Yaahaya 15:24 - Hapari Zooshapweya

²⁴ Eriwaka akeettiye oretta vitthu vakatthi vaya ahinwahaaye oretta ntthu nkina, yo khaari wiiyana paathuli ya twampi. Ila yo oona epi kirettiyeezo na khusala akhanyarela wiiphiiriwa ti miiyo na Paapa.

Yaahaya 15:24 Mawu Ofanana

Olaawo 20:5

Ohikokhorele wala ohaaputu, maana Miiyo ki Nnyizinku, Nluku ahintakhaaye miluku mikina; kintakha wiiye waka paasi, kinoonaaye twampi za apaapa na kifikhirelaka twampi zaya khwa aana aya mpakha khapila ya ttaatthu ama yanne ya apale anikitarawaaye,

Matewuzhu 11:5

Ananhooni anoona, anamarakala aneettetta, anamaaharaja antta otwahareshiwa, ananhisiili ansiila, ananfwa ansisimuwa, na hapari zooshapweya antafusireliwa asikhini.

Matewuzhu 21:32

Maana Yaahaya ata yoori oothonyezeni tarikhi ya shariya, mweeyo khuhinkhupaleli, ila anamariphisa lumpuru na amalempe ankhupalela. Mweeyo moona vitthu epile khuhithupwiyi na wala khuhinkhupaleli.

Matewuzhu 9:33

Noomwiikara sheethwani otule, ye khwaaza ottakhula. Khuntti etile khwiiya yooshanka na khuri: “Khinarettikhane vitthu nkhama epi Ezirayiilu.”

Maaruku 2:12

Wakathi otthuupule mwinyi otule khulankha ooniwaka pi atthu ooshi, khuthuula nrepa lawe khusaruwa. Yo khwiiya ooshanka na khunttitthimisa Nluku, alupaka yoori: “Khaninoone vitthu nkhama epi!”

Luuka 24:19

Yinsa khuwoozela yoori: “Niini erettikhaniyeeyo?” Yo khunjipu yoori: “Epile zinrettikhaneliyeeyo Yinsa wa Nazareeti. Ye aari napiyu wa owahi khwa zooretta na mattakhuzi awe vakatthi wa Nluku mpakha wa atthu ooshi.

Yaahaya 10:32

Yinsa khuwooza yoori: “Miiyo karetta vakatthi venu vitthu zawaatta zooshapweya Paapa akirumiyeezo oretta, khwa zooshi ti tiivi mwintakhelaaye okivonyela?”

Yaahaya 10:37

Amana kihikholi khaazi ya paapa, mwihikikhupalele.

Yaahaya 12:10

Khwa etthiipo mahaakhimu a tiini khuwaza shawuri zoomuula Laazaru naye,

Yaahaya 12:45

Na otule anikoonaaye, amoona otule akirumiyeeyo.

Yaahaya 14:9

Yinsa khunjipu yoori: “Filiipe, kiikhaliyeezo wakathi mwinkeene na mweeyo; nalelo khunikijuwa? Otule akooniye miiyo amoona Paapa. Khi onlupa toovi yoori: ‘Onithoonyeze Paapa’?

Yaahaya 15:21

Zooshi epo anlawa ooretteleni mweeyo, mwaasa wa nzina laka, maana khaninjuwa otule akirumiyeeyo.

Yaahaya 15:22

Eriwaka akaatiiye kilupa, yo khaari wiiyana paathwili ya twampi. Ila apha khana hatha nanna ya ojaakisa monkoni wa twampi zaya.

Yaahaya 15:23

Otule aniiphiiriwaaye ti miiyo na theenya oniiphiiriwa ti Paapa.

Yaahaya 16:9

khwa twampi, mwaasa wa anaatamu ohikikhupali miiyo;

Yaahaya 3:2

Ye khulawa okutthanana Yinsa osikhu na khumuuza yoori: “Rabi, ninjuwa yoori onsomisa khwa phantte ya Nluku, maana khina anwahaaye oretta alama za minjuza nkhama epo, aheetteeni Nluku wiiya vamote na ye.”

Yaahaya 5:36

Ila miiyo kinaaye oshaahiti nwulweene zayita Yaahaya, mwaasa wa khaazi akinkhiyeeyo Paapa yoori kikhole. Ethiito oshaahiti yoori Paapa ti akirumiyeeyo.

Yaahaya 6:36

Ila nkhama etthiipo miiyo kiwuuziyeenini yoori, mweeyo mwakoona, ila nalelo khamwinkikhupali.

Yaahaya 7:31

Atthu enkeene aari aphale khumkhupali na khusala alupa yoori: “Amana Al-Masiihu ata, onteela oretta alama zootikinisa zayita epi arettiyeeyo mwinyi otu?”

Yaahaya 9:32

Thanku olumwenku wumpiwe khina hatha ntthu mmote ana siile yoori maasho a ntthu woovokoleliwa ahoonaka afunuliwa.

Yaahaya 9:41

Yinsa khuwaajipu yoori: “Eriwaka mweeyo mweettiye wiiya woohooni, khamwaari wiiyana paathwili ya twampi; ila apha wiiya mwinlupa yoori mwinwahi woona, paathwili yenu nalelo mwinaaye.”

Khaazi 10:38

mweeyo mwinjuwa khwa nanna Nluku anthawaziyeeyo Yinsa wa Nazareeti khwa Rooho Ttakatthiifu na owahi, ethiito yanlawaniye phantte zinkizene arettaka vitthu zooshapweya na owaavonisa atthu ooshi apale aari ohoochiwaaye ti sheethwani, maana Nluku aari vamote na ye.

Khaazi 2:22

“Mweeyo, atthu a Ezirayiilu, mwisiileze mattakhuzi apa: Yinsa wa Nazareeti, ahakikhiwa ti Nluku vakatthi venu mweeyo khwa alama zawaatta na minjuza, etthiipo Nluku mweenyeweene arettiyeezo khwa ye vakatthi venu mweeyo nkhama etthiipo mwinjuwaazo.

Arooma 1:30

anamatarawu, maatuwi a Nluku, oohileleyi, ooveyisa na oojinkhelela, anwazaaye ohata wa oretta zootakhala, woowakhijilela apapazaya,

2 Timootiyu 3:4

anamazinkula, avaranka, ojoona, oopheta vitthu ziniwaatuvelaazo zayita Nluku,

Tiyaaku 4:4

Atthu oohaamineyi, khamwinjuwa yoori oshirikha na olumwenku oniiya wuumani khwa Nluku? Otule antakhaaye wiiya swaahipu na olumwenku onjiretta wiiya atuwi wa Nluku.