu khuupuwela mattakhuzi Yinsa amuuziyeeyo yoori: “Likukhuwi lihineekhe swaafu piiri, onikikhana swaafu ttatthu.” Khulaavo aphale vaya khusala alila.

Maaruku 16:10

Ye khulawa owooza ashirikha awe Yinsa, maana yo aari oohuzunikha na olila.

Luuka 22:45

Noolaavo aphale aari olompaavo, khweetta aphale aariivo anakhiyoni awe, khuwaasikana eettaka olala ari oohuzunikha.

Luuka 22:62

Pheeturu khulaavo aphale vaya khusala alila ari wookafilikha.

Luuka 23:27

Aari olottiwa pi atthu awaatta na aarivo aakha aari onlilelaaye ankhupanyeraka.

Luuka 24:17

Ye khuwoozela yoori: “Mwinnyakulisana monkoni wa niini ntarikhi mphu mweettaka weettetta?” Yo khweemela ari oohuzunikha.

Luuka 24:21

Fweeyo naari onwejela yoori aari ye aari weettelaaye otana okaphuliwa wa Ezirayiilu. Thanku zirettikhane vitthu epo leelo siikhu ya ttaatthu.

Luuka 6:21

Ooparikhiyiwa ti mweeyo enuukholaanini jala nasaapi, maana mwinlawa mwarupale. Ooparikhiyiwa ti mweeyo mwinlilaaye, maana mwinteela otheya.

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Yaahaya 16:6

Ila mwaasa woolupa vitthu epo, rooho zenu zahuzunikha.

Yaahaya 20:20

Alupiyeevo vitthu epile khuwaathoonyeza makhono awe na pavu yawe. Anakhiyoni apale khwiiya ofurahi paata ya omoona Mbwana.

Khaazi 5:41

Maaswihaapa khusaruwamo nnyuupa khuulu ya Mashawuriiya ari ofurahi mwaasa wa Nluku owoona wiiyana owahi ohoowa wa opattisisiwa haaya mwaasa wa nzina la Yinsa.

Arooma 5:11

Khahiyo ethiito paasi, ila theenya ninjittitthimisa khwa Nluku, vakatthi wa Mbwana eetthu Yinsa Al-Masiihu, othuuto anipatthisiyeeyo osiilana.

2 Akorintiyu 6:10

ohuzunikhisiwa, ila niri ofurahi wakhula wakathi; asikhini, ila niwaarelisaka atthu awaatta; ohiina etthu, ila zooshi nipatthaka.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

1 Atizaloonika 1:6

Weekhweele mweeyo mwaretteya wiiya atthu mwinneezelaaye fweeyo na khwa Mbwana, maana, mwahoowaru pure, mwapwekherela nttakhuzi na furaha entaaye khwa Rooho Ttakatthiifu.

Tiyaaku 1:2

Attwiizaku, mwijoone wiiyana furaha khuluyeene amana mwivirela wakhula nanna ya wootootiwa,

Yuuda 1:24

Khwa otule eeyiyeeyo wa owahi yoori ookattazeni muukwakwanttuwa na yoori oothonyezeni nsiifwa mwawe woohiina hatha nlepa na furaha khuluyeene,

Othoonyeziwa 11:10

Atthu aniikhalaaye va tuniya anteela ofurahi na otthapa na winkhana tthuvo wakhula mmote na nzaawe mwaasa wa ofwa manapiyu apa awiri aari owoopopisaaye atthu aniikhalaaye va tuniya.

Othoonyeziwa 18:7

Mwinhooshe womoopopisavo channu namashakha a waatta, nkhama nsiifwa na nraaha mphule ye ajitthiiyeemo. Khwa rooho yawe ye aari ojikhupali yoori: ‘Miiyo ki wa wiikhala nkhama rayisi, aki namafweliwa ti mannaka na akinteela woona theenya huzuni.’