Yaahaya 15:19 - Hapari Zooshapweya

¹⁹ Eriwaka mweeyo mwaari atthu a voolumwenku, yo aari otuveliwa ti mweeyo mwaasa wa wiiya aya. Nakataalikha mweeyo khahi mwa atthu a olumwenku, ila miiyo koothawulani khulazani vakatthi wa atthu a olumwenku. Tiito atthu a olumwenku aniiphiiriwaaye ti mweeyo.

Yaahaya 15:19 Mawu Ofanana

Matewuzhu 10:22

Atthu ooshi anttela owiinani mwaasa wa miiyo, ila otule anttelaaye ovilela mpakha mwiisho ontta wuusurukha.

Matewuzhu 24:9

“Aphano yo anteela owinkhelelani yoori mwilupatthiwe na muuliwe, mwinlawa mweeniwe ti khapila zooshi mwaasa wa nzina laka.

Luuka 6:32

“Amana mwiwaaphetaka apale anuuphetaanini paasi, fwayita ni mwineekeselaaye mmakhono wa Nluku? Hatha anatwampi atthaapo aniwaapheta apale na yo aniwaaphetaaye.

Yaahaya 13:18

“Akinuulupani mooshi, kiniwaajuwa apale kiwaathawuliyeeyo. Ila epo enttela orettikhana yoori emariseleye epile zilupiyeeyo Zawaatikhiwa Ttakatthiifu, yoori: ‘Othuuto kimeelaniyeeyo phaawu yaka akizinkula.’

Yaahaya 15:16

Khahiyo mweeyo mwikithawuliyeeyo miiyo, ila miiyo ti kuuthawuliyeenini mweeyo na khuutthomani yoori mwilawe mweeme mishumo, mishumo zoolipaneya, yoori Paapa awahi owinkhani wakhula etile mwinvekaaye khwa nzina laka.

Yaahaya 6:70

Aphano Yinsa khujipu yoori: “Khahi miiyo kiwaathawuliyeeyo apale khumi na awiri? Ila mmote wa mweeyo sheethwani.”

Tiyaaku 4:4

Atthu oohaamineyi, khamwinjuwa yoori oshirikha na olumwenku oniiya wuumani khwa Nluku? Otule antakhaaye wiiya swaahipu na olumwenku onjiretta wiiya atuwi wa Nluku.

1 Pheeturu 4:3

Maana raku mwaharipu wakathi mwinkeene mwirettaka epile eniwaatuvelaaye makaafiri. Wakathi aya opule mwaari wiikhala nkatthi wa khaapa twayifu, tuvela za onaatamu, ohapaliwa, osokho, majampo ohapaliwiwa na waaputu sanamu.

1 Yaahaya 3:12

Nihiiye nkhama Kayiini, otule aari wa phantte ya ntakhali khumuula ttwiiye. Amuulela niini? Mwaasa wa khaazi zawe zaari zootakhala, ila epi za ttwiiye zaari za shariya.

Othoonyeziwa 12:17

Jahanamu khwiiya wawiiphiiriwa ti muukha otule na khulawa wuumana ojama opule wa muukha waasaliyeeyo, apale anshututelaaye oruma wa Nluku na aniiyaaye awaamineya khwa oshaahiti wa Yinsa.

Othoonyeziwa 12:9

Jahanamu khuluyeene khweeseleliwa oje. Ye ti nyookha ya raku eniitthiwaaye Epiliisi ama Sheethwani, namahata wa olumwenku wooshi, khweeseleliwa va tuniya na malayikha awe.