Yaahaya 15:21 - Hapari Zooshapweya

²¹ Zooshi epo anlawa ooretteleni mweeyo, mwaasa wa nzina laka, maana khaninjuwa otule akirumiyeeyo.

Yaahaya 15:21 Mawu Ofanana

Matewuzhu 10:18

Mwaasa wa miiyo, mwinlawa mwalawaniwe vakatthi wa misatoro na afwalume, yoori wiiye oshaahiti anttelaaye orumeyela yo na amalapo monkoni wa hapari zaka.

Matewuzhu 10:22

Atthu ooshi anttela owiinani mwaasa wa miiyo, ila otule anttelaaye ovilela mpakha mwiisho ontta wuusurukha.

Matewuzhu 10:39

Otule aneekesaaye ohaayi awe, onimwaashikha na otule onimwaashikhaaye ohaayi awe mwaasa wa miiyo ompattha.

Matewuzhu 24:9

“Aphano yo anteela owinkhelelani yoori mwilupatthiwe na muuliwe, mwinlawa mweeniwe ti khapila zooshi mwaasa wa nzina laka.

Matewuzhu 5:11

“Ooparikhiyiwa ti mweeyo amana mwittukhaniwaka, olupatthiwa na olupeziwa wakhula nanna ya ohankawaani mwaasa wa miiyo.

Maaruku 13:13

Atthu ooshi anttela owiinani mwaasa wa miiyo. Ila otule anttelaaye ovilela mpakha mwiisho, ontta wuusurukha.

Luuka 21:12

“Khapula zihinarettikhane vitthu zaya epo, mwinlawa mwalupatthiwe, mwilawaniwe mmakhono wa afwalume na mahaakhimu, mwiphukiwe nsinakooka, mwifukeliwe nkalapooso mwaasa wa okilotta miiyo.

Luuka 21:17

Atthu enki anttela wiiya awiiphiiriwa ti mweeyo mwaasa wa nzina laka.

Luuka 6:22

Ooparikhiyiwa ti mweeyo, amana atthu eephiiriwaka ti mweeyo, awiikarani, oottukhanani na khuwoonani ohifwayi mwaasa wonlotta Mwaana wa Pinaatamu.

Yaahaya 15:24

Eriwaka akeettiye oretta vitthu vakatthi vaya ahinwahaaye oretta ntthu nkina, yo khaari wiiyana paathuli ya twampi. Ila yo oona epi kirettiyeezo na khusala akhanyarela wiiphiiriwa ti miiyo na Paapa.

Yaahaya 16:3

Yo anttela oretta toowo mwaasa woohinjuwi Paapa wala miiyo.

Yaahaya 17:25

“Paapa wa shariya, atthu a olumwenku khanuujuwa, ila miiyo kinuujuwa; na apa okinkhiyeeyo anjuwa yoori weeyo weetta okiruma.

Yaahaya 8:19

Aphano khumuuzela yoori: “Papaawo aya ori vayi?” Yinsa khuwaajipu yoori: “Mweeyo khamwinikijuwa miiyo na khamwininjuwa Paapa, eriwaka mwaari okijuwa, mweetta onjuwa Paapa.”

Yaahaya 8:54

Yinsa khuwaajipu yoori: “Nkhama kintta ojisifu, ojisifu waka khuna maana. Paapa otule mweeyo mwinraaye ‘Nluku eetthu,’ ti anikisifwisaaye.

Yaahaya 8:55

Mweeyo khamwininjuwa, ila miiyo kininjuwa. Eriwaka keettiye olupa yoori akininjuwa, kaari wiiya namahata nkhama mweeyo, ila miiyo weekhweele kininjuwa na kinshututela nttakhuzi lawe.

Khaazi 17:23

Kazukulela sitati eti yooshi, wakhula vahali khusala kisikana vitthu mwinaaputwaazo hatha kansikana alitaari aatikhiweeyo yoori: nluku woohijuwiwi. Othuuto, mwinimwaaputwaaye mwihinjuwaka, ti othuuto kininlupaaye miiyo kiwuuzakani.

Khaazi 26:9

“Weekhweele na miiyo kaari woojishintta yoori kiina yooretta wakhula etthu ya wuumanana nzina la Yinsa wa Nazareeti.

Khaazi 3:17

“Aphano attwiizaku, miiyo kajuwa yoori mwaarettiye hatha mwihijuwaka na anamalokozela enu.

Khaazi 4:17

Apho yoori vitthu epo zihimwazeyele vakatthi wa atthu niwoopopise yoori ahimuuze hatha ntthu monkoni wa nzina nttho.”

Khaazi 5:41

Maaswihaapa khusaruwamo nnyuupa khuulu ya Mashawuriiya ari ofurahi mwaasa wa Nluku owoona wiiyana owahi ohoowa wa opattisisiwa haaya mwaasa wa nzina la Yinsa.

Khaazi 9:14

Ye ata okhuno khwa ruhusa ya mahaakhimu a tiini yoori awaakhole ooshi apale ansifwaaye nzina lawo.”

Khaazi 9:16

Kinlawa kanthoonyeze Sawulu nanna anttelaaye ohoowa mwaasa wa nzina laka.”

Arooma 1:28

Olikha toowo, moone yoori atarawu ojuwa wa Nluku, ye awaalikhela akhili zaya zoovonyeya, yoori arette vitthu zihinrettiwaazo.

1 Akorintiyu 15:34

Nkhama anashariya, mwiikhale mwentto wooshapweya na mwilikhe twampi; maana akina nalelo khananjuwe Nluku; kinlupa epo zaya khwa haaya yenu mweeyo.

1 Akorintiyu 2:8

Hatha namawahi mmote a wakathi opu emweleyiyeeyo; maana eriwaka zeettiye omweleya, ahinkhomeleeni Mbwana wa Siifwa.

2 Atizaloonika 1:8

Ye onteela owaahukhumu apale ahininjuwaaye Nluku na apale ahinshututelaaye hapari zooshapweya za Mbwana eetthu Yinsa.

1 Yaahaya 3:1

Moone nanna ewuliyeezo pheta Paapa aninkhiyeeyo, yawiitthiwa aana a Nluku, khweele na aana a Nluku. Tiito olumwenku ohinnijuwaaye, maana olumwenku khuninjuwa Nluku.

3 Yaahaya 1:7

Maana yo aaza safwari yaya ya onrumeyela Al-Masiihu woohikhupaleli hatha awuni moote ya amalapo.

Othoonyeziwa 2:3

Mweeyo mwina nthiti na ovilela muuhoowa mwaasa wa nzina laka, na wala khamwikayireeni.