Yaahaya 15:5 - Hapari Zooshapweya

⁵ “Miiyo ki nrayi, mweeyo mwa virapi. Otule anjilipisanaaye miiyo, na miiyo khwa ye, oto aya oniima mishumo zawaatta; maana mweeyo woohiiyani miiyo, khina etthu mwinwahaaye oretta.

Yaahaya 15:5 Mawu Ofanana

Matewuzhu 13:21

Ila mwaasa wa ohiina mitathaari eenyeweru, anlipalipa khwa wakathi vattitthiiru. Amana epuwelela miswipa ama lupattha mwaasa wa nttakhuzi la ofwalume, anlikha nasaapiru amini yaya.

Yaahaya 12:24

Miiyo kiniwuuzani khweele yoori, amana phunje ya tiriku ehikweli vathi na ehifwi nalelo eniiya phunje paasi, ila amana efwa empuwisa mishumo zawaatta.

Yaahaya 15:16

Khahiyo mweeyo mwikithawuliyeeyo miiyo, ila miiyo ti kuuthawuliyeenini mweeyo na khuutthomani yoori mwilawe mweeme mishumo, mishumo zoolipaneya, yoori Paapa awahi owinkhani wakhula etile mwinvekaaye khwa nzina laka.

Yaahaya 5:19

Aphano Yinsa khuwooza yoori: “Miiyo kiniwuuzani khweele yoori, Mwaana khanretta etthu yawe, ila onretta etile animoonaaye Paapa arettaka. Maana zooshi epile anrettaaye Paapa, Mwaana onretta etthiipo.

Yaahaya 9:33

Eriwaka mwinyi oto khaari wa Nluku, khaari owahi oretta hatha etthu.”

Khaazi 4:12

Khaavo ntthu nkina wala nzina likina linwahaaye owoosuru atthu vathi apha wooshivo, woohiiyi nzina la Yinsa.”

Arooma 12:5

Etthiipo theenya fweeyo niiyiyeeyo awaatta, naretteya wiiya mwiili mmote khwa Al-Masiihu, na wakhula phantte yaluttana na phantte kiina zaya zooshi.

Arooma 6:22

Aphano mwalaziwamo ntwampi mwarettiwa oviitthwaana wa Nluku na mishumo mwinshumaaye zinuurettani wiiya a Ttakatthiifu, omwiisho waya ohaayi wa mileele.

Arooma 7:4

Apho attwiizaku, mweeyo theenya mwafwa khwa kano, vakatthi wa mwiili wa Al-Masiihu, yoori mwirette phantte ya nkina, opule osisimuwiyeeyo muufwa, yoori nipatthe wiiyana mishumo khwa Nluku.

1 Akorintiyu 10:16

Jiikira ya parakha niparikhiyiyeeyo osiilana onrettiwaaye khwa taamu ya Al-Masiihu, na phaawu nimeyiyeeyo osiilana khwa mwiili wa Al-Masiihu.

1 Akorintiyu 12:12

Apho, nkhama etthiipo mwiili wiiyiyeeyo etthu moote, weeyanaru pure kifunko zawaatta, na kifunko zooshi enretta mwiili mmote paasi, na fweeyo pi etthiipo khwa Al-Masiihu.

1 Akorintiyu 12:27

Maana, mweeyo mwa mwiili wa Al-Masiihu, wakhula mmote wa mweeyo, kifunko ya mwiili otthuupo.

2 Akorintiyu 13:8

Maana khina etthu ninwahaaye ozukulisela khwa wuumanana haakhi, ila wiiya phantte ya haakhi.

2 Akorintiyu 9:10

Otule aniwinkhaaye peewu apale anzalaaye na etthu yoojiwa, theenya oneekezela peewu ya khaazi zenu zooshapweya na onteela owulisa mishumo za shariya yenu.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Ayeefezu 5:9

Maana mishumo za nnuuru zintana okemaani, shariya na haakhi.

Afiliipu 1:11

Mwiiye awiitaala mishumo za shariya, mishumo zinlankhaaye wa Al-Masiihu Yinsa, yoori wiiye ottitthima na siifwa ya Nluku.

Afiliipu 4:13

Kinwahi oretta zooshi khwa otule anikikhomaazaaye.

Afiliipu 4:17

Khahiyo yoori miiyo kineekesa winkhiwa zaakha, ila kintakha woona fwayita yeettaka weekezeleya khwa phantte yenu mweeyo.

Akoloosu 1:10

Na etthiipo, mwiwahi wiikhala nanna ensuhaaye khwa Mbwana na mwirettaka etile enintuvelaaye, mwiimaka mishumo zooshi zooshapweya na mwiwulaka khwa ojuwa wa Nluku.

Akoloosu 1:6

zuufiyeliyeenini mweeyo. Hapari zooshapweya mwipwekhereliyeeyo eniima mishumo na emwazeyele olumwenku wooshi. Etthiipo erettikhaniyeezo khwa mweeyo, thanku siikhu mwisiiliyeeyo elupiwaka monkoni wa rehema ya Nluku na mwajuwa wa khweelevo.

Tiyaaku 1:17

Vitthu zooshi zooshwapweya na tthuvo khaamili zooshi zinlankha pinkuuni, mmakhono wa Paapa wa nuuru, ahinzukuluwaaye nkhama mwiivuuli onzukuluwaazo.

1 Pheeturu 2:4

Khwa khiima mwinimwaattamaaye ye, liwe haayi likatthaliweeyo pi anaatamu, ila lithawuliweeyo ti Nluku na lootafikhana khwa ye,

2 Pheeturu 3:18

Ila mwiwule nkatthi wa rehema na muujuwa wa Mbwana eetthu Namuusuru Yinsa Al-Masiihu. Othuuto ti enkhiwe siifwa, waaza nasaapi mpakha mileele! Amiina.